Vafilipi 1:15 - Bhibhiliya Nya Guage

¹⁵ Nyi ngu dziti gukheni vomo va tivisago Kristo khu mapimo nya mapalisana ni lidiwo gwangu, aholu vambe va gu mu tivisa khu monyo nya gululame.

Vafilipi 1:15 Iomraidhean Croise

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Mithumo 10:36

Rumede magana yaye ga sanana sa na Israyeli, a gu si rumela mahungu maphya nya yadi nya gurule khu Jesu Kristo, a gu Uye Pfhumu nya vathu vatshavbo.

Mithumo 11:20

Gasi vambe, va nga bani va guta khu Kipre ni Sirene, va di hongola kala Antiyokiya vaya hevbudza Ivhangeli ya Pfhumu Jesu ga Vagreki.

Mithumo 5:42

Va di si garali khu gu hevbudza matshigu yatshavbo Nyumbani ya Nungungulu ni dzidrangani, ni gu huwelela mahungu yadi nya gupwani Jesu khuye Kristo.

Mithumo 8:35

Khavbo avbo, Filipi a di phara khu tshoka yile nya Milowo a gu phela gu mu sasamedzela mahungu nya yadi ya Jesu.

Mithumo 8:5

Filipi a di relela aya dhoropani ga Samariya, aya tivisa Kristo vathu va tigoni mule.

Mithumo 9:20

Khavbo avbo, a di phela gu hevbudza dzinyumbani nya nombelo khuye Jesu. Mwamana wa Nungungulu.

Varoma 2:8

Aholu, a na tsayisa khu tshivba ava va mu wugelago, va si dzumeligo lisine, va gu landra ndzila nya guvivbe.

1 Vakorinto 1:23

Gasi ethu ha gu tivisa Kristo a khokhothedwego vbagihambanotunu. Mahungu yaya ma gu khunguvanyisa Vajudha, ma wonwa kha nga wupumbu khu vale va si gu Vajudha.

1 Vakorinto 13:3

Ambari nya gu ninga sisiwana silo sangu satshavbo, nyi wuya nyi ningela ni givili gyangu gi vbiswa, aholu na nyiri mwalo lihaladzo, kha nyi phasi gilo.

2 Vakorinto 1:19

Kholu Mwamana wa Nungungulu, Jesu Kristo, hi nga mi tivisani, Silivhano, Thimoti, ni eni kha khala “Ina ni ahihi,” aholu gikhati gyatshavbo a di khala “Ina.”

2 Vakorinto 11:13

Avovo khavo vapostoli nya gukanganyise, sithumi nya malipha va dzi girago vapostoli va Kristo.

2 Vakorinto 12:20

Nyi na ni hwanga guta iyo gwanu, nyita mi mana na mu vbindrugedzide mavbanyelo yale nyi ma golago, enu nenu mu nyi wona na nyi vbindrugedzide mavbanyelo. Nyi na ni hwanga nya gukheni nyi nata mi mana na mu bede mayungani, lidiwo, mazondra, gunyenyana, gu dwana, gusingedzana, milembo, ni gumba pwanana.

2 Vakorinto 4:5

Kholu ethu, kha hi dzi tshumayeli wurumba wathu, aholu ha gu tivisa Jesu Kristo, a gu Pfhumu. Ethu kha hiri gilo, hi sithumi sanu, khu lihaladzo la Jesu.

Vagalatiya 2:4

Ambari va nga dugelela vambe vbakari gwathu, va nga hi pfhadza khavo vakhodwa; vathu vovo va bede tsawani gwathu khu gufela guta sola mavbanyelo nya gutshulege hi gu nawo khu ga Kristo, gasi va mane ndzila nya gu hi yise nyaluphye wugumbini.

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”