Vaefeso 1:3 - Bhibhiliya Nya Guage

³ A na rungudzwe Nungungulu, Babe wa Pfhumu yathu Jesu Kristo, A hi kategisago khu makategwa yatshavbo ya Ndzadzini khu ga Kristo.

Vaefeso 1:3 Iomraidhean Croise

Genesi 14:20

A na dhumiswe Nungungulu a khusegidego ngudzu, a gu ningidego tshivba nya gupale valala vago!” Abrama a di mu ninga gipandre nya likhumi nya silo satshavbo a nga si wuyisago nyaluphye.

Genesi 22:18

Mayigo yatshavbo ya mafuni, ma na kategiswa khu ga melego wago, kholu uwe u yingiside magana yangu.”

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

1 Dzikoronika 4:10

Jabhesi a di lombelela ga Nungungulu wa na Israyeli, khuye: “Oh! Naripwani U ngu nyi kategisa U engedzela mivbingano nya litigo langu, gyandza gyago na giri gumogo ni eni, U nyi vhikela ga silo nya guvivbe, gasi nyi si mani sigaradzo!” Nungungulu a di mu ninga iso a nga si lomba.

2 Dzikoronika 31:8

Gikhati Ezekhiya a ngatago gumogo ni manganagana yaye, na va wonide siwungela sile, va di bonga Pfhumu Nungungulu, gumogo ni vathu vaye va na Israyeli.

Nehemiya 9:5

Aholu va na Levhi Jesuwa, Kadimiyeli, Bhani, Hasabhineya, Serebhiya, Bhani, Hodhiya, Sebhaniya ni Petaya va di ganela, khavo: “Khugani hi rungudza Pfhumu Nungungulu wathu, khu gupindruga kala gupindruga. Avo va di ganela, khavo: Li na bongwe lina lago li zundzegago, li kategidego ni guvbindra gudhumiswa gwatshavbo.”

Dzindzimo 134:3

Pfhumu Nungungulu a na mi kategise nari khu Siyoni, Uye a nga gira ndzadzi ni mafu.

Dzindzimo 72:17

Lina la mufumeli li na simame kala gupindruga ndruma yaye yi na pwale, yi na simame vbavbatshi nya lidambo; khavbo gwaye va na kategiswe vathu vatshavbo, mayigo ma na mu rane oyu a kategidego.

Dzindzimo 72:19

Lina laye nya wudhumo, li na simame kala gupindruga, wudhumo waye wu na tadze litigo latshavbo! Amen! Amen!

Isaya 61:9

Livelego lawe li na tidwa vbakari nya mayigo, ni situgulwana, si na tidwa vbakari nya mambe mafumbo. Vatshavbo va na va wonago, va na vati kha nga melego wu kategisidwego khu Pfhumu Nungungulu.

Dhaniyeli 4:34

Aholu, khu hwane nya matshigu yoyo, eni Nabhukodhonosori, nyi di khusa maho nyi khedza ndzadzini, mapimo yangu ma di bwelo khavbo ma wuya, nyi bonga Uye a Khusegidego ngudzu, nyi rungudza ni gu dhumisa uye a vbanyago kala gupindruga, uye mufumo waye wu si vbeligo, wu thaphelago ga mimela ni mimelana.

Luka 2:28

Simiyoni a di mu dzega, a mu wugarela, a gu rungudza Nungungulu waye, khuye:

Johane 14:20

Litshigu lolo mu na dzitini nya gukhenu eni nyi womo ga Babe wangu, enu mu womo gwangu, gasi eni nyi womo gwanu.

Johane 17:21

gasi vatshavbo va khale moyo basi; kha nga uwe, Baba u gomo gwangu, eni gwago, avo navo va na khale gwathu, gasi litigo li khodwe gukhilo khuwe u nyi rumedego.

