Vafilipi 1:27 - Bhibhiliya Nya Guage

²⁷ Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Vafilipi 1:27 Iomraidhean Croise

1 Dzikoronika 19:12

Jowabhi a di mu embela, khuye: “Vaasiriya, va gu bani vari ni tshivba nya gu nyi vbindre, uwe u nata u ta nyi phasedzela, aholu, va na Amoni va gu bani vari ni tshivba nya gu gu vbindre, eni nyi nata gu phasedzela.

Dzindzimo 122:3

Jerusalema, lidhoropa li vbahidwego gwadi li tiya, li vbahidwego khu gu mburisedwa.

Dzindzimo 133:1

Nga pwani gutshamba ni gutsakisa, valongo va gu vbanya dangamwedo khu gupwanana!

Mavingu 22:23

kholu Pfhumu Nungungulu a na vhikela mahungu yaye gulamudwani, gambe a na songa vatshavbo avo va va phangago.

Jeremiya 32:39

Nyi na va gira va manega ni monyo moyo nya wadi ni gu gimbila khu ndzila mweyo, gasi va nyi ninga githawo gikhati gyatshavbo, gasi va vbanye gwadi avo gumogo ni livelego lawe.

Matewu 12:25

Na wonide mapimo yawe, Jesu a di va hakha, khuye: “Mufumo watshavbo wu dzi kabanisago khu mitsawa yi wugelana khu gyawe, mufumo wowo kha wu yi danga; lidhoropa latshavbo, mwendro ndranga yi dzi kabanisago khu mitsawa yi wugelana khu gyawe, kha yi dzi kodzi gupindruga.

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Mithumo 24:24

Khu hwane nya matshigu, a dita Felisi ni mwangadzi waye Dhrurusila a nga bani ari Mujudha. A di ranisa Pawulo gasi gu mupwa na gu ganela khu gukhodwa ga Jesu Kristo.

Mithumo 4:32

Talo nya vathu va nga khodwago va di gu vbanya khu monyo moyo ni hefemulo moyo. Mwalo muthu a nga bani a gu thula gilo gyaye khuye egi khyangu, aholu va di hengela silo satshavbo.

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 1:5

Khu uye, hi hakhide wuhigo nya gukhale Vapostoli, gasi hi wuyisa vathu nya mahundzu yatshavbo va khodwa ga Nungungulu va dhumisa lina laye.

Varoma 1:9

Nungungulu nyi mu thumelago khu monyo wangu watshavbo khu gu tshumayela Ivhangeli ya Mwanaye, khuye a gu fakazi yangu. A ngu dziti gwadi gukhuye nyi ngu mi dundruga

Varoma 10:8

Gasi Milowo yari, khiyo: “Magana momo vbafuvbi gwago, kanani gwago ni monyoni gwago.” Khayo magana yaya nya gukhodwe hi ma tivisago.

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

Varoma 15:29

Nyi ngu tumba gukheni gikhati nyi natago iyo gwanu, nyi nata na nyi tade khu makategwa ya Kristo.

1 Vakorinto 1:10

Vandriyangu, nyi ngu mi lombani khu lina la Pfhumu yathu Jesu Kristo, gukheni: Pwananani, mu ganela gilo gimwegyo; gu nga manegi guhambana vbakari gwanu; hengelani mapimo ni monyo moyo.

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

2 Vakorinto 13:11

Khu guhegisa, vandruye, nyi ngu mi lomba mu khale khu gutsaka, ni gululama, mu tangadzisana khu gyanu. Mu vbanya khu gu pwanana, mu khala khu gurula, Nungungulu nya lihaladzo, ni gurula a na khale vbakari gwanu.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

2 Vakorinto 9:13

Khu gu wona giphaso gyanu, avo va na dhumisa Nungungulu khu gu yingisa gwanu Mahungu nya Yadi ya Kristo, ni wuwadi nya siningwa mu girelago avo ni vatshavbo.

Vagalatiya 1:7

Khandri gukhwatshi yomo yimbe Ivhangeli, aholu, vomo vathu nya gukari va girago pfilupfilu vbakari gwanu, va dwanela gu mi hambanisa, mu gu ghoha Ivhangeli ya Kristo.

Vaefeso 1:13

Khu ga Kristo, enu nenu, mu pwide mahungu nya lisine, Ivhangeli nya guvbanyiswe gwanu, mu yi hakhidego khu gukhodwa, mu tiyisidwe khu gifungo nya Liphuvbo nya Guage hi nga bani hi tumbisidwe.

