Vafilipi 3:16 - Bhibhiliya Nya Guage

¹⁶ Aholu, ni ga mevbini magirelo, hongoleni hi simame gulandra khu ndzila yeyi hi tago na hi gu yi landra khu gale.

Vafilipi 3:16 Iomraidhean Croise

Varoma 12:16

Vbanyani khu monyo moyo, muthu ni muthu a nga dwaneli gu dzi khusedza afela gu zundzwa, aholu dzumelani mithumo nya gusolege. Mu nga dzi giri matshandza khu guti.

Varoma 15:5

Uye Nungungulu a gu gifefe nya gutimisele ni gutiya gwatshavbo a na mi ningeni gupwanana moyo ni moyo mu fanana ni Jesu Kristo.

Vagalatiya 5:7

Enu mu phede khu gu gimbila gwadi. Ginani gi nga mi tandregisa gu landrisa lisine?

Vagalatiya 6:16

Gurula ni wuhindzi gu na khale ga enu mwatshavbo mu landrisago mavbanyelo yaya, gumogo ni libandla latshavbo la Nungungulu.

Vafilipi 1:27

Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Vafilipi 2:2

nyi ngu mi lomba gukheni mu tadzise gutsaka gwangu khu gukheni, mwatshavbo mu hengele mapimo mamowo, lihaladzo limwedo, hefemulo moyo ni gudogorela gumogo basi.

Vafilipi 4:2

Nyi ngu lomba Evhodhiya ni Sintiki gukheni va vbanye khu gupwanana kha nga edzi a golago khidzo Pfhumu.

Vakolosi 2:6

Kha nga olu mu hakhidego Pfhumu Jesu Kristo, gu vbwetega mu vbanya khu gupwanana naye,

Vakolosi 4:2

Pharisani gu gira nombelo khu hefemulo ni gu bonga khu monyo;

Gutuledwa 3:3

Khu kharato dundruga mahungu u ma hakhidego ni gu mapwa. Ma landrise, u vbindrugedza mavbanyelo u wuya ga Nungungulu. Wamba gwadi nyi nata kha nga mbafa nu si giti gikhati nyi na gu gu vbohelago khigyo.