Johane 20:17

Jesu a di mu embela, khuye: “U nga nyi hungateli, kholu nyi si gu liti ga Babe wangu. Aholu, uwe indra embela vandriyangu khuwe nyi ngu hadza gu lita ga Babe wangu, a gu Babe wanu nenu; ga Nungungulu wangu, a gu Nungungulu wanu nenu.”

Varoma 12:5

Kharato nethu, hi vangi, aholu ha gu khala givili gimwegyo basi ga Kristo, gambe moyo ni moyo givbango gya kwawe.

Varoma 15:6

Gasi mwatshavbo gumogo, khu lito limwedo, mu rungudza Nungungulu Babe wa Pfhumu yathu Jesu Kristo.

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

1 Vakorinto 12:12

Kha nga givili gi gu gimwegyo basi aholu gi manega ni sivbango nya singi si wumbago givili gimwegyo basi, khidzo gambe kharato ni ga Kristo.

2 Vakorinto 1:3

A na rungudzwe Nungungulu Babe wa Pfhumu yathu Jesu Kristo, Babe nya wuhindzi, Nungungulu nya guthavelele gwatshavbo,

2 Vakorinto 11:31

Nungungulu, Babe wa Pfhumu yathu Jesu Kristo, a na rungudzwe gikhati gyatshavbo, mu ngu dziti khenu kha nyi liphi.

2 Vakorinto 5:17

Kholu muthu a gu tshanganiswa ni Kristo a gu khala muthu muphya. Esi sa gale si vbindride, satshavbo sa gu wusedzwa si gu girwa siphya.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vagalatiya 3:9

Khu kharato, vatshavbo va khodwago, va na kategiswa nga uye.

Vaefeso 1:10

gukhuye si girege gutadzisegani nya matshigu: Gutshanganisa silo satshavbo si guromo Ndzadzini ni esi si guromo mafuni, a emisa Kristo kha nga hungo ni muthangeli.

Vaefeso 1:17

Gasi Nungungulu wa Pfhumu yathu Jesu Kristo, Babe nya wudhumo, a mi ninge Liphuvbo nya guti, ni gu mi tulela ndzila nya gu muti gwadi Nungungulu.

Vaefeso 1:20

khu guwusa Kristo khu ga vafudego, a gu mu khadzisa nyamudye gwaye Ndzadzini.

Vaefeso 2:6

Nungungulu, na hi wuside gumogo naye, a hi ninga gambe wulanga nya guya fume naye Ndzadzini khu ga kristo Jesu.

Vaefeso 3:10

Gasi olu, vafumeli vatshavbo va mafuni ni vafumeli nya dzitshivba dza Ndzadzini, gu vbwetega va tiviswe gueta gwatshavbo nya guti gwa Nungungulu khu libandla la Kristo.

Vaefeso 6:12

Kholu khandri ha gu dwana ni vathu nya marambo ni nyama, aholu ha gu dwana ni dzitshivba nyamba wonega dzi fumago tigoni momu nya gidema, ha gu dwana ni dzitshivba nya maphuvbo nya guvivbe ya Ndzadzini.

Vafilipi 2:11

ni gu vathu vatshavbo va huwelela, khavo: “Jesu Kristo Pfhumu,” gasi gu dhumiswa Nungungulu Babe.

Vahebheru 8:5

Thumo wu girwago khu vaphasi vovo, wa gu pimedzela nga mwedzi nya thumo wa Ndzadzini. Khidzo Nungungulu a nga embelago Mosi gikhati a nga vbweta guvbaha Nyumba ya Nungungulu, khuye: “Wona gwadi, u gira satshavbo nga giwonelo nyi gu yeyedzidego gigomoni.”

Vahebheru 9:23

Silo sesi si nga bani siri gupimedzela nya silo nya lisine sa ndzadzini si yede gu agiswa khu maagiselo yoyo; aholu, silo nya lisine sa ndzadzini wurumba waye, sa gu lomba gu agiswa khu dzimhamba nya lisine guvbindra edzi dza gale.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.