Vafilipi 1:21 - Bhibhiliya Nya Guage

²¹ Kholu ga eni, guvbanya khu Kristo, ni gufa giphaso.

Vafilipi 1:21 Iomraidhean Croise

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

1 Vakorinto 3:22

Gani Pawulo, gani Apolo, gani Khefasi, gani khu litigo, gani khu gufa, gani khu guvbanya, gani khesi hi gu naso, gani khiso si nga gutago; satshavbo khyanu,

2 Vakorinto 5:1

Ethu hatshavbo hi ngu dziti gwadi gukhethu wa gu hagala tshatsha yoyu a gu givili gyathu, yi gu nyumba yathu ya mafuni, Nungungulu a hi dongisede gu hi ninga yimbe nyumba Ndzadzini, nyumba nya gupindruge ya sa girwago khu mandza nya vathu.

2 Vakorinto 5:6

Khu guralo, hi na ni gutumba gikhati gyatshavbo. Hi ngu dziti gukhethu ha gu bani hi ngu gu vbanya givilini momu, hi womo hwindzo ni Pfhumu.

2 Vakorinto 5:8

Ethu hi na ni gutumba, hi ngu gola ngudzu gu duga givilini momu gasi guya vbanya ni Pfhumu.

Vagalatiya 2:20

Khu kharato, olu khandri eni gambe nyi vbanyago, khu Kristo a vbanyago avbo gwangu. Olu, khu guvbanya nyi gu nago milini gwangu, nya gu vbanya khu gukhodwa ga Mwamana wa Nungungulu a nyi haladzidego kala gu ningela guvbanya gwaye khu kota yangu.

Vagalatiya 6:14

Gasi eni, kha nyi vbweti gu dzi zundza khu gimbe gilo; wangu wuzundzo nya gu wu mana basi vbagihambanotunu gya Pfhumu yathu Jesu Kristo. Khu kotani nya gihambano, litigo li fude ga eni, kha nga aneni nyi fudego ga litigo.

Vafilipi 1:20

Egi nyi lilago wutshigu ni mihani, na nyi gu tumba khu monyo wangu watshavbo, khu gukheni nyi si khali dzitshoni. Gani olu, muhuno kha nga gikhati gyatshavbo, Kristo a na dhumiswa givilini gwangu, khu guvbanya ambari khu gufa gwangu.

Vafilipi 1:22

Aholu ga gu wonega gupwani guvbanya mafuni momu gu ngari ni giphaso thumoni gwangu, kha nyi na giti ni egi nya guhathe.

Vafilipi 1:23

Nya gu dzipwa na nyi gu ndrindrwa khu silo sa sivili: Mumbe monyo wa gu suva gu hongola nyiya khala ni Kristo; a diri gwadi ngudzu guvbindra silo satshavbo;

Vafilipi 2:21

Vatshavbo vambe va gudwanela basi gu gira guhaladza gwawe, nasiri ogu ga Kristo.

Vakolosi 3:4

Guvbanya gwanu nya lisine khu Kristo, gikhati uye a na dzi wonegisago, enu nenu mu na wonega gumogo naye mu na tade khu wudhumo.

Gutuledwa 14:13

Nyi dipwa lito ndzadzini li nyi embela, khilo: “Lova, khuwe: Va kategide vale, gukhugela muhuno, va na felago mandzani ga Pfhumu.” Liphuvbo li di, khilo: “Ina, khidzo furi! Gugaralani gwawe va na mana guhefemula, kholu mithumo yawe yi ngu va landrela.”