Vafilipi 2:16 - Bhibhiliya Nya Guage

¹⁶ mu va tivisa mahungu nya guvbanyise. Khu kharato, litshigu nya gute ga Kristo, nyi napwa gunengela nya gukhongolo ngudzu, kholu nyi na dziti gukheni kha nya garala khu guthuma mahala.

Vafilipi 2:16 Iomraidhean Croise

Dzindzimo 40:9

Nyi tiviside nayo wa Pfhumu Nungungulu vbakari nya tshangano nya khongolo; kha nya degula likana langu, u ngu dziti gwadi uwe Pfhumu Nungungulu.

Dzindzimo 71:17

U nyi hevbudzide uwe Nungungulu, gukhugela wananani wangu; kala na muhuno nyi ngu tivisa siliwugiso sago.

Isaya 49:4

Aholu eni nyi di pimisa monyoni gwangu, kheni: Nyi thumide mahala, nyi vbedzide tshivba yangu nyamba wuyedwa khu gilo. Ambari khu guralo, Pfhumu Nungungulu, a na nyi ninga fanelo ni tshatshazelo wangu; hakhelo yangu, yomo ga Nungungulu wangu.

Matewu 10:27

Iso nyi mi embelago mugidemani, si tiviseni safani nya mihani; niso muyago khu gu lembedwa, si pwadzeni khu vbatshani nya dzinyumba.

Luka 12:8

“Nyi ngu mi embelani, kheni: Uye a nyi dzumelago vbakari nya vathu, Mwamana wa Muthu nuye, a na mu dzumela vbakari nya dzingilozi dza Nungungulu.

Johane 6:63

Liphuvbo khilo li ningago guvbanya, gasi givili kha gi phasi gilo. Magana nyi mi embedego Liphuvbo ni guvbanya.

Johane 6:68

Simoni Pedro a di phindrula, khuye: “Hi naya ga mani, Pfhumu? Olu a gu uwe u gu ni magana nya guvbanye nya gupindruge!

Mithumo 13:26

“Vandruye, mu gu sanana nya melego wa Abrahama, ni ava va guromo vbakari gwanu, va ningago githawo Nungungulu, mahungu yaya nya guvbanyise ma gu rumedwa avbo gwathu.

1 Vakorinto 1:8

Khuye gambe a na mi tiyiselago kala mahegiso, gasi muta manwa na muri mwalo gihoso litshiguni la Pfhumu yathu Jesu Kristo.

1 Vakorinto 9:26

Khidzo kharati nyi tutumago khidzo, nasiri kha nga muthu a tutumago nyamututume nyamba guti a guya hayini. Khidzo kharati nyi dwanago khidzo, nasiri kha nga muthu a rinyago sibhakela pfhukani a veta liphuvbo.

2 Vakorinto 1:14

olu mu dzumedego gukhenu hi wudhumo wanu, enu nenu mu na khala wudhumo wathu, litshiguni ga Pfhumu yathu Jesu Kristo.

Vagalatiya 2:2

Nyi hongode iyoyo kholu Nungungulu a nga tulela giwoniso a nyi tivisa gukhuye gu vbwetega gu hongola. Na nyi vbohide, hi di bela tshangano nya gihundla ni vakhongolo vakone, nyi va tshamusela Mahungu nya Yadi nyi tivisago ga vale va si gu Vajudha. Nyi giride esi khu gufela gukheni thumo nyi giridego ni owu nyi ngu girago, wu si khali thumo nya mahala.

Vagalatiya 4:11

Mu ngu nyi thela hwanga: Gukhwatshi thumo watshavbo nyi wu thumidego vbakari gwanu wu mwalo giphaso.

Vafilipi 1:10

Gasi mu kodza gu hatha iso si gu sadi, ni gu vbanyani khu ndzila ni lisine mu khala na mu agide mu ta manwa muri mwalo gihoso, kala li gu vboha litshigu la Kristo;

Vafilipi 1:6

Nyi ngu tumba gukheni uye Nungungulu a phedego gwanu thumo waye nya wadi, a na wu londrowodza kala li gu vboha litshigu la Kristo Jesu.

1 Vatesalonika 2:19

Gikhati Pfhumu yathu Jesu Kristo a na gutago, khu mani a na khalago gutumba gwathu, ni gutsaka gwathu, ni ndronga yathu nya wudhumo mbeli gwaye, vbavbandze ga enu?

1 Vatesalonika 3:5

Khidzo kharato, gu kala nyi ruma Thimoti khu guvbiredza, guta wona gukhodwa gwanu gwa gu gimbila kharini, mwendro saye mukanganyisi a mi lingideni, a ghohetela mihandro nya thumo wathu.

Vahebheru 4:12

Mahungu ya Nungungulu khya guvbanya, ma na ni tshivba, ma ngu vbira guvbindra litshari nya gulodzwe eno ni eno. Ma gu paya, ma bela kala matshanganoni nya womi nya muthu. Ma ngu hambanisa gutshangana nya mongo ni marambo; ma ngu tugula mahingigedzo ni mapimo ma sihadego monyoni nya muthu.

1 Pedro 1:23

Khu tshivba nya magana nya guvbanye nya gupindruge ya Nungungulu, enu mu velegidwe nyaluphye khu Babe a sifigo, nasiri khu vababe nya gufe.

1 Johane 1:1

Hi ngu mi lovelani khu mahungu ya wule a nga bani a romo gukhugela guhegulani, uye hi mu pwidego ni gu mu wona khu maho yathu. Khu lisine, ethu hi mu wone, hi wuya hi mu phara khu mandza. Ha gu ganela khu Lito nya guvbanye.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.