Vafilipi 2:6 - Bhibhiliya Nya Guage

⁶ Uye a gu Nungungulu khu tumbunugo waye gima kha dzina gu hengula wurendra waye nya gukhale idzosaye ni Nungungulu.

Vafilipi 2:6 Iomraidhean Croise

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 8:8

mati ma na bela tigoni ga Judha, kha nga ndrambi, ma langaladza vathu kala dzithamoni. Guanama nya mambapi yaye gu na fenengedza guanama nya litigo lago, uwe Emanuweli.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 10:30

Eni ni Babe hi moyo basi.”

Johane 10:33

Vajudha va di hakha, khavo: “Kha hi vbweti gu gu pfara khu mithumo yago nya yadi; aholu khu mapepetela nya guvbwete gu dzi gira Nungungulu nuri muthu.”

Johane 10:38

“Aholu, nya gu yi gira, ambari mu si khodwi gwangu, khodwani khu mithumo yangu, gasi mu dzitini ni gukhodwa gukhenu Babe a na ni eni, eni neni nyi na ni Babe.”

Johane 14:28

Mu nyi pwide na nyi gu ganela, kheni: Nyi ngu hongola, aholu nyi na wuya gambe gwanu. Nari pwani mu ngu nyi gola, khu lisine na mu gu nengela kholu nyi hongolago ga Babe, kholu Babe khongolo gu nyi vbindra.

Johane 14:9

Jesu a di khuye: “Gale na nyiri nanu, gasi ni olu u si gu nyiti, Filipi? Uye a nyi wonago, a ngu wona Babe. Khu ginani u gukhuwe: ‘Hi yeyedze Babe?’

Johane 17:5

Olu, Baba, nyi ninge gambe gidhumo gile nyi nga bani nyiri nagyo khu gale mahoni gwago, na li si gu vangwi litigo.

Johane 20:28

Tomasi a di khuye: “Pfhumu yangu, Nungungulu wangu!”

Johane 5:18

Gukhugela avbovbo, Vajudha va di engedzela likhulo lawe ga Jesu, va vbweta mano nya gu mu songe, nasiri basi khu guyeyisa Sabhadho, aholu khu lito a nga ganelago nya gukhuye Nungungulu Babe waye, a dzi fananisa Naye.

Johane 5:23

gasi vatshavbo va rungudze Mwamana kha nga idzo va rungudzago khidzo Babe. Uye a si rungudzigo Mwamana kha rungudzi Babe a nga mu rumelago.

Varoma 9:5

Khavo sivelegwa sa vababe nya libandla; Kristo, khu tumbunugo nya wuthu, a gu lumba lihundzu lawe, uye a guromo vbatshani nya silo satshavbo, a gu Nungungulu nya gurungudzwe kala gupindruga. Amen!

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

1 Thimoti 1:17

Khu guralo, ga uye Pfhumu nya gupindruge, rungudzo ni gidhumo si na vegwe gwaye Nungungulu nyamba fa nyamba wonwa khu maho khu gupindruga ni gupindruga Amen.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

Vahebheru 1:6

Gikhati Nungungulu a nga rumelago Mwamana waye wa moyo, a di ganela gambe, khuye: “Dzingilozi dzatshavbo dza Nungungulu dzi na mu khozele.”

Vahebheru 1:8

Aholu, na gu thula Mwamana, a di khuye: “Uwe u Nungungulu, mufumo wago wu na simama kala gupindruga. U ngu fumela litigo lago khu gululama.

Vahebheru 13:8

Jesu Kristo khuye wa moyo, wa vbanova, wa muhuno, ni wa gikhati gyatshavbo.

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.