Vafilipi 3:10 - Bhibhiliya Nya Guage

¹⁰ Egi nyi gi vbwetago basi khu guti Kristo, nyipwa tshivba nya guwuge gwaye, nyi hengela naye gusanisekani, kala nyi gufa kha nga uye,

Vafilipi 3:10 Iomraidhean Croise

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Matewu 20:23

Jesu a di khuye: “Ina khu lisine mu na selani gikombe gyangu; aholu gu khala nyamudye gwangu mwendro nyambade gwangu, kha si tidwi kheni; isoso sa gu lumba vale va dongisedwego khu Babe wangu.”

Johane 10:18

Kha nyi dzegedwi khu muthu; kheni mune nyi wu ningelago. Nyi ngu dzi kodza gu wu ningela ni gu wu dzega nyaluphye. Khiso esi sileletelo nyi nga ningwa khu Babe.”

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

Varoma 8:29

Kholu, vale Nungungulu a nga bani a va hathide khu gale, a va vegisede gu va tshanganisa gumogo ni Mwanaye, gasi Mwanaye a khale matiwula vbakari nya vandruye nya gutale,

Varoma 8:36

Kha nga yi ganelago Milowo nya Guage, khiyo: “Khu kotani yago, hi ngu linga gu mana gufa litshigu latshavbo. Hi girwa nga dzinvuta dziyago gusongwatunu.”

2 Vakorinto 1:10

Khuye a nga hi vbulugisa, a na simama gu hi vbulugisa gikhati gyatshavbo dzimhangoni nya gufe: Hi vegide Gwaye gutumba gwathu nya gukhethu a na hi vbanyisa.

2 Vakorinto 1:5

Kha nga olu gu dandrago ga ethu gusaniseka ga Kristo, kharato gambe, khu Kristo gu ngu dandra guthaveledwa gwathu.

2 Vakorinto 13:4

Ambari saye a nga khokhothedwa khu kota nya gu dzi vbevbugise Gwaye, a ngu vbanya khu tshivba ya Nungungulu, ethu ga Uye hi vbevbugide. Gasi ga enu nyi tade khu tshivba ya Nungungulu, khu Kristo.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vagalatiya 6:17

Gukhugela olu, kha nyi vbweti gu garadzwa khu muthu, kholu, givilini gwangu nyi na ni sivanga si yeyedzago gupwani nyi githumi gya Jesu.

Vaefeso 4:13

kala hatshavbothu hi gu tshanganiswa khu gukhodwa ni guti Mwamana wa Nungungulu. Hi fanede gu dandra hi khala vathu vakhongolo, kala hi gu manela tanga ni giemo gya Kristo.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

Vakolosi 2:13

Enu mu di fude khu kotani nya sighoho sanu ni kotani nya tumbunugo nya mikhuwo yanu nya giwuthu, aholu, Nungungulu a mi ningide nyaluphye guvbanya ni Kristo, a gu hi divalela sighoho sathu satshavbo.

Vakolosi 3:1

Aholu mwa gu bani mu wugide gumogo ni Kristo garadzegani khu gu vbweta silo si guromo vbatshani, iyo a guromo Kristo a khadego nyamudye ga Nungungulu.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

2 Pedro 1:13

Nya gu wona nari fanelo yangu gu mi dundrugisani silo sesi olu nyi nga gu vbanya ga tshatsha yoyu.

1 Johane 2:3

Gasi gu hi khodwa gukhethu hi ngu muti Nungungulu, khu gu hi landrisa milayo yaye.

1 Johane 2:5

Gasi oyu a landrisago mahungu yaye, lihaladzo la Nungungulu lomo gwaye khu lisine. Khavbo hi manago lisine nya gukhethu hi ngu hengela naye.

Gutuledwa 1:18

Kheni wule a vbanyago. Nyi di fude, aholu olu nyi ngu vbanya kala gupindruga. Nyi na ni dzipfhungulo nya lufu nedzi nya litigo nya vafi.”