Vafilipi 2:5 - Bhibhiliya Nya Guage

⁵ Gu vbwetega mavbanyelo yanu ma fanana ni mavbanyelo ya Kristo Jesu.

Vafilipi 2:5 Iomraidhean Croise

Matewu 11:29

Rwalani pingwi wangu, mu hevbula kheni nyi gu ni monyo nya gurule nuwo nya gu dzi sodzise, gasi mu mane gutangala nya mihefemulo yanu.

Luka 22:27

Gasi khu mani a gu khongolo: Uye a khalago vbamezatunu mwendro khuye a ningago guhodza, gani? Khu lisine khongolo khu wule a khalago vbamezatunu! Gani olu eni nyi womo vbakari gwanu kha nga wule a mi thumelago.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 20:35

Nyi mi yeyedzide khu magirelo yatshavbo gukheni, mwa gu thuma khu mawogo yanu khavbo mu na kodzago gu phasedzela vale va keneledwago. Dundrugani magana ya Pfhumu Jesu a gukhuye: ‘Kategide ngudzu oyu a ningago guvbindra oyu a hakhago.’ ”

Varoma 14:15

Uwe wa gu khunguvanyisa ndriyago khu kota nya esi u hodzago, khu yeyedzi lihaladzo. Khu kota nya guhodze gwago u nga dzi giri givangelo nya gudzimedze muthu a fedwego khu Kristo.

Varoma 15:3

Kholu Kristo nuye kha vbweta esi nya gu mu nengedzise, aholu si tadzisegide gwaye esi si nga ganedwa omu nya Milowo nya Guage, pwani: “Givalo gya vale va gu valago gi thegede vbatshani gwangu.”

Varoma 15:5

Uye Nungungulu a gu gifefe nya gutimisele ni gutiya gwatshavbo a na mi ningeni gupwanana moyo ni moyo mu fanana ni Jesu Kristo.

1 Vakorinto 10:33

Girani kha nga eni nyi dzi garadzago khu gu vbweta gutsakisa vathu vatshavbo, siloni gwatshavbo, nasiri gudwanela esi si nyi nengedzisago wurumba wangu, aholu khu gudwanela esi si phasago va nya gutala, vafela gu vbanyiswa.

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

Vafilipi 1:1

Eni Pawulo ni Thimoti, sithumi sa Kristo Jesu, hi ngu lovela vathu vatshavbo va Kristo Jesu va vbanyago dhoropani ga Filipi, gumogo ni vathangeli vawe ni vaphasedzeli vakone.

1 Pedro 2:21

Kholu, khiso a mi ranedego iso. Uye Kristo, wurumba waye, sanisekide kotani yanu, a hi ninga giwonelo gasi hi landra ndzila yaye.

1 Pedro 4:1

Kha nga ulo Kristo a nga saniseka givilini gwaye khu kotani gwathu, enu nenu gu vbwetega mu saniseka kha nga edzi a nga saniseka khidzo uye. Kholu, oyu a sanisekago givilini kha dzi digi a fumedwa khu gighoho.

1 Johane 2:6

Oyu a gukhuye a ngu khala naye, gu vbwetega a vbanya nga edzi a nga vbanyago khidzo Jesu Kristo.