Vafilipi 3:15 - Bhibhiliya Nya Guage

¹⁵ Ethu hatshavbo hi dandridego gukhodwani, gu vbwetega na hiri ni gupima nya nga ogu. Aholu vambe va gu mana mapimo nya guhambane ni aya, Nungungulu a na va tulela guti lisine nya silo.

Vafilipi 3:15 Iomraidhean Croise

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Matewu 5:48

Khu kharato, lulamani mulisineni kha nga Babe wanu wa Ndzadzini a lulamidego.

Luka 11:13

Nga wonani: Ambari enu nya gukhenu mu vivbedwe khu myonyo mu kodzago gu ninga silo nya sadi sanana sanu, ahati Babe wanu a guromo Ndzadzini a na gira kharini? A na ninga Liphuvbo nya Guage ga vale va mu lombago!”

Johane 6:45

Vaprofeti va lovide gukhavo: ‘Vatshavbo va na hevbudzwa khu Nungungulu.’ Muthu watshavbo a pwidego ni guhevbudzwa khu Babe, a nguta gwangu.

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Varoma 15:1

Ethu hi tiyidego gukhodwani, guvbweta hi timisela, hi phasedzela vale va sa tiyago, gu rwala sigaradzo sawe. Hi nga dwaneli gu gira esi si hi tsakisago.

1 Vakorinto 14:20

Vandruye, mu nga khali sanana mapimoni gwanu, aholu, khalani sanana ga esi nya guvivbe, mu khala vagulu nya vathu khu gu pima.

1 Vakorinto 2:6

Ga vale va vidzidwego gukhodwani, hi ngu tivisa guti. Khandri guti ga mafuni momu, mwendro ga vale va fumago khu tshivba mafuni, kholu avo, mahegiso yawe khu gu vbeledwa khu wufumu;

Vagalatiya 5:10

Eni nyi ngu mi tumba khu ga Pfhumu. Nyi ngu tumba gukheni mu na wuya lisineni, gasi oyu a wusago pfilupfilu vbakari gwanu a na hakha tsayiso yaye.

Vaefeso 1:17

Gasi Nungungulu wa Pfhumu yathu Jesu Kristo, Babe nya wudhumo, a mi ninge Liphuvbo nya guti, ni gu mi tulela ndzila nya gu muti gwadi Nungungulu.

Vakolosi 1:28

Hi ngu tivisa Kristo ga vathu vatshavbo. Hi ngu laya ni gu hevbudza vathu vatshavbo gasi va mane wuhengeli nya guvbelele ni Kristo.

Vakolosi 4:12

Hakhani gambe malosedzela ya Epafrasi a gu moyo nya libandla lanu a guromo thumoni wa Kristo Jesu. Uye milombeloni gwaye a ngu lombelela ngudzu ga Nungungulu gukhuye mu simame gutiya, mu landrisa khu guvbelela guhaladza gwa Nungungulu.

1 Vatesalonika 4:9

Mahungu nya lihaladzo ga vandriyathu khu gukhodwa, kha gu vbwetegi gu ganela gambe khiso, kholu enu mu hevbudzidwe khu Nungungulu gu haladzanani.

2 Thimoti 3:17

gasi muthu wa Nungungulu a khale nya guvbelele, a kodze gu gira mithumo yatshavbo nya yadi.

Vahebheru 5:14

Guhodza nya vathu vakhongolo khogu nya gutiye, kholu avo va hevbude va kodza gu hambanisa esi nya sadi ni esi nya guvivbe.

1 Johane 2:5

Gasi oyu a landrisago mahungu yaye, lihaladzo la Nungungulu lomo gwaye khu lisine. Khavbo hi manago lisine nya gukhethu hi ngu hengela naye.