Vafilipi 4:6 - Bhibhiliya Nya Guage

⁶ Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.

Vafilipi 4:6 Iomraidhean Croise

1 Dzipfhumu 8:28

Ambari khu guralo, olu Pfhumu Nungungulu wangu, hakha nombelo wa githumi gyago ni gu lomba gwaye. Yingisa gulila ni nombelo yoyu githumi gyago gi lombago muhuno mbeli gwago.

2 Dzikoronika 32:20

Aholu mufumeli Ezekhiya ni muprofeti Isaya, mwamana wa Amosi, va di lombelela khu mahungu yaya, va lomba giphaso gya ndzadzini.

Dzindzimo 51:15

Pfhumu, tula likana langu, likana langu li na tivisa wudhumo wago.

Dzindzimo 55:17

Vbasilambotunu, vbadzimindrutunu ni vbamihanitunu, nyi na lila nyi dilela; Uye a napwa lito langu.

Dzindzimo 55:22

“Vega womi wago ga Pfhumu Nungungulu, uye a na gu sayisa; gima kha na dzumedzisa muthu nya gululame gu a thega vbavbatshi.”

Dzindzimo 62:8

Enu vathu tumbani Nungungulu gikhati gyatshavbo; mu embeledzeleni mabala ya monyoni gwangu, kholu, uye khuye wuthavelo wathu.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 16:3

Tumba Pfhumu Nungungulu ga mithumo yago yatshavbo, gasi makungo yago ma na mana gudugelela.

Gizimba 2:14

Uwe lituva langu u sihalago dziphagoni nya siwindri, ni gukhwekelani nya gusihale; nyi yeyedze khovbe yago, nyi napwe lito lago, kholu lito lago li ngu tshamba, ni khovbe yago yi mburide.”

Jeremiya 32:16

Hwane nya gubani nyi rengide nyi ningela mikhwepha, Bharuki, mwamana wa Neriya, nyi di lombelela ga Pfhumu Nungungulu, kheni:

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Dhaniyeli 3:16

Aholu Sadraki, Misaki ni Abhedhi-Negho, va di phindrula mufumeli Nabhukodhonosori, khavo: “Ethu kha hi vbweti gu gu ninga phindrulo khu mahungu yoyo.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Matewu 10:19

Aholu, mwa gu ningedwani, mu nga dzi garadzi khiso mu na guya ganelago ni maganelelo yakone; kholu gikhati gyogyo mu na embedwa igyo mu na ganelago.

Matewu 13:22

Mbewu yi nga thegela mibani, khu wule a pwago mahungu; aholu sigaradzo nya guvbanye ni dzithomba nya mafu si midza mahungu, ma hegisago khu gumba thela gilo.

Matewu 6:34

Khu kharato, mu nga dzi garadzi khiso sa mindru, kholu litshigu la mindru li nagya ni sigaradzo saye, kha nga mu dzitigo nya gukhenu litshigu ni litshigu la gugya ni dzaye.

Matewu 6:8

Enu mu nga girini kharato, kholu, Nungungulu Babe wanu a ngu siti iso si mi kenelelago na mu si gu mu lombi.

Luka 10:41

Pfhumu a di mu hakha, khuye: “Marta, Marta, wa gu garadzega ni gu dzi hita khu silo nya singi,

Luka 12:22

Khavbo avbo, Jesu a di embela vapizane vaye, khuye: “Khidzo kharato nyi mi embelago, kheni: Mu nga garadzegi khu guvbanya gwanu, na mu pimisa, khenu: Ginani hi na hodzago? Mwendro sanu khu givili gyanu, na mu pimisa, khenu: Ginani hi na gu ambalago?

Luka 12:29

Mu nga garadzegi khu gilo mu na hodzago nigyo mu na selago; mu nga vbwetini gu siti soso.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 18:7

Ina Nungungulu khuye a na gumba lamula sihathwa saye, si mu ranago wutshigu ni mihani, ambari a gu gira gukhwatshi a gu hwela, gani?

1 Vakorinto 7:21

U ranidwe nuri khumbi? U nga theli kota khiso. Aholu, wa gu dzi kodza gu tshulega wugumbini momo, dzi tshule.

1 Vakorinto 7:32

Nya gu gola mu vbanye na mu tshulegide sigaradzoni. Kholu oyu a gu mwalo lipango, a gu thela kota khu silo sa Pfhumu, a gu dzi garadza khu gukhuye a na nengedzisa kharini Pfhumu.

2 Vakorinto 1:11

Enu mwa gu hi phasa khu milombelo yanu, milombelo nya vangi yi na giredwago ethu, yi na hakhwa, Nungungulu a na hi kategisa; nya vangi gambe va na mu rungudza khu makategwa a hi ningidego.

Vaefeso 5:20

Bongani Nungungulu Babe, gikhati gyatshavbo ni siloni satshavbo, khu lina la Pfhumu yathu Jesu Kristo.

Vaefeso 6:18

Lombelelani gikhati gyatshavbo nyamba garala khu tshivba nya Liphuvbo nya Guage; mu lindrela khu gutimisela ni gutumbega. Lombelelani vakhodwa vatshavbo nya libandla la Nungungulu.

Vakolosi 3:15

Myonyoni gwanu gu na fume gurula gwa Kristo, mu ranedwago ugo mu gu wumba givili gimwegyo. Khalani vathu va kodzago gubonga.

Vakolosi 3:17

Silo satshavbo mu na ganelago mwendro gu si thuma girani khu lina la Pfhumu yathu Jesu Kristo, mu bonga Nungungulu Babe khu uye.

Vakolosi 4:2

Pharisani gu gira nombelo khu hefemulo ni gu bonga khu monyo;

1 Thimoti 2:1

Guhegula, nya gu lomba gukheni milombelo ni gu lomba ni gulombelela ni gubonga yi na giredwe vathu vatshavbo ga Nungungulu,

1 Thimoti 5:5

Oyu a gu noni, khu lisine, nari mwalo waye, a gu vega gutumba gwaye ga Nungungulu gikhati gyatshavbo, a gu lombelela ni gu dhumisa Nungungulu wutshigu ni mihani.

1 Pedro 4:7

Mahegiso nya silo satshavbo gomo vbafuvbi. Gu vbwetega mu gengela, mu dzi wonela, gasi mu kodze gu lombelela.

1 Pedro 5:7

Vegani avbo gwaye sigaradzo sanu satshavbo, kholu uye a ngu mi khathalela.

1 Samuweli 1:15

Aholu Ana a di hakha, khuye: “Ahihi mune wangu, eni nyi nyamayi nyi tshanisekago ngudzu hefemuloni; kha nya sela vbinyu mwendro wadwa nya guvave; aholu nyi dzude gasi guta phofumula wuvi wangu mbeli ga Pfhumu Nungungulu.

1 Samuweli 30:6

Dhavhidhe a di vbisega ngudzu, kholu vathu va di gu ganela khu gu mu pfara khu siwindri, kholu vatshavbo va di guvbisegide ngudzu khu mahungu nya sanana sawe nya sikhwathana ni vanyamahegyane vawe; aholu Dhavhidhe a di dzi tiyisela khu tshivba ya Pfhumu Nungungulu waye.

1 Samuweli 7:12

Khavbo avbo, Samuweli a di dzega giwindri a gi emisa khu vbakari ni vbakari ga Misipa ni Semi, a gi rana khuye Ebhenizeri, gutshamuselago gupwani: “Kala avba, Pfhumu Nungungulu a hi phaside.”