Vafilipi 4:11 - Bhibhiliya Nya Guage

¹¹ Kha nyi ganeli esi khu gu dilela gilo, kholu nyi hevbulede gu eneledwa basi khu esi nyi gu naso.

Vafilipi 4:11 Iomraidhean Croise

Genesi 28:20

Khavbo avbo, Jakobe a di gira gisambanyo, khuye: Nungungulu a gu gimbila ni eni a nyi endredza ga lipfhumba leli nyi gu nalo, a nyi ninga guhodza ni guambala,

Ekisodha 2:21

Mosi a di dzumela gu khala ni mwama wule; uye a di ninga Mosi nyamahegyane waye nya gupwani khu Zipora, gu khala mwangadzi waye.

Luka 3:14

Masotshwa nayo ma diya wudzisa, khayo: “Ahati ethu, ginani hi fanedego gu gira?” A di ma hakha, khuye: “Mu nga phangi muthu, mu nga mu singedzi malipha, mu nga dwaneli gimbe gilo, vbavbandze nya iso mu hakhiswago khu mufumo.”

2 Vakorinto 11:27

Nyi diri ni thumo nya wungi, gu ganela, nyi di pila wutshigu nya wungi, nyamba lala, ni ndzala, ni lidora, matshigu nya mangi nyamba hodza, girame, wuhagadzo.

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

2 Vakorinto 9:8

Nungungulu a ngu kodza gu mi ningani nya singi, khu kotani nya esi nya sadi mu girago, gasi mu si mane gikhati gyatshavbo, esi mu vbwetago gu si thumisa khu gu girela nya sadi vambe.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Vahebheru 10:34

Enu mu hengede gusanisekani ga vale va nga girwa sibotshwa. Na mu phangidwe silo sanu satshavbo, mu di timisela khu gutsaka, kholu, mu di gu dziti gukhenu mu na ni silo nya sadi ngudzu nya gupindruge.