Vafilipi 2:2 - Bhibhiliya Nya Guage

² nyi ngu mi lomba gukheni mu tadzise gutsaka gwangu khu gukheni, mwatshavbo mu hengele mapimo mamowo, lihaladzo limwedo, hefemulo moyo ni gudogorela gumogo basi.

Vafilipi 2:2 Iomraidhean Croise

Dzindzimo 122:8

Khu lihaladzo nyi lipwago khu valongo ni dzipari dzangu, nyi na, kheni: “Gurula gu na khale ni uwe!”

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Mithumo 1:14

Vatshavbo khu gu pwanana va di pharisa gu gira milombelo, gumogo ni vanyamayi nya gukari ni Mariya mayi wa Jesu ni vandriyaye.

Mithumo 2:1

Na li vbohide litshigu nya Pentekosta, vatshavbo va di tshanganide wulanga wumowo.

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Mithumo 5:12

Siwonegiso ni siliwugiso nya singi si di girwa vbakari nya vathu khu mandza nya vapostoli. Va di gu olovela gutshangana vatshavbo khu monyo moyo vbanyangwatunu ya Solomoni.

Varoma 12:16

Vbanyani khu monyo moyo, muthu ni muthu a nga dwaneli gu dzi khusedza afela gu zundzwa, aholu dzumelani mithumo nya gusolege. Mu nga dzi giri matshandza khu guti.

1 Vakorinto 1:10

Vandriyangu, nyi ngu mi lombani khu lina la Pfhumu yathu Jesu Kristo, gukheni: Pwananani, mu ganela gilo gimwegyo; gu nga manegi guhambana vbakari gwanu; hengelani mapimo ni monyo moyo.

2 Vakorinto 13:11

Khu guhegisa, vandruye, nyi ngu mi lomba mu khale khu gutsaka, ni gululama, mu tangadzisana khu gyanu. Mu vbanya khu gu pwanana, mu khala khu gurula, Nungungulu nya lihaladzo, ni gurula a na khale vbakari gwanu.

2 Vakorinto 2:3

Nya gu mi lovelani silo sesi khu lidangalila gasi nyi siti eni wurumba wangu nyita thedwa wusiwana khu vale va yelago gu nyi tsakisa. Nyi ngu tumba enu mwatshavbo khu gu dziti gukheni gutsaka gwangu gutsaka gwanu nenu mwatshavbo.

2 Vakorinto 7:7

Khandri basi khu gu vboha gwaye, aholu khu gu thavelela a nga gu mana gwanu. Uye a hi tiviside gusuva gwanu, ni marongo yanu, ni gukhathala gwanu khu eni. Esi satshavbo si engedzede gutsaka gwangu.

Vafilipi 1:4

Milombeloni yangu yatshavbo, nyi ngu mi lombelela mwatshavbo khu gunengela;

Vafilipi 2:16

mu va tivisa mahungu nya guvbanyise. Khu kharato, litshigu nya gute ga Kristo, nyi napwa gunengela nya gukhongolo ngudzu, kholu nyi na dziti gukheni kha nya garala khu guthuma mahala.

Vafilipi 2:20

Mwalo mumbe muthu a hengelago gwadi ni eni sigaradzoni, a wuya a gu dzi garadza khu gu khathalela enu, kha nga uye.

Vafilipi 4:2

Nyi ngu lomba Evhodhiya ni Sintiki gukheni va vbanye khu gupwanana kha nga edzi a golago khidzo Pfhumu.

Vakolosi 2:5

Kholu ambari saye nyi guromo hwindzo khu givili, nyi womo vbakari gwanu khu hefemulo. Nyi ngu nengela khu gupwa mavbanyelo yanu nya yadi, ni gutiya nya gukhodwe gwanu ga Kristo.

2 Vatesalonika 2:13

Khu kotani gwanu, hi ngu bonga Nungungulu gikhati gyatshavbo, vandruye, sigodwa sa Pfhumu, kholu a di mi hathani mu khala va nya guhegula gu hakha guvbanyiswa ni gu dzumela lisine ni gu agiswa khu tshivba nya Liphuvbo.

2 Thimoti 1:4

Nyi ngu guti gulila gwago, nyi ngu dogorela gu gu wona gambe, gasi nyi tala khu gutsaka.

Filemoni 1:20

Khidzo, wandruye, nyi di gu gola gukheni u nyi tangadzisa linani ga Pfhumu. Tangadzisa monyo wangu ga Kristo.

2 Johane 1:4

Nyi nengede ngudzu khu gu dziti gukheni simbe sanana sago si ngu vbanya khu ndzila nya lisine nga edzi hi hakhidego khidzo nayo wa Babe.

3 Johane 1:4

Gi mwalo gi nyi tsakisago guvbindra gupwa gupwani sanana sangu si ngu vbanya khu gu landra lisine.