Vafilipi 1:4 - Bhibhiliya Nya Guage

⁴ Milombeloni yangu yatshavbo, nyi ngu mi lombelela mwatshavbo khu gunengela;

Vafilipi 1:4 Iomraidhean Croise

Marko 5:5

Wutshigu ni mihani a di legalega marowoni ni musigomoni, na gu wombedzela dzihuwa, ni gu dzi bayisela khu siwindri.

Luka 15:10

Nyi ngu mi embelani, kheni: Kharati nugo, gomo gunengela vbakari nya dzingilozi dza Nungungulu khu kotani nya gighohi gimwegyo basi gi vbindrugedzago mavbanyelo.”

Luka 15:7

Nyi ngu mi embelani, kheni: Gu na manega gunengela nya gukhongolo Ndzadzini khu kotani nya gighohi gimwegyo basi, gi dzi layago guvbindra avo nya livbandre na mana magumi ni livbandre na vana vathu nya ndruda va si vbwetigo gu dzi laya.”

Varoma 1:9

Nungungulu nyi mu thumelago khu monyo wangu watshavbo khu gu tshumayela Ivhangeli ya Mwanaye, khuye a gu fakazi yangu. A ngu dziti gwadi gukhuye nyi ngu mi dundruga

Vafilipi 2:2

nyi ngu mi lomba gukheni mu tadzise gutsaka gwangu khu gukheni, mwatshavbo mu hengele mapimo mamowo, lihaladzo limwedo, hefemulo moyo ni gudogorela gumogo basi.

Vafilipi 3:18

Nyi mi embedeni dzinyondro dzingi, ni olu gambe nyi ngu engedza gu ganela khu gulila kheni, vbakari gwanu vomo nya vangi va dzi girago valala nya gihambano gya Kristo.

Vafilipi 4:1

Khu kharato, vandriyangu, sigodwa sangu, nyi mi suvago ngudzu, enu khenu gunengela ni tshatshazelo wangu, simamani gu khala khu gu tiya linani ga Pfhumu.

Vakolosi 2:5

Kholu ambari saye nyi guromo hwindzo khu givili, nyi womo vbakari gwanu khu hefemulo. Nyi ngu nengela khu gupwa mavbanyelo yanu nya yadi, ni gutiya nya gukhodwe gwanu ga Kristo.

1 Vatesalonika 1:2

Hi ngu bonga Nungungulu gikhati gyatshavbo khu enu, hi ngu mi dundruga mwatshavbo milombeloni yathu.

Filemoni 1:7

Nyi nengede ngudzu nyi salala khu kotani nya lihaladzo lago, kholu myonyo nya sihathwa yi rude khu kotani yago, wandruye.

2 Johane 1:4

Nyi nengede ngudzu khu gu dziti gukheni simbe sanana sago si ngu vbanya khu ndzila nya lisine nga edzi hi hakhidego khidzo nayo wa Babe.