Vafilipi 1:23 - Bhibhiliya Nya Guage

²³ Nya gu dzipwa na nyi gu ndrindrwa khu silo sa sivili: Mumbe monyo wa gu suva gu hongola nyiya khala ni Kristo; a diri gwadi ngudzu guvbindra silo satshavbo;

Vafilipi 1:23 Iomraidhean Croise

2 Samuweli 24:14

Khavbo avbo, Dhavhidhe a di embela Gadhi, khuye: “Nyi womo vbakari nya wuvi nya wukhongolo, hi na thegeleni mandzani ga Pfhumu Nungungulu, kholu wuhindzi waye wungi ngudzu, gasi nyi si thegeli mandzani ga vathu.”

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 49:15

Aholu, Nungungulu a na dzegisa hefemulo wangu a nyi tshula mandzani nya lufu, a nyi wugarela.

Luka 12:50

Gu ngu vbwetega gu eni nyi hakhe gubhapatiswa nya gukari. Nyi ngu saniseka ngudzu kala gu esi si girege.

Luka 23:43

Uye a di mu hakha, khuye: “Muhuno olu u na bani uri ni eni Ndzadzini.”

Luka 8:38

Muthu wule a nga duswago maphuvbo nya guvivbe a di mu lomba gu hongola naye, aholu Jesu a di mu embela, khuye:

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Johane 13:1

Wu si gu vbohi buzo nya Phasika, Jesu na gu dziti gukhuye gi vbohide gikhati gyaye nya guvbindre mafuni momu a bwelela ga Babe waye, uye, a nga golago vathu vaye va nga bani va romo tigoni, a di va gola khu monyo waye watshavbo.

Johane 14:3

Nyi na wuya gambe nyita mi dzegani, gasi avbo nyi na bani nyi romo, mu manege nenu.

Johane 17:24

“Baba, nya guvbweta gukheni vale u nyi ningidego va manege navo avbo nyi na gu manegago eni, gasi vafela gu wona gidhumo gyangu, gidhumo gile u nyi ningidego, kholu uwe u nyi gode na li si gu vangwi litigo.

Mithumo 7:59

Na gu pfarwa khu siwindri Sitefane a di lombelela, khuye: “Pfhumu Jesu hakha hefemulo wangu!”

2 Vakorinto 5:8

Ethu hi na ni gutumba, hi ngu gola ngudzu gu duga givilini momu gasi guya vbanya ni Pfhumu.

2 Vakorinto 6:12

Gi mwalo ni gimwegyo hi mi sihedego, enu khenu mu gu na ni wusihasihane.

Vafilipi 1:24

aholu, khu gimbe gipandre, gu ngu vbwetega ngudzu nyi simame guvbanya khu kotani yanu.

1 Vatesalonika 2:1

Vandruye, mu ngu dzitini gwadi nya gukhenu lipfhumba hi nga li gira hita iyo gwanu, khandri la mahala.

1 Vatesalonika 2:13

Khu guralo, hi ngu mu bonga Nungungulu gikhati gyatshavbo. Olu mu nga hakha Mahungu gwathu, Mahungu ya Nungungulu mu ma hakhidego. Kholu, khandri mahungu nya vathu, aholu, mahungu nya lisine la Nungungulu. Mwa gu khodwa mu na engedzela ngudzu tshivba nya guvbanye.

1 Vatesalonika 4:17

Khu hwane, ethu hi vbanyago, hi na ya hakhwa gumogo navo mapfhini, na hi gu khinga Pfhumu ndrengelengeni. Khu guralo, hi na khala ni Pfhumu kala gupindruga.

2 Thimoti 4:6

A gu bani ari eni, nyi lulamide gu khala mhamba kholu, gikhati gyangu nya gufe gi ngu vboha.

Gutuledwa 14:13

Nyi dipwa lito ndzadzini li nyi embela, khilo: “Lova, khuwe: Va kategide vale, gukhugela muhuno, va na felago mandzani ga Pfhumu.” Liphuvbo li di, khilo: “Ina, khidzo furi! Gugaralani gwawe va na mana guhefemula, kholu mithumo yawe yi ngu va landrela.”