Vafilipi 2:8 - Bhibhiliya Nya Guage

⁸ a di dzi vbwasamisa abune, a yingisa kala gufa khu gu songwa vbagihambanotunu.

Vafilipi 2:8 Iomraidhean Croise

Dzindzimo 22:16

Nya gu randredwa khu tsawa nya sighevenga; kha nga dzimbwa, wu nyi vbadzulede mawogo ni mawundru.

Mavingu 15:33

Guthava Pfhumu Nungungulu gihevbudzo nya guti, gu dzi nogisa gu gomo wuzundzo.

Matewu 17:2

A di vbindrugedza giemo mahoni gwawe. Khovbe yaye yi di ngangamela nga lidambo; dzingandzu dzaye dzi di aga kha nga wenengedzo.

Matewu 26:39

Na leyide vbadugwana, a di khidzima a gu kuha vbavbatshi khu khovbe, a lomba, khuye: “Baba, gwa gu kodzega, nyi ndreyisele gikombe gegi nya wuvi gi vbindre avbo gwangu. Ambari ulo, gu nga giregi guhaladza gwangu; aholu, guhaladza gwago.”

Matewu 26:42

A di hongola nyaluphye aya lombelela, khuye: “Baba, gwa gu kodzega, nyi vbulugise ga gikombe gegi. Aholu, gu na girege guhaladza gwago!”

Luka 9:29

Vbakari nya nombelo, khovbe yaye yi di vbindrugedza; dzingandzu dzaye dzi di aga ngudzu, dzi ngangamela.

Johane 10:18

Kha nyi dzegedwi khu muthu; kheni mune nyi wu ningelago. Nyi ngu dzi kodza gu wu ningela ni gu wu dzega nyaluphye. Khiso esi sileletelo nyi nga ningwa khu Babe.”

Johane 14:31

aholu, satshavbo sesi nya gufela gukheni litigo li dziti nya gukhilo nyi ngu gola Babe, ni gukhilo nyi ngu gira kha nga idzo Babe a nga nyi rumago khidzo. Khugani, hongoleni.”

Johane 15:10

Mwa gu vegedza milayo yangu, mu na simama lihaladzoni gwangu, kha nga eni nyi simamago lihaladzoni ga Babe wangu, kholu nyi nga vegedza milayo yaye.

Johane 4:34

Jesu a di va embela, khuye: “Guhodza gwangu khu gu gira guhaladza ga wule a nga nyi rumelago ni gu gira mithumo yaye.

Mithumo 8:33

Gusaniswani gwaye kha lamudwa khu gululama. Mwalo a na gu dzi kodzago gu saya melego waye kholu womi waye wu fuvisidwe mafuni.”

Varoma 5:19

Khu guyeyisa ga muthu moyo basi, vathu vatshavbo va khade sighohi, khu gu yingela ga muthu moyo basi, vatshavbo va khade va nya gululama.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”

Dhewuteronome 21:23

Girumbi gyaye gi nga khali vbasimbotunu wutshigu watshavbo; aholu gi na dzingwe litshigu lolo; kholu oyu a vbayegidwego vbasimbotunu vadwe khu Nungungulu; u nga nyenyezisi litigo eli u ningidwego kha nga thomba khu Pfhumu Nungungulu wago.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.

Vahebheru 12:4

Kholu, enu nenu, umo nya litunga mu dwanago ni gighoho, mu si gu dwani kala gufa.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.