Vafilipi 1:12 - Bhibhiliya Nya Guage

¹² Vandriyangu, nya gu vbweta gukheni mu dzitini gukhenu satshavbo iso si nyi dugeledego, si phasedzede gudandra Ivhangeli.

Vafilipi 1:12 Iomraidhean Croise

Esiteri 9:1

Khu litshigu nya likhumi na mararu nya ngima nya likhumi na mivili, a gu ngima nya Adhari, a gu litshigu si vbohidego khilo sileletelo ni nayo wa mufumeli, gu di fanede gu tadzisega khu litshigu leli, kholu valala va Vajudha va di gu lirela gu va sasela, aholu Vajudha va di li vbindrugedza li khala nari litshigu nya gu sasele khilo valala vawe.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Ekisodha 18:11

Olu nyi ngu dziti gukheni Pfhumu Nungungulu khongolo guvbindra vanungungulu vatshavbo, kholu a va phalalegiside ga esi va nga bani va dzi gugumugisa khiso ni dzihanyi.”

Luka 21:13

satshavbo soso si na dugelela gasi mu khale vakustumunyu.

Mithumo 8:4

Avo va nga phalalega va di gimbila khu talala ni talala va gu hevbudza Mahungu nya Yadi.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

Varoma 8:37

Aholu ga satshavbo sesi, ethu hi pade khu tshivba ya wule a nga hi haladzago.

Vafilipi 1:5

khu kotani nya wuhengeli wanu ni eni thumoni momu nya gutshumayale Mahungu nya Yadi, gukhugela litshigu nya guhegule kala muhuno.

Vafilipi 1:7

Nyi na ni fanelo nya guhingigedze kharati khu enu mwatshavbo, khaguva nyi nanu monyoni gwangu, kholu mu nga hengela ni eni makategwa nyi ningidwego khu Nungungulu, gukhothedwani gwangu ni thumoni nya guvhikele ni gu huwelela Mahungu nya Yadi.

Vafilipi 2:22

Gasi Thimoti, enu mu ngu pima gutumbega gwaye: A dzi garadzide gumogo ni eni thumoni nya gutivise Mahungu nya Yadi, kha nga gyanana gi phasedzelago babe waye.

Vafilipi 4:15

Enu Vafilipi, mu ngu dzitini gwadi gukhenu, guhegulani, gikhati nyi phedego thumo nya gutivise Mahungu nya Yadi, gikhati nyi hongodego Makedhoniya Libandla lanu khilo basi li nga nyi phasa. Mu hengede ni eni khu gu ninga ni gu hakha.

Vafilipi 4:3

Nyi ngu gu lomba uwe pari yangu nya gutumbege, u va phasedzele. Kholu avo va dwanide gumogo ni eni thumoni nya gutivise Mahungu nya Yadi gumogo ni Klementi, ni vatshavbo nyi nga hengelago navo thumoni, malina yawe ma lovidwego libhukuni nya womi.

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

2 Thimoti 2:9

Eni nyi ngu saniseka khu kotani nya Ivhangeli kala nyi hungwa dzitshinga kha nga gighevenga. Aholu, Mahungu ya Nungungulu kha ma hungwi dzitshinga.

2 Thimoti 4:17

Aholu, Pfhumu yi diri ni eni yi nyi ninga tshivba nya gutivise Mahungu maphya nya Yadi ma hakhwa khu va nya mayigo. Khu kharato, nyi vbulugide kanani nya nghala