Vafilipi 1:9 - Bhibhiliya Nya Guage

⁹ Egi nyi lombago ga Nungungulu khu gukheni lihaladzo lanu li na andre khu guti ni mapimo.

Vafilipi 1:9 Iomraidhean Croise

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Dzindzimo 119:66

Nyi hevbudze gwadi nayo nya wadi ni mapimo, kholu nyi ngu khodwa ga milayo yago.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

1 Vakorinto 14:20

Vandruye, mu nga khali sanana mapimoni gwanu, aholu, khalani sanana ga esi nya guvivbe, mu khala vagulu nya vathu khu gu pima.

2 Vakorinto 8:7

Enu, ga silo satshavbo mu fumide khu gukhodwa, khu guganela, khu gupima lisine, khu gu dzi garadzani khu maphuvbo yatshavbo, ni omu nya lihaladzo hi gu nalo gwanu. Dzi yeyedzeni gambe gukhenu mu vafumi nya wuhindzi.

Vaefeso 5:17

Khavbo avbo, mu nga khali sipumbu, aholu dzi garadzeni khu gu tugula egi Pfhumu a golago gukhuye mu gire.

Vakolosi 1:9

Khu Kharato, gukhugela litshigu hi pwidego mahungu yaya nya gutsakise, kha hi garali khu gu lombelela khu enu. Ha gu lomba gukhethu Nungungulu a mi tadzisele khu gu mi tulela guti guhaladza gwaye, a mi ninga gugengela ni gupima khu Liphuvbo Laye.

Vakolosi 3:10

mu ambade muthu muphya oyu a vbahwago nyaluphye khu guti gasi a fanana ni muwumbi waye.

1 Vatesalonika 3:12

Pfhumu a na engedzele ngudzu gu dandrisa lihaladzo lanu, li andra, mu haladzana moyo ni moyo, ni vathu vatshavbo. Lihaladzo lanu li na khale idzosaye ni eli hi gu nalo ethu khu enu.

1 Vatesalonika 4:1

Vandruye, mu hakhide ga ethu sileletelo nya ndzila mu yelago gu yi landrani gasi gu tsakisani Nungungulu. Hi ngu mi lombani ngudzu khu lina la Pfhumu mu pharise gu gimbila khu ndzila yoyo, nga edzi mutago mu na gu gira, gasi mu andra ngudzu.

2 Vatesalonika 1:3

I fanelo yathu gu dhumisa Nungungulu gikhati gyatshavbo khu enu, vandruye. Gu ngu yela gu gira kharalo kholu gukhodwa gwanu gu andride ni lihaladzo lanu li dandride, eli mu girelanago khu gyanu.

Filemoni 1:6

Nyi ngu lomba gukheni gukhodwa u hengelago gumogo ni ethu, gu na ninge mihandro, kala uti silo satshavbo nya sadi esi Kristo a girago guvbanyani gwathu.

Vahebheru 5:14

Guhodza nya vathu vakhongolo khogu nya gutiye, kholu avo va hevbude va kodza gu hambanisa esi nya sadi ni esi nya guvivbe.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.