Vaefeso 2:2 - Bhibhiliya Nya Guage

² Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Vaefeso 2:2 Iomraidhean Croise

Joba 1:16

Na si gu vbedzi gu ganela, gu dita wumbe mwango, wuta, khuye: “Nilo wa Nungungulu wu thegide khu ndzadzini, wuta vbisa tshambi watshavbo nya dzinvuta gumogo ni sithumi, nyi di tshala eni nyenga basi, nyi gu reselago mwango.”

Joba 1:19

khu githugedza, gu di dugelela phuvbo nya yikhongolo yi ngata khu giwulani yita veta dzikhona dzatshavbo dza dzina nya nyumba, yi thegela vbatshani gwawe vafa vatshavbo; gu di tshala eni nyenga basi, nyi gu reselago mwango.”

Joba 1:7

Khavbo avbo, Pfhumu Nungungulu a di wudzisa Sathane, khuye: “Gasi uwe wa guta khu hayi?” Sathane a di hakha Pfhumu Nungungulu, khuye: “Nya gu legalega tigoni nyi zulazula mafuni.”

Joba 31:7

migondro yangu ya gu bani yi ndreyide ndzilani, monyo wangu wa gu bani wu sengidwe khu gu navela nya maho yangu, ni gu bani nyi nyenyeziside mandza yangu khu gilo nya gukari,

Dzindzimo 17:14

Khu mandza yago, Pfhumu Nungungulu, nyi vbanyise vbakari nya vathu nya mafu, avo va hakhide tshatshazelo wawe va nga gu vbanya mafuni momu. Aholu, vale va gu tumbago va khurise khu thomba yago, thomba yi enelago gu khurisa sanana sawe yi bwelo khavbo yi tshalela situgulwana sawe.

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Isaya 57:4

Khu mani mu mu hembululago, na? Khu mani mu si khathaligo khuye? Mwa gu hamela mani likana mu mu dusela lidimi vbavbandze, na? Ina khandri mu sanana nya sighohi ni livelego nya va nya malipha,

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Hoseya 10:9

Gukhugela matshiguni ya Gibheya, uwe Israyeli u di gira sighoho, u simama gu gira kharato. Ina nyimbi kha mwa manwa khiyo tigoni ga Gibheya, khu guta vbweta va nya guvivbedwa khu monyo, gani?

Levhi 11:16

mbowa, gisungurukhuru, nyamangondrongondrwane ni ligodzyana ni mafumbu yatshavbo nya sivaga;

Matewu 11:19

Dzude Mwamana wa Muthu, a hodzago ni gu sela, mwari, khenu: ‘Na ni limidzo, bewudzi, pari nya va khuphisi ni sighohi!’ Aholu guti gwa gu dzi yeyedza khu mithumo yaye.”

Matewu 13:22

Mbewu yi nga thegela mibani, khu wule a pwago mahungu; aholu sigaradzo nya guvbanye ni dzithomba nya mafu si midza mahungu, ma hegisago khu gumba thela gilo.

Matewu 13:38

Lithembwe khu litigo; mbewu nya yadi khu sanana nya Mufumo; nyasavare khu sanana sa Sathane;

Marko 4:19

aholu, va gu dzi garadza khu silo nya mafu, va gu padwa khu dzithomba ni gudogorela mafumbo yatshavbo nya silo; satshavbo esi si ngu midza mahungu ma si theli mihandro myonyoni gwawe.

Luka 16:8

Pfhumu yi di zundza muthangeli wule nyamba tumbega khu wugengeli waye. Khu lisine, vathangeli nya silo nya mafu va gengede guvbindra vathangeli nya silo sa Nungungulu umo nya wugwewo wawe ni vathu vakwawe.

Luka 22:31

Pfhumu a di embela gambe Simoni, khuye: “Simoni, Simoni, dziti nya gukhuwe Sathane a mi lombideni gasi gu mi vbevbera kha nga mavbila.

Johane 12:31

Olu gi vbohide gikhati nya gulamudwe litigo leli; ni gututumiswa mufumeli waye.

Johane 13:2

Na vari vbakari nya gulalele, Sathane a di kutsedzela Judha Sikariyoti, mwamana wa Simoni, gasi a ningele Jesu.

Johane 13:27

Oyu, na hodzide gipandre gyogyo, a di beledwa khu Sathane. Khavbo avbo, Jesu a di mu embela, khuye: “Iso u vbwetago gu gira, gira khu guvbiredza, u nga hweli.”

Johane 14:30

Kha nyi na ganela ngudzu nanu, kholu a ngu vboha mufumeli nya litigo leli. Uye gimwalo gilo a na girago avba gwangu,

Johane 15:19

Nari pwani mwa gu lumba litigo, ilo na li mi gola, kha nga li golago vathu vaye; aholu, la gu mi nyenya, kholu kha mu lumbi litigo, ni gu eni nyi mi hathideni vbakari gwaye.

Johane 16:11

Va ghohide khu gu mbati gukhavo ginani gulamula gwa Nungungulu, kholu mufumeli nya litigo lamudwe.

Johane 7:7

Litigo kha li dzi kodzi gu mi zondra, aholu eni li ngu nyi zondra, kholu nya gu li tugudzisa mithumo yaye nya guvivbe.

Johane 8:23

A di engedza gu va embela, khuye: “Enu mu va vbavbatshi momu; gasi eni nyi wa vbatshani; enu mu va tigoni, gasi eni kha nyiri wa tigonimu.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Mithumo 19:35

Khavbo avbo, mabhalane wa dhoropani mule a di kodza gu degudza vathu, a ganela, khuye: “Madhota ya Efeso, vathu vatshavbo va ngu dziti nya gukhavo lidhoropa lathu la Efeso khilo li sayisago nyumba ya nungungulu nya khongolo Aritemisa gumogo ni gifananiso gyaye gi nga thega khu Ndzadzini.

