Vafilipi 1:20 - Bhibhiliya Nya Guage

²⁰ Egi nyi lilago wutshigu ni mihani, na nyi gu tumba khu monyo wangu watshavbo, khu gukheni nyi si khali dzitshoni. Gani olu, muhuno kha nga gikhati gyatshavbo, Kristo a na dhumiswa givilini gwangu, khu guvbanya ambari khu gufa gwangu.

Vafilipi 1:20 Iomraidhean Croise

Dzindzimo 119:116

Nyi seketele khu gitumbiso gyago nyi na vbanya, u nga nyi digi nyi thedwa dzitshoni kholu, nyi tumbide uwe.

Dzindzimo 119:80

Monyo wangu wu na vbelele khu gu landrisa sileletelo sago, gasi nyi si thedwi dzitshoni. Caf

Dzindzimo 25:2

Nungungulu wangu, eni nya gu tumba uwe, nyi nga khali dzitshoni, valala vangu va nga nyi pali.

Dzindzimo 62:5

Hefemulo wangu wa gu khevisela Nungungulu basi, kholu gutumba gwangu gwa guta khavbo gwaye.

Mavingu 10:28

Gitumbo gya vathu va lulamidego gya gu hegisa khu litsako, aholu gya va nya guvivbedwa khu monyo, khu gumbemba.

Mavingu 23:18

Khu guralo khu matshigu matago, u na mana mavbanyelo nya yadi, gitumbo gyago kha gi na vbela.

Isaya 45:17

Aholu Pfhumu Nungungulu a na vbanyisa Israyeli kala gupindruga; gima kha mu na thega gambe dzitshoni, ni guhambanega mapimo kala gupindruga.

Isaya 50:7

Kholu Mune, Pfhumu Nungungulu, a nyi phasedzede, khu guralo kha nyipwi dzitshoni, khovbe yangu yi tiyide nga giwindri, kholu nyi ngu dziti gukheni gima kha nyi na tedwa khu dzitshoni.

Isaya 54:4

U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.

Johane 21:19

A di ganela kharati na gu thula mafelo Pedro a nga hadza gu dhumisa khayo Nungungulu. Khavbo avbo, a di mu embela, khuye: “Nyi landre.”

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 21:13

Aholu uye a di hi hakha, khuye: “Khu ginani mu lilago kharato mu nyi thela wuvi? Eni nyi dzi dongisede, nasiri guya hungeledwa basi, ambari guya songwa Jerusalema khu kotani nya lina la Pfhumu Jesu.”

Mithumo 4:31

Na vari vbakari nya nombelo gu di manega girevareva vbale va nga bani va romo; vatshavbo va di tala khu Liphuvbo nya Guage, va gu ganela mahungu ya Nungungulu na va tiyide.

Varoma 12:1

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Varoma 5:5

Gitumbo gegi kha gi hi phazamisi kholu Nungungulu tadzide myonyo yathu khu lihaladzo laye khu tshivba nya Liphuvbo nya Guage, a gu giningwa hi ningidwego khu Nungungulu.

Varoma 6:13

Mu nga ningelini ga gighoho sivbango nya givili gyanu mu si girani silo nya guthumele guvivba. Aholu, dzi ningeleni ga Nungungulu nga vathu va tshatugidego gufa va gu mana guvbanya. Dzi ningedzeleni wurumba wanu gu thumela Nungungulu, mu dzi gira sivbango nya guthumele silo nya gululame.

Varoma 6:19

Nya gu ganela kharati khu maganelelo nya wuthu khu gu dziti gukheni si ngu mi garadzela gu si pima silo sesi. Gale mu di dzi ningela gu khala dzikhumbi nya wubhayi ni guvivba gwatshavbo mu fela guthuma mithumo nya guvivbe. Olu dzi ningeleni gambe khu monyo watshavbo gu thumela gululama, mu fela gu agiswa.

Varoma 8:19

Sivangwa satshavbo somo si khevisela, wutshigu ni mihani, na si gu lindrela gu wona litshigu Nungungulu a na gu dzi wonegisago ga sanana saye.

