Vafilipi 1:10 - Bhibhiliya Nya Guage

¹⁰ Gasi mu kodza gu hatha iso si gu sadi, ni gu vbanyani khu ndzila ni lisine mu khala na mu agide mu ta manwa muri mwalo gihoso, kala li gu vboha litshigu la Kristo;

Vafilipi 1:10 Iomraidhean Croise

Genesi 20:5

Gasi khandruye Abrahama a nyi embedego gukhuye: I ndriyangu, gani? Ambari uye mune kha tiyisa nuye gukhuye i ndriyaye, gani? Eni nyi giride esi khu mapimo nya yadi na nyi agide monyoni gwangu.”

Joba 12:11

Gasi ndzeve khandriyo yi hathelago malito, kha nga lidimi li lingago guhodza, gani?

Joba 34:3

Kholu ndzeve khiyo yi hathelago magana nya yadi, kha nga lidimi li lingago guhodza nya gwadi.

Mikeya 3:2

Aholu mwa gu nyenya gululama mu gola wuvivbi; mwa gu dusa lidowo la vbatshani la vathu vangu, ni nyama yawe ya vbatshani nya marambo yawe.

Matewu 16:23

Gasi uye, a di thendregedza, a embela Pedro, khuye: “Leya, Sathane! U womo kha nga mutshunganisi wangu, kholu mapimo yago kha mati khu ga Nungungulu; aholu, khu ga vathu!”

Matewu 26:33

Pedro a di khusa lito, khuye: “Ambari va gu phalalega vatshavbo, eni gima kha nyi na gu diga wenga.”

Johane 1:47

Jesu, na wonide Natanayeli na gu hidzimela, a di khuye: “Oyu khuye a gu wa na Israyeli nya guvbelele, gwaye wu mwalo wukanganyisi.”

Johane 3:20

Kholu muthu watshavbo a girago guvivba a ngu venga guwonegela, gambe kha hidzimeli vbafuvbi, gasi mithumo yaye yi si tugudwi.

Mithumo 24:16

Khu kharato, eni neni nyi ngu dzi garadza matshigu yatshavbo gu khala nyiri muthu nya monyo nya gululame mbeli gwa Nungungulu ni ga vathu vatshavbo.

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Varoma 12:9

Lihaladzo lanu li na khale lihaladzo nya lisine, nyamba pembeledzela. Nyenyani guvivba mu gira nya sadi.

Varoma 16:17

Nyi ngu mi tivisani, vandruye, gukheni dzi woneleni ga vale va wusago guhambana ni gu yala gukanakana sihevbuloni mu hakhidego. Gimbilelani hwindzo navo,

Varoma 2:18

U ngu guti gugola gwaye, ni Nayo gambe wu ngu gu hevbudza gu hatha esi si gu sadi.

Varoma 7:16

Nya gu gira silo nyi si sinigo, nya gu khusedza Nayo, nyi dzumela gukheni khwadi.

Varoma 7:22

Livhaloni gwangu, nya gu dzipwa na nyi gu gola gu landrisa milayo ya Nungungulu.

Varoma 8:7

Gudogolela gwathu nya guvivbe nala wa Nungungulu, kholu kha gu yingeli Nayo wa Nungungulu, gambe kha gu dzi kodzi gu wu landrisa.

1 Vakorinto 1:8

Khuye gambe a na mi tiyiselago kala mahegiso, gasi muta manwa na muri mwalo gihoso litshiguni la Pfhumu yathu Jesu Kristo.

1 Vakorinto 10:32

Mu nga khali gikhunguvanyiso ga Vajudha, ga va nya mayigo mwendro ndrani nya libandla la Nungungulu.

1 Vakorinto 8:13

Khavbo avbo, nya gu wona gukheni guhodza nyama nya miphaso gikhunguvanyiso ga ndriyangu, nyi na diga nyi si hodzi gambe, gasi gumba mu khunguvanyisa.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

2 Vakorinto 2:17

Khu guralo ethu kha hi giri nga vambe va nya gutala va girago wugwewo khu mahungu ya Nungungulu. Aholu, nga sithumi sa Nungungulu, ha gu tshumayela khu Kristo, myonyo yathu na yi agide mahoni gwa Nungungulu.

2 Vakorinto 6:3

Ethu kha hi khunguvanyisi muthu khu mavbanyelo yathu, gasi thumo wathu wu si solegi.

2 Vakorinto 8:8

Oyu khandri nayo nyi mi ningago. Nya gu vbweta gu wona gukheni lihaladzo lanu khya lisine gani, nyi li pimanisa khu la vambe.

Vagalatiya 5:11

Vandruye, nari pwani eni nya gu hevbudza nayo nya wugwera, khu ginani nyi nga gu saniswago? Kholu nari pwani kharato, mahungu nyi tivisago ya Kristo a khokhothedwego vbagihambanotunu ma di si vbweti gu khala gikhunguvanyiso ga muthu.

Vaefeso 4:15

Aholu ha gu tivisa lisine khu lihaladzo, hi na dandra siloni gwatshavbo, kala hi gu manela Kristo a gu uye hungo.

Vaefeso 5:10

Dzi garadzeni khu guti esi si tsakisago Pfhumu.

Vaefeso 5:27

Khu magirelo yaya, a dzi dongisede abune libandla nya gungangamele nyambana livala, nyambana dzikonye mwendro gimbe gilo nya nga isoso; libandla nya guage nyambana gusolega.

Vaefeso 6:24

Wuhigo wa Nungungulu wu na khale ni vatshavbo vale va golago Pfhumu yathu Jesu Kristo khu lihaladzo nya guvbelele.

Vafilipi 1:16

Vambe va gu mu tivisa khu lihaladzo na va gu dziti gukhavo eni kheni nyi hathidwego gu khala muvhikeli nya Mahungu nya Yadi;

Vafilipi 1:6

Nyi ngu tumba gukheni uye Nungungulu a phedego gwanu thumo waye nya wadi, a na wu londrowodza kala li gu vboha litshigu la Kristo Jesu.

Vafilipi 2:16

mu va tivisa mahungu nya guvbanyise. Khu kharato, litshigu nya gute ga Kristo, nyi napwa gunengela nya gukhongolo ngudzu, kholu nyi na dziti gukheni kha nya garala khu guthuma mahala.

1 Vatesalonika 3:13

Khu guralo, myonyo yanu yi na bani yiri gululamani nya gwadi, khavbo mu na gu kodzago guya emani mbeli ga Nungungulu, Babe wathu, na mu agide, muri mwalo nandru, gikhati Pfhumu yathu Jesu Kristo a na gu wuyago ni sihathwa saye satshavbo.

1 Vatesalonika 5:21

Khedzani gwadi satshavbo; mu vegisa esi nya sadi,

1 Vatesalonika 5:23

Nungungulu nya gurule a na agise ni gu sayisa sivili sanu ni mihefemulo yanu kala a wuya Pfhumu yathu Jesu Kristo.

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.

Gutuledwa 2:2

Nyi ngu siti sigiro sago, mithumo yago ni gutimisela gwago, kholu nyi ngu dziti nya gukheni khu pwanani ni vathu nyamba si vadi; ni vale va dzi ranago vapizane vasiri avo, u va lingide, u va kona muguliphani gwawe.