Vaefeso 1:15

Eni neni, na nyi pwide ndruma nya gukhodwe mu gu nago ga Pfhumu Jesu, ni lihaladzo mu gu nalo ga vatshavbo va khodwago,

Vaefeso 4:1

Eni nyi gu gibotshwa nya guthumele Pfhumu, nyi ngu mi lomba gukheni gimbilani khu ndzila yi yelanago ni mavbanyelo mu ranedwego ayo khu Nungungulu.

Vafilipi 1:5

khu kotani nya wuhengeli wanu ni eni thumoni momu nya gutshumayale Mahungu nya Yadi, gukhugela litshigu nya guhegule kala muhuno.

Vafilipi 2:12

Khu kharato, vandriyangu, sigodwa sangu, kha nga mu nyi yingisidego gikhati gyatshavbo nyi khadego vbakari gwanu, nyi yingiseni gambe ni olu nyi guromo hwindzo. Thumelani guvbanyiswa gwanu khu githawo ni gu dzi nogisa,

Vafilipi 2:24

Nyi ngu tumba ga Pfhumu gukheni eni neni nyi nata mi wona nugunugu.

Vafilipi 3:18

Nyi mi embedeni dzinyondro dzingi, ni olu gambe nyi ngu engedza gu ganela khu gulila kheni, vbakari gwanu vomo nya vangi va dzi girago valala nya gihambano gya Kristo.

Vafilipi 3:20

Gasi ethu, hi sivelegwa sa Ndzadzini, gambe khiyo hi lindrelago gukhethu a nata khiyo Muvbanyisi wathu, Pfhumu Jesu Kristo.

Vafilipi 4:1

Khu kharato, vandriyangu, sigodwa sangu, nyi mi suvago ngudzu, enu khenu gunengela ni tshatshazelo wangu, simamani gu khala khu gu tiya linani ga Pfhumu.

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.

Vakolosi 1:4

Kholu hi pwide mahungu nya gukhodwe gwanu linani ga Kristo Jesu ni lihaladzo mu yeyedzago ga vatshavbo va nya guaga va khodwago.

1 Vatesalonika 3:6

Olu, Thimoti wide khiyo gwanu, a hi wuyede ni mahungu nya gutshambe khu gukhodwa gwanu ni lihaladzo mu gu nalo ga vambe. A hi embede gambe khuye mu ngu hi dundruga ngudzu, mu ngu hi suva gu hi wona, nga ethu nethu hi mi suvago gu mi wona.

1 Vatesalonika 4:1

Vandruye, mu hakhide ga ethu sileletelo nya ndzila mu yelago gu yi landrani gasi gu tsakisani Nungungulu. Hi ngu mi lombani ngudzu khu lina la Pfhumu mu pharise gu gimbila khu ndzila yoyo, nga edzi mutago mu na gu gira, gasi mu andra ngudzu.

1 Thimoti 1:11

mayelano khu Ivhangeli nya wudhumo wa Nungungulu nyi ningidwego, a gu nambo nya makategwa.

1 Thimoti 1:19

Vegisa gukhodwa ni mapimo nya lisine. Vambe va digide gukhodwa nya gwadi, va dzimeledwa khugo.

2 Thimoti 4:7

Nyi dwanide litunga nya ladi. Nyi vbedzide gututuma ni gu sayisa gukhodwa gwangu.

Tito 2:10

ambari gu va bela. Aholu, dzi na yeyedze gukhidzo dzi tumbegide ga satshavbo dzi girago, gasi gu rungudzwa sihevbudzo hi hakhidego khu ga Nungungulu, Muvbanyisi wathu.

Filemoni 1:5

Kholu, nyi pwide mahungu nya gukhodwe ni lihaladzo u gu nalo ga Pfhumu Jesu Kristo ni ga sihathwa satshavbo.

Jakobe 3:18

Vale va vbahago gurula, va gu yala gurulani, va gu vbwera mihandro nya guvbanye nya gululame.

2 Pedro 3:11

Olu silo satshavbo si na gu mbembisago guralo, gu vbwetega mu vbanya khu mavbanyelo nya yadi nya wukhodwa, nya gutsakise Nungungulu.

2 Pedro 3:14

Sigodwa sangu, nga olu mu lindrelago litshigu lolo, girani tshivba mu khale ga Nungungulu, nyambana gisolo, ambari gighoho mbeli gwaye.

Judha 1:3

Sigodwa sangu, eni nyi di gira tshivba nya gu mi loveleni khu mahungu nya guvbanyiswe hi gu nago gumogo nanu. Nyi di dzipwa gukheni i tshukwana nyi mi lovela olu gasi gu mi tiyiselani litungani mu li dwanago khu kotani nya gukhodwe gu ningidwego sihathwa saye kala gupindruga.