Vafilipi 3:12 - Bhibhiliya Nya Guage

¹² Kha nyi ganeli gukheni eni nyi vbohide mahegiso, mwendro gukheni nyi vbelede, aholu nya gu simama guya mbeli nyi zama gu si mana, kha nga eni neni nyi manidwego khu Kristo Jesu.

Vafilipi 3:12 Iomraidhean Croise

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Dzindzimo 119:5

Nya gu gola ngudzu gutiya ndzilani nya gutumbege, na nyi gu landrisa milayo yago.

Dzindzimo 138:8

Pfhumu Nungungulu a na vbohisa mahegiso, thumo waye nya wadi a wu phedego gu wu gira avbo gwangu, Pfhumu Nungungulu, lihaladzo lago li ngu simama kala gupindruga, uwe Pfhumu Nungungulu, u nga digi ndzilani thumo nya mandza yago.

Dzindzimo 42:1

Gufanana ni yisya yipwago lidora yi tutumela tsongoni nya mati, hefemulo wangu wu ngu gu suva Nungungulu wangu.

Dzindzimo 63:8

Nyi ngu namarela gwago khu hefemulo wangu watshavbo, mandza yago ya nyamudye ma ngu nyi seketela.

Dzindzimo 84:2

Hefemulo wangu wu ngu dogorela ngudzu gu ya bela umo, nyi ngu suva gu ya khala makhuvini nya Nyumba ya Pfhumu Nungungulu; nyi ngu emba khu gutsaka khu monyo wangu watshavbo ga Nungungulu a vbanyago!

Dzindzimo 94:15

Aholu gulamula gu na girwa gambe khu nayo, avo va agidego myonyo va na gu landrela.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Isaya 51:1

Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Matewu 5:48

Khu kharato, lulamani mulisineni kha nga Babe wanu wa Ndzadzini a lulamidego.

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Varoma 8:39

ambari dzitshivba dza vbatshani, mwendro edzi dza vbavbatshi nya mafu, mwendro gimbe givangwa. Gimwalo gilo, gambe mwalo muthu a na dzi kodzago gu hi hambanisa ni lihaladzo la Nungungulu hi yeyedzidwego khu Pfhumu yathu Jesu Kristo.

1 Vakorinto 13:10

Gikhati gu na vbohago esi nya guvbelele, si na fuva satshavbo esi nyamba vbelela.

1 Vakorinto 13:12

Olu ha gu wona kha nga vbalibonatunu nya gupfhurele; gi na vboha gikhati hi na wonago satshavbo khovbe ni khovbe. Olu guti gwangu gu ngu kenelela, aholu, khu gikhati gyakone nyi nati satshavbo kha nga edzi nyi tidwago khidzo.

1 Vakorinto 9:24

Mu ngu dzitini gwadi gukhenu ava va girago mapalisana nya gututume va gu tutuma vatshavbo, aholu moyo basi a kokago givango, khavbo avbo tutumani khu magirelo nya gukodze guya mana hure.

2 Vakorinto 13:9

Ha gutsaka khu gu vbevbuga, enu mu tiya. Ha gu lomba gukhethu mu vbanye khu gululama.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vagalatiya 5:17

Kholu, esi si godwago khu tumbunugo nya wuthu, si ngu dwana ni esi si godwago khu Liphuvbo la Nungungulu; ni esi Liphuvbo la Nungungulu li si golago, si ngu dwana ni esi si godwago khu tumbunugo nya wuthu. Silo sesi sa sivili si hambane. Khiso si girago mu si dzi kodzi gu thuma esi mu si suvago.

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vaefeso 4:12

Khu magirelo yaya, a guya na gu dongisela sihathwa gasi si thuma gwadi thumo wawe nya guvbahe ni gu dandrisa givili gya Kristo khu gukhodwa,

Vafilipi 1:1

Eni Pawulo ni Thimoti, sithumi sa Kristo Jesu, hi ngu lovela vathu vatshavbo va Kristo Jesu va vbanyago dhoropani ga Filipi, gumogo ni vathangeli vawe ni vaphasedzeli vakone.

Vafilipi 3:16

Aholu, ni ga mevbini magirelo, hongoleni hi simame gulandra khu ndzila yeyi hi tago na hi gu yi landra khu gale.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

1 Vatesalonika 5:15

Mu nga bweledzelani guvivba khu guvivba. Aholu girelanani wuwadi vbakari gwanu ni vatshavbo.

2 Vatesalonika 2:13

Khu kotani gwanu, hi ngu bonga Nungungulu gikhati gyatshavbo, vandruye, sigodwa sa Pfhumu, kholu a di mi hathani mu khala va nya guhegula gu hakha guvbanyiswa ni gu dzumela lisine ni gu agiswa khu tshivba nya Liphuvbo.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

1 Thimoti 6:19

Khavbo va na manago thomba nya yingi yi na gu va thumelago, khu gikhati gi na gutago, gasi va mane guvbanya nya lisine.

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.

Vahebheru 12:23

Enu mu vbohide tshanganoni nya wukhongolo ni libandla nya sanana nya matiwula sa Nungungulu, sile malina yawe ma lovidwego ndzadzini. Enu mu vbohide ga Nungungulu a gu mulamuli nya vathu vatshavbo, ni ga maphuvbo ya vale va lulamidego va vbelela.

Vahebheru 13:21

Nungungulu nya gurule a na mi ninge satshavbo esi si gu sadi, gasi mu girani guhaladza gwaye. Khu Kristo Jesu, a na thume gwathu satshavbo esi a si golago. A na rungudzwe Kristo kala gupindruga! Amen.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.