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

1 Vakorinto 5:10

Kha nyiri kheni mu hambane ni vathu vatshavbo va gu sibhayi mafuni, mwendro va nya lidiwo, ni dzimbafa, ni va nya guphasela sithombe nya vanungungulu nya malipha; nari guralo mu di hadza gu rura mafuni momu.

1 Vakorinto 6:11

Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

Vagalatiya 1:4

Uye a dzi ningede a gu songwa khu kotani nya sighoho sathu, gasi a hi tshule ga litigo leli nya guvivbe hi vbanyago ga ilo, gu tadzisega kharati guhaladza gwa Nungungulu Babe wathu.

Vaefeso 1:21

A mu vegide vbatshani nya mufumo ni wufumu, ni wugulu, ni tshivba ni malina yatshavbo ma thangisidwego, nasiri mafuni momu basi, aholu ni ga litigo li nga gutago.

Vaefeso 2:11

Enu mu si gu Vajudha nya mavelego; enu mu ranwago makhuna khu vale va dzi ranago va nya wugwera, va dzi zundza khu gifungo va vegidwego milini gwawe khu mandza nya vathu, dundrugani edzi mu nga bani mu vbanya khidzo gale.

Vaefeso 2:13

Gasi olu, enu gale mu nga bani muri hwindzo ni Kristo, mu hidzimisidwe vbafuvbi khu mhamba nya Novba wa Kristo.

Vaefeso 2:3

Ethu hatshavbo hi diri nethu kha nga avo, hi di gu vbanya khu nayo nya tumbunugo ni gu landrisa gunavela nya givili ni monyo. Khu tumbunugo nya makhalelo yathu, hi di gu fanela guya thethiswa khu Nungungulu gumogo ni vambe vathu.

Vaefeso 4:17

Esi nyi mi tivisago ni gu mi laya khu lina la Pfhumu, khesi: Mu nga vbanyi gambe kha nga va nya mayigo va landrisago maalakanyo yawe nyamba phasa gilo,

Vaefeso 4:22

Khu kharato, digani tumbunugo nya mavbanyelo yanu ya gale nya gutale khu gudogolela nya gunyenyeze, gu yisago gumbembani.

Vaefeso 5:6

Mu nga dzumelini gu sengwa khu muthu khu magana nyamba phasa gilo, kholu sighoho nya nga esi khiso si ranago likhulo la Nungungulu ga ava nyamba yingisa.

Vaefeso 5:8

Enu, gale mu di gu vbanya gidemani. Gasi olu, mu nga tshanganiswa ni Pfhumu, mu womo guwonegelani. Khavbo avbo, dzi phareni kha nga vathu va vbanyago safani nya mihani.

Vaefeso 6:12

Kholu khandri ha gu dwana ni vathu nya marambo ni nyama, aholu ha gu dwana ni dzitshivba nyamba wonega dzi fumago tigoni momu nya gidema, ha gu dwana ni dzitshivba nya maphuvbo nya guvivbe ya Ndzadzini.

Vakolosi 1:21

Enu nenu mu di gu vbanya hwindzo ni Nungungulu, gambe mu diri valala vaye khu myonyo ni mithumo yanu nya guvivbe,

2 Thimoti 4:10

kholu, Dhemasi a nyi digide khu gu vbweta silo nya mafu, hongode Tesalonika, Kresiseti hongode Galatiya, Tito hongode Dhalimasiya.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

Jakobe 1:7

Muthu nya guralo, a nga alakanyi gukhuye a na hakha gilogyo ga Pfhumu.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.

1 Pedro 1:14

Khalani sanana nya guyingise, mu nga dzumeli guvbanya gwanu gu fumwa khu gunavela nya mavbanyelo yanu ya gale; na mu si gu pimini gilo.

1 Pedro 4:3

Gale enu mu luzide gikhati nya gingi khu gu girani esi va nya mayigo va si golago gu gira. Gikhati gyogyo, enu mu di gu vbanya wubhayini, ni gudogolela nya givili, ni wubewudzi, ni limidzo, ni guleva, ni gunyenyeza gwatshavbo nya gukhozele vanungungulu nya malipha.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.

1 Johane 4:4

Vanavangu, enu mwa gu lumba Nungungulu. Mu va pade vaprofeti nya malipha. Kholu, Liphuvbo mu gu nalo enu, li na ni tshivba guvbindra liphuvbo la vale va lumbago litigo leli.

1 Johane 5:19

Ethu hi ngu dziti gukhethu hi vathu va Nungungulu, ni gukhethu litigo latshavbo lomo vbavbatshi nya tshivba ya Sathane.

1 Johane 5:4

Kholu, watshavbo a velegidwego khu Nungungulu a ngu dzi kodza gupala litigo. Ethu, khu gukhodwa gwathu hi pade litigo.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 13:8

Vathu vatshavbo va mafuni va di khozela girengo, vale malina yawe ma nga mba lowa libhukuni nya womi li vegisidwego khu Nvutana yi payidwego gukhugela nya guvangwe litigo.

Gutuledwa 16:17

Ngilozi nya livbandre na wuvili yi di vbaladza gikombe gyaye ndrengelengeni. Gu di duga lito nya likhongolo khu vbagikhalotunu nya Wufumu ndrani nya Nyumba ya Nungungulu, khilo: “Satshavbo si tadzisegide.”

Gutuledwa 20:2

Iyo yi di mola mwamilambo, nyoga ya gale a gu uye Dhiyabulosi ni Sathane, a gu mu khothela likhumi mazana (1.000) myaga.