Vafilipi 1:7 - Bhibhiliya Nya Guage

⁷ Nyi na ni fanelo nya guhingigedze kharati khu enu mwatshavbo, khaguva nyi nanu monyoni gwangu, kholu mu nga hengela ni eni makategwa nyi ningidwego khu Nungungulu, gukhothedwani gwangu ni thumoni nya guvhikele ni gu huwelela Mahungu nya Yadi.

Vafilipi 1:7 Iomraidhean Croise

Mithumo 20:23

Nya guti basi gukheni, madhoropani gwatshavbo nyi vbindrago, Liphuvbo nya Guage li ngu nyi tivisa gukhilo nyi lindredwe khu mapaso ni sisaniso.

Mithumo 21:33

Muthangeli a di hidzimela a mola Pawulo a ruma gu mu hunga khu makhetshe mavili. Khavbo avbo, a di wudzisa lina laye ni nandru a nga ghohago.

1 Vakorinto 13:7

Lihaladzo li ngu rwala satshavbo, li gu khodwa satshavbo, li gu tumba gikhati gyatshavbo ni guhunisela satshavbo.

1 Vakorinto 9:23

Nya gu gira satshavbo sesi khu kotani nya Ivhangeli khu gu dwanela gu hakha makategwa nya Ivhangeli.

2 Vakorinto 3:2

Enu khenu lidangalila lathu li lovidwego myonyoni gwathu, li tidwago ni gu hevbudwa khu vathu vatshavbo.

2 Vakorinto 7:3

Kha nyi ganeli esi khu gu vbweta gu mi kona, kholu nyi mi embedeni khu gale kheni mu womo myonyoni gwathu gasi hi vbanya ni gufa gumogo.

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vaefeso 3:1

Khu kharato, eni Pawulo, gibotshwa gya Kristo khu kotani yanu enu mu si gu Vajudha, nyi ngu lombelela ga Nungungulu.

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

Vaefeso 6:20

Eni kheni mutivisi nya Mahungu yaya, ambari olu nyi guromo pasoni. Khavbo avbo, lombelelani gasi nyi ganele na nyi tiyide kha nga edzi gu vbwetegago khidzo.

Vafilipi 1:12

Vandriyangu, nya gu vbweta gukheni mu dzitini gukhenu satshavbo iso si nyi dugeledego, si phasedzede gudandra Ivhangeli.

Vafilipi 1:13

Vanyakasane vatshavbo va mufumeli ni vatshavbo vambe, va ngu dziti gwadi gukhavo eni nyi hungidwe dzitshinga khu mahungu ya Kristo.

Vafilipi 1:14

Vandruye nya vangi khu gukhodwa va tiyide longo khu gu wona dzitshinga nyi hungidwego, va gu engedzela gitumbo gyawe ga Pfhumu, muhuno va ngu tivisa mahungu ya Nungungulu khu tshivba, nyamba thava gilo.

Vafilipi 1:5

khu kotani nya wuhengeli wanu ni eni thumoni momu nya gutshumayale Mahungu nya Yadi, gukhugela litshigu nya guhegule kala muhuno.

Vafilipi 2:22

Gasi Thimoti, enu mu ngu pima gutumbega gwaye: A dzi garadzide gumogo ni eni thumoni nya gutivise Mahungu nya Yadi, kha nga gyanana gi phasedzelago babe waye.

Vafilipi 4:14

Ambari ulo, enu mu giride gwadi mu hengedego ni eni sigaradzoni gwangu.

Vafilipi 4:15

Enu Vafilipi, mu ngu dzitini gwadi gukhenu, guhegulani, gikhati nyi phedego thumo nya gutivise Mahungu nya Yadi, gikhati nyi hongodego Makedhoniya Libandla lanu khilo basi li nga nyi phasa. Mu hengede ni eni khu gu ninga ni gu hakha.

Vafilipi 4:3

Nyi ngu gu lomba uwe pari yangu nya gutumbege, u va phasedzele. Kholu avo va dwanide gumogo ni eni thumoni nya gutivise Mahungu nya Yadi gumogo ni Klementi, ni vatshavbo nyi nga hengelago navo thumoni, malina yawe ma lovidwego libhukuni nya womi.

Vakolosi 4:18

Khu gyandza gyangu nyi ngu lova esi: Nyi ngu mi losedzela eni Pawulo. Mu nga divaledwi khu gukhenu nyi hungidwe dzitshinga. Wuhigo wu na khale ni enu!

Vakolosi 4:3

lombelelani gambe khu ethu, gasi Nungungulu a hi tulela wulanga, hifela guganela khu sihalo wa Kristo, owu nyi hungidwego khuwo nga gibotshwa,

1 Vatesalonika 5:5

Enu mwa gu vbanya guwonegelani nya mihani, kholu ethu kha hi lumbi wutshigu ambari gidema.

2 Thimoti 1:8

Khu kharato, u nga khali dzitshoni gu fakaza Pfhumu yathu, gambe u nga khali dzitshoni khu eni nyi gu gibotshwa khu kotani yaye. Aholu saniseka gumogo ni eni khu kotani nya Ivhangeli nu gu tiyiswa khu tshivba ya Nungungulu.

2 Thimoti 2:9

Eni nyi ngu saniseka khu kotani nya Ivhangeli kala nyi hungwa dzitshinga kha nga gighevenga. Aholu, Mahungu ya Nungungulu kha ma hungwi dzitshinga.

Filemoni 1:13

Nyi di dzinide gu khala naye gasi gu nyi thumela a tshikedza wulanga wago pasoni momu nyi guromo khu kotani nya Ivhangeli.

Vahebheru 3:1

Khu guralo, vandriyangu khu gukhodwa, enu mu ranidwego nenu khu Nungungulu, khusani maho mu khedza Jesu a rumedwego khu Nungungulu, guta khala Muphasi nya Khongolo nya mhamba nya gukhodwe hi gu sambanyago.

1 Pedro 4:13

Aholu, nengelani khu gu hengela gusaniseka ni Kristo gasi mu tale khu gutsaka gikhati wudhumo waye wu na wonegiswago.

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

2 Pedro 1:13

Nya gu wona nari fanelo yangu gu mi dundrugisani silo sesi olu nyi nga gu vbanya ga tshatsha yoyu.

1 Johane 3:14

Hi ngu dziti gukhethu hi dugide khu gufani hi bela guvbanyani. Ha gu dziti kholu hi ngu haladza vandriyathu. Oyu a si haladzigo ndriyaye a nga fude.