Varoma 9:33

gi nga thudwa khu Milowo nya Guage, pwani: “Nyi ngu vega Siyoni giwindri gi tshunganisago gi thesa. Aholu, wule a khodwago ga egi giwindri gima kha na thedwa dzitshoni.”

1 Vakorinto 15:31

Vandruye, khu gutsaka nyi gu nago mbeli ga Pfhumu yathu Kristo Jesu khu kotani yanu, nyi ngu mi embela gukheni matshigu yatshavbo nya gu wona gufa mbeli gwangu.

1 Vakorinto 6:20

kholu a mi rengide khu tengo nya wungi. Khu kharalo, rungudzani Nungungulu milini gwanu ni hefemuloni gwanu.

1 Vakorinto 7:34

A gu khala na kabanegide. Khidzo gambe kharato, nyamayi a ngamba dzegwa, ni nyamahegyane nya likendzi va gu thela kota khu silo sa Pfhumu gasi va khale va nya guaga milini ni hefemuloni. Aholu nyamayi a dzegidwego a gu thela kota khu silo nya mafu, a gu dzi garadza khu gukhuye a na nengedzisa kharini mwama waye.

2 Vakorinto 10:8

Ambari na nyi dzi zundzide khu tshivba yeyi Pfhumu a nga hi ninga, kha nyi khali dzitshoni khiso, kholu nyi di ningwa gasi gu yi thumisa yi vbahe vbakari gwanu, nasiri gupfhungumula.

2 Vakorinto 3:12

Na nyiri ni gutumba gogu, nyi ngu vbanya khu gu tiya.

2 Vakorinto 4:10

Gikhati gyatshavbo hi rwade gufa ga Jesu mugivilini gwathu, gasi gu vbanya ga Jesu gu wonege givilini gwathu.

2 Vakorinto 5:15

Kristo fude wulanga nya vathu vatshavbo, gasi vale va vbanyago va si dzi vbanyeli avo vamune, aholu va vbanyela wule a fudego a wuga khu kotani yawe.

2 Vakorinto 7:14

Eni nyi di mu embede Tito kheni nyi ngu dzipwa matshandza khu enu, kha nya thedwa dzitshoni. Kha nga a gu lisine satshavbo iso hi mi embedego, kharato gambe, gu wonegide nari lisine esi hi nga ganelago ga Tito khethu: Hi ngu dzipwa matshandza khu enu.

2 Vakorinto 7:4

Nyi na ni gutumba nya gukhongolo ngudzu khu enu, nyi ngu dzi zundza ngudzu khu enu; nyi tade khu gu thaveledwa, nyi tade khu gutsaka, vbakari nya gusaniseke gwathu gwatshavbo.

Vafilipi 1:14

Vandruye nya vangi khu gukhodwa va tiyide longo khu gu wona dzitshinga nyi hungidwego, va gu engedzela gitumbo gyawe ga Pfhumu, muhuno va ngu tivisa mahungu ya Nungungulu khu tshivba, nyamba thava gilo.

Vafilipi 2:17

Ambari gu lomba gu ningela womi wangu nyi gira mhamba nya phaso gasi gu pata ni miningelo yanu nya gukhodwe ga Nungungulu. Eni si ngu nyi tsakisa, gambe nyi ngu hengela gutsaka gogu ni enu mwatshavbo.

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

1 Vatesalonika 5:23

Nungungulu nya gurule a na agise ni gu sayisa sivili sanu ni mihefemulo yanu kala a wuya Pfhumu yathu Jesu Kristo.

1 Pedro 4:16

Aholu, muthu a gu saniswa khu gupwani mukristo, a nga khali dzitshoni, a na bonge Nungungulu khu lina lolo nya Wukristo.

1 Johane 2:28

Khidzo, vanavangu! Pharisani guhengela naye, gasi hi tiye longo gikhati a na dzi wonegisago. Kharato, kha hi na nga khala dzitshoni, hi sihala, litshigu a na wuyago.