Vafilipi 4:19 - Bhibhiliya Nya Guage

¹⁹ Nungungulu wangu a na mi phase khu satshavbo mu si vbwetago, khu gutala nya wufumu ni wudhumo waye ga Kristo Jesu.

Vafilipi 4:19 Iomraidhean Croise

Genesi 48:15

A di kategisa Josefa, a ganela, khuye: Nungungulu, oyu vababe vangu Abrahama ni Isaki va gimbidego khu dzindzila dzaye, Nungungulu, oyu a nyi sayisidego gukhugela guvelegwani gwangu kala litshigu la muhuno;

2 Samuweli 22:7

Wuvini gwangu nyi di rana Pfhumu Nungungulu, nyi di khusa lito nyi rana Nungungulu wangu; Uye khu nyumbani gwaye a di yingisa lito langu, huwa yangu yi pwade dzindzeveni gwaye.

2 Dzikoronika 18:13

Mikeya a di mu phindrula, khuye: “Nyi ngu sambanya khu Pfhumu Nungungulu a vbanyago kheni, iso Nungungulu wangu a na gu nyi embelago, khiso nyi na ganelago.”

2 Dzikoronika 31:8

Gikhati Ezekhiya a ngatago gumogo ni manganagana yaye, na va wonide siwungela sile, va di bonga Pfhumu Nungungulu, gumogo ni vathu vaye va na Israyeli.

Nehemiya 5:19

Nungungulu wangu, nyi alakanye u nyi kategisa, khu wuwadi watshavbo wowu nyi giredego vathu vava.”

Nehemiya 9:15

U va ningide guhodza gwa ndzadzini, gikhati va ngapwa ndzala, gikhati va ngapwa lidora, U di va sedza mati nya guduge khu giwindrini gasi gu tshima lidora. U va leletede gubela ga litigo U sambanyidego gu va ninga.

Dzindzimo 104:24

Uwe Pfhumu Nungungulu sigiro sago si tade! U si giride satshavbo khu guti ni mapimo, litigo li tade khu sigiro sago.

Dzindzimo 130:7

Israyeli a gu lirela Pfhumu Nungungulu, kholu, ga Pfhumu Nungungulu womo wuhindzi; a ngu hi vbulugisa dzimhango nya gutale.

Dzindzimo 36:8

Avo va ngupwa gukhura khu manonwa ya nyumbani gwago, u va sedza mati nya gutshambe ya namboni gwago.

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Dhaniyeli 6:22

Nungungulu wangu rumede ngilozi yaye yita sega likana nya dzinghala. Idzo kha dza nyi gira gilo, kholu nyi wonidwe na nyiri mwalo nandru mbeli ga Nungungulu. Ambari avbo gwago gimwalo nyi ghohidego.”

Mikeya 7:7

Gasi eni, nyi na tumba Pfhumu Nungungulu; nyi na namarela ga Nungungulu a gu muvbulugisi wangu; kholu Nungungulu wangu a na nyipwa.

Malakiya 3:10

Resani miningelo yatshavbo nya gipandre nya likhumi avba nya silo nya dzithomba dzanu, muta thela kwamani nya Nyumba ya Nungungulu gasi gu manega guhodza Nyumbani gwangu, khu hwane nya isoso nyi lingeni, mu na wonani mwendro kha nyi na mi tulelani sihogo sa ndzadzini, mwendro kha nyi na mi vbaladzelani talo nya makategwa;” a ngu ganela Pfhumu Nungungulu nya Tshivba Yatshavbo.

Matewu 6:32

Va nya mayigo khavo va dzi garadzago khu isoso. Aholu Babe wanu a guromo Ndzadzini a ngu dziti nya gukhuye mu ngu si vbweta satshavbo soso.

Johane 20:17

Jesu a di mu embela, khuye: “U nga nyi hungateli, kholu nyi si gu liti ga Babe wangu. Aholu, uwe indra embela vandriyangu khuwe nyi ngu hadza gu lita ga Babe wangu, a gu Babe wanu nenu; ga Nungungulu wangu, a gu Nungungulu wanu nenu.”

Johane 20:27

Khavbo avbo, a di embela Tomasi, khuye: “Hidzimisa avba nyala yago, wona mandza yangu; hidzimisa mandza yago, u vbedza limbamboni gwangu. U nga dzi giri muthu nyamba khodwa, aholu khodwa.”

Varoma 1:8

Khu guhegula, nya gubonga Nungungulu wangu khu ga Jesu Kristo. Nya gu mu bonga khu kotani yanu mwatshavbo, kholu mahungu nya gukhodwe gwanu ma pwade tigoni gwatshavbo.

Varoma 11:33

Nga wona idzo yi gu yingi khidzo thomba, ni guti, ni wugengeli wa Nungungulu! Khu mani a dzi kodzago gu tshamusela maalakanyo yaye? Khu mani a dzi kodzago gu pima dzindzila dzaye?

Varoma 2:4

Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

Varoma 8:18

Nyi ngu tumba gukheni sitshaniso sa mafuni momu khandri gilo ha gu si pimanisa ni wudhumo wa Nungungulu a hi vegisedego.

Varoma 9:23

Dzinide gambe gu yeyedza talo nya wufumu waye ga vale a va hathidego, kholu a hi pwede wusiwana a hi dongisela guya hengela naye wudhumoni gwaye.

2 Vakorinto 12:21

Gasi Nungungulu wangu a si nyi theli dzitshoni vbakari gwanu, nya gu vboha gambe iyoyo. Ni gulilela vale va nga girago sihoso gale, va si vbindrugedzi guvivbani gwatshavbo, ni gu dzi nyenyezisa khu wubhayi va wu giridego.

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vaefeso 1:7

Guvbanya ha gu gu mana khavbo gwaye, khu novba waye hi mane gu tshulega ni gu divaledwa sighoho sathu khu gutala nya wuhigo waye,

Vaefeso 2:7

Gasi khu gufela gu yeyedza talo nya wuhigo waye ga mimelana yatshavbo yi nga gutago, khu wuhindzi a hi giredego khu Kristo Jesu.

Vaefeso 3:16

nyi mu lomba gukheni, khu gutala nya wufumu waye, a mi tiyise myonyoni gwanu khu tshivba nya Liphuvbo nya Guage.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

Vafilipi 4:7

Gurula ga Nungungulu gu dzi kodzago gu vboha ni omu hi si gu alakanyigo, gu na sayise myonyo ni mapimo khu ga Kristo Jesu.

Vakolosi 1:27

A va tulede gambe guti talo nya thomba nya sihalo yoyo a dongisedego vathu vatshavbo. Gikungo gya Nungungulu nyi gi thulago khu Kristo a vbanyago ndrani gwanu a gu uye gitumbo nya wudhumo wa Nungungulu.

Vakolosi 3:16

Mahungu ya Kristo ma na vbahe ndrani gwanu ma gu andra khu guti gwatshavbo hevbudzanani, mu ningana wusingalagadzi khu gyanu. Embelelani dzindzimo ni sizimba na mu gu bonga Nungungulu khu monyo wanu watshavbo.

1 Vatesalonika 2:12

Hi mi embede, hi mi tiyisa ni gu mi yeyedzani, edzi mu vbwetago gu landra khidzo gudzina gwa Nungungulu, a mi ranidego guya belani wudhumoni nya Wufumu waye.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

Filemoni 1:4

Nyi ngu bonga ga Nungungulu wangu, na nyi gu gu alakanya gikhati gyatshavbo milombeloni gwangu,

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.