Vafilipi 4:12 - Bhibhiliya Nya Guage

¹² Eni nyi ngu kodza gu vbanya wusiwanani ni gumanelani. Nyi hevbulede guvbanya monyo wangu wu na salalegide gikhati gyatshavbo: Gani nya gukhura, gani nya gupwa ndzala, gani nyi ngu si mana, gani si ngu nyi kenelela.

Vafilipi 4:12 Iomraidhean Croise

Nehemiya 9:20

U va ningide liphuvbo lago nya ladi gasi li va hevbudza, gima khwa va himbedzela gu hodza manaha yago, ni gu va ninga mati nya gutshime lidora.

Isaya 8:11

Kholu Pfhumu Nungungulu a nyi embede kharati, gikhati a nga nyi handzega mandza yaye nya tshivba, a gu nyi hambanisa ni ndzila ya vathu vava, khuye:

Jeremiya 31:19

Hwane nya gu bani nyi ghohide, nyi dzi layide, gikhati nyi nga pimisa, nyi di tshanisa givili gyangu; nyi ngu pwa dzitshoni ni wuvi, kholu nyi rwade gighoho gya wudzahani gwangu.”

Matewu 11:29

Rwalani pingwi wangu, mu hevbula kheni nyi gu ni monyo nya gurule nuwo nya gu dzi sodzise, gasi mu mane gutangala nya mihefemulo yanu.

Matewu 13:52

Khavbo avbo, a di va embela, khuye: “Khu kharato, muhevbudzi watshavbo nya Nayo a hevbudego iso si lumbago Mufumo wa Ndzadzini a ngu fanana ni mune ndranga a dusago khumo nya thomba yaye silo nya siphya niso sa gale.”

2 Vakorinto 10:1

Eni, Pawulo, nya gu bani nyiri vbakari gwanu, nya gu dzi vbevbugisa, nya gu bani nyiri hwindzo, nya gu dzi lemedza. Nyi ngu mi lomba khu Kristo, oyu a nga dzi vega vbavbatshi ni gu dzi sodzisa.

2 Vakorinto 10:10

Vambe va gu ganela, khavo: “Malangalila yaye ma lemede ma na ni tshivba, aholu ha gu bani hiri naye, vbevbugide ni givili gyaye, guganela gwaye kha gu phasi gilo.”

2 Vakorinto 11:27

Nyi diri ni thumo nya wungi, gu ganela, nyi di pila wutshigu nya wungi, nyamba lala, ni ndzala, ni lidora, matshigu nya mangi nyamba hodza, girame, wuhagadzo.

2 Vakorinto 11:7

Nyi mi embedeni Mahungu nya Yadi ya Nungungulu, nyamba lomba gu hakhiswa. Nyi di dzi nogisa gasi mufela gu khusedzwa enu. Mwa gu alakanya gukhenu nyi di ghoha, gani?

2 Vakorinto 11:9

Gikhati nyi nga bani nyiri iyo gwanu, ambari na nyi keneledwe khu gilogyo gima kha nya garadza muthu. Vakhodwa va nga tago khu Makedhoniya, khavo va nga nyi phasa khu esi si nga nyi kenelelago. Kha nya dzina gu mi lemedzani, gima kha nyi na mi lemedza.

Dhewuteronome 32:10

A mu rode ga litigo nya giwula, wulanga nya pfilupfilu, nya dzihuwa ni guthisa; A mu vhikede a mu wundza, a mu sayiside gukhwatshi ndzololo nya liso laye.