Vafilipi 4:7 - Bhibhiliya Nya Guage

⁷ Gurula ga Nungungulu gu dzi kodzago gu vboha ni omu hi si gu alakanyigo, gu na sayise myonyo ni mapimo khu ga Kristo Jesu.

Vafilipi 4:7 Iomraidhean Croise

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Joba 22:21

Gasi olu, dzi tshanganise ni Nungungulu, u kodze gu mana gurula gwaye, khu kharati, u na vbanya nu tangade.

Joba 34:29

Aholu, Uye a gu degula, khu mani a na mu rwegago nandru? A gu siha khovbe yaye, khu mani a na mu wonago? Khu guralo, Uye a ngu fuma vathu gumogo ni mayigo.

Dzindzimo 29:11

Pfhumu Nungungulu a ngu ninga tshivba vathu vaye, Pfhumu Nungungulu a ngu kategisa vathu vaye khu gurula.

Dzindzimo 85:8

Nyi na yingisa esi Pfhumu Nungungulu a na ganelago, kholu a na ganela khu mahungu nya gurule ga vathu vaye, ni ga vale va khodwago gwaye; gasi va si wuyeleli gambe wupumbuni.

Mavingu 2:11

Maalakanyo nya yadi ma na gu vhikela, gupimisa, gu na gu sayisa,

Mavingu 4:6

U nga hambani ni guti, kholu gu na gu sayisa, gu gole, kholu gu na guvbanyisa.

Mavingu 6:22

Si na gu hetedza ndzilani gwago, wa gu lala, si na gu vhikela, wa gu wuga, si na gu bhudzisa.

Isaya 26:12

Uwe Pfhumu Nungungulu, u na hi ninga gurula, kholu khuwe u hi giredego mithumo yathu yatshavbo.

Isaya 26:3

Uwe Pfhumu Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Isaya 48:18

Oh! Nari pwani u di yingiside milayo yangu! Gurula gwago gu di hadza gu goga kha nga tsongo, ni gululama gwago, gu di hadza gu fanana ni mavimbi nya linene;

Isaya 48:22

Aholu, va nya guvivbedwa khu myonyo kha va nga mana gurula, khu Pfhumu Nungungulu a ganelago.”

Jeremiya 32:16

Hwane nya gubani nyi rengide nyi ningela mikhwepha, Bharuki, mwamana wa Neriya, nyi di lombelela ga Pfhumu Nungungulu, kheni:

Jeremiya 33:6

Nyi na hungelela silondra sawe, nyi va vbodzisa ni gu va vbanyisa, nyi bwelo khavbo nyi va ninga gurula nya gungi ni lisine.

Mitengo 6:26

Pfhumu Nungungulu a na thendregedze khovbe yaye avbo gwago, a gu ninge gurula.

Luka 1:79

gasi guta wenengedza avo va vbanyelago gidemani ni gusivbalani nya lufu, gumogo ni gu hi gimbidzisa khu ndzila nya gurule.”

Luka 2:14

“Rungudzo ga Nungungulu Ndzadzini, gurula mafuni ga sigodwa saye.”

Johane 14:27

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Johane 16:33

Nya gu mi embelani esi, gasi mu tshale ni gurula gwangu; mu na mana sigaradzo tigoni, aholu nyi tumbeni, kholu eni nyi pade litigo.”

Varoma 1:7

Nyi ngu mi losani enu mwatshavbo mu gumogo Roma, enu mu haladzwago khu Nungungulu, mu ranidwego gu khala va nya guaga vaye, kheni: Wuhigo ni gurula gu tago khu ga Nungungulu Babe wathu, ni ga Pfhumu Jesu Kristo gu na khale ni enu mwatshavbo.

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Varoma 15:13

Uye Nungungulu a gu gibuga nya gitumbo a na mi ninge gunengela, ni gurula khu gukhodwa, gasi gitumbo gyanu gi engedzelana gu dandra khu tshivba nya Liphuvbo nya Guage.

Varoma 5:1

Na hi wonidwe kharati, kha nga vathu nya gululame, khu kotani nya gukhodwe gwathu, ethu hi ngu vbanya khu gurula ni Nungungulu khu gwa Jesu Kristo, Pfhumu yathu.

Varoma 8:6

Gu dzi garadza khu gu landra gudogolela nya tumbunugo nya wuthu, gwa gu ninga gufa. Gasi gu dzi garadza khu gu landrisa esi Liphuvbo nya Guage li rumago, gwa gu ninga guvbanya ni gurula.

2 Vakorinto 10:5

hi na khungumule matshandza yatshavbo ma wugelago guti gwa Nungungulu, hi wuyisela mapimo yatshavbo nya wuthu, ma ta yingisa Kristo.

2 Vakorinto 13:11

Khu guhegisa, vandruye, nyi ngu mi lomba mu khale khu gutsaka, ni gululama, mu tangadzisana khu gyanu. Mu vbanya khu gu pwanana, mu khala khu gurula, Nungungulu nya lihaladzo, ni gurula a na khale vbakari gwanu.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vaefeso 3:19

lihaladzo leli la Kristo, ambari ulo a gu mwalo muthu a dzi kodzago gu liti khu guvbelela, gasi enu mu mane gutala khu wufumu watshavbo wa Nungungulu.

Vafilipi 1:1

Eni Pawulo ni Thimoti, sithumi sa Kristo Jesu, hi ngu lovela vathu vatshavbo va Kristo Jesu va vbanyago dhoropani ga Filipi, gumogo ni vathangeli vawe ni vaphasedzeli vakone.

Vafilipi 1:2

Wuhigo ni gurula mu na ningwe khu Nungungulu Babe wathu ni Pfhumu Yathu Jesu Kristo.

Vafilipi 4:19

Nungungulu wangu a na mi phase khu satshavbo mu si vbwetago, khu gutala nya wufumu ni wudhumo waye ga Kristo Jesu.

Vafilipi 4:21

Losedzelani vatshavbo va khodwago ga Jesu Kristo. Vathu va Nungungulu nyi vbanyago navo va ngu mi losedzelani navo.

Vafilipi 4:9

Guvbanyani gwanu thumisani esi mu hevbudego gwangu, esi mu nyi pwidego na nyi gu ganela ni esi mu nyi wonego na nyi gu gira, kharati, gurula ga Nungungulu gu na khala ni enu.

Vakolosi 3:15

Myonyoni gwanu gu na fume gurula gwa Kristo, mu ranedwago ugo mu gu wumba givili gimwegyo. Khalani vathu va kodzago gubonga.

2 Vatesalonika 3:16

Gasi Pfhumu, Nungungulu nya gurule a na mi ningeni gurula gwaye khu maphuvbo yatshavbo. Pfhumu yi na khale ni enu mwatshavbo.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

Judha 1:1

Eni, Judha, githumi gya Jesu Kristo nyi gu ndruye wa Jakobe, nyi ngu lovela ava va ranidwego ni gugolega ga Nungungulu Babe ni gu vhikedwa khu Jesu Kristo.

Gutuledwa 1:4

Eni Johane nya gu lovela livbandre na mavili mabandla ya Aziya, kheni: Wuhigo ni gurula gu na khale ni enu khu ga wule a gu uye, a nga bani ari uye, a gu uye a natago, ni ga livbandre na mavili maphuvbo, ma gomogo mbeli nya gikhalo nya wufumu waye.

Gutuledwa 2:17

“Wule a gu ni dzindzeve a na pwisise esi Liphuvbo li embelago mabandla: Wule a na palago nyi na mu ninga manaha ma sihidwego. Nyi mu ninga gambe giwindri nya guage gi lovidwego lina nya liphya, eli li si tidwigo khu muthu vbavbandze nya wule a nga riywago ilo.”