Tito 3:2 - Bhibhiliya Nya Guage

² Va laye va si ganeli guvivba khu muthu, aholu, va khale khu gurula ni wuwadi, vari ni mavbanyelo nya yadi ga vathu vatshavbo.

Tito 3:2 Iomraidhean Croise

2 Samuweli 22:36

U nyi ningide gambe gitshangu gyago nya guvbanyise, giphaso gyago gi nyi khusedzide.

Dzindzimo 140:11

Vathu nya malipha va na fuve mafuni, muthu nya dzihanyi a na thegedwe khu libango kala li mu mbembisa.

Mavingu 19:19

Muthu nya gihafane fanede gulivba abune nandru waye, kholu wa gu mu phasa, a gu engedzela gu gira gigaha.

Mavingu 25:24

I tshukwana gu khala vbalangwetunu nya nyumba, guvbindra gu khala khu ndrangani gakone, ni nyamayi nya siregera.

Mavingu 6:19

fakazi nya gukanganyise yi phalalegisago malipha ni uye a wusago mayunga vbakari ga vandriyaye.

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Matewu 11:29

Rwalani pingwi wangu, mu hevbula kheni nyi gu ni monyo nya gurule nuwo nya gu dzi sodzise, gasi mu mane gutangala nya mihefemulo yanu.

Mithumo 23:5

Pawulo a di hakha, khuye: “Kha nya nga muti, vandriyangu, kheni khuye khongolo nya vaphasi nya mhamba, kholu gu lovidwe pwani: ‘U nga ganeli guvivba khu mufumeli nya litigo lanu.’ ”

1 Vakorinto 6:10

ni dzimbafa, ni va nya ligungo, ni dzibewudzi, ni va nya milembo, ni va nyambana milayo, gima kha va na bela Mufumoni wa Ndzadzini.

1 Vakorinto 9:19

Ambari nyi tshulegidego khu maphuvbo yatshavbo, nyi dzumede gu dzi gira khumbi ya vatshavbo nyifela gu mana nya vangi.

2 Vakorinto 10:1

Eni, Pawulo, nya gu bani nyiri vbakari gwanu, nya gu dzi vbevbugisa, nya gu bani nyiri hwindzo, nya gu dzi lemedza. Nyi ngu mi lomba khu Kristo, oyu a nga dzi vega vbavbatshi ni gu dzi sodzisa.

2 Vakorinto 12:20

Nyi na ni hwanga guta iyo gwanu, nyita mi mana na mu vbindrugedzide mavbanyelo yale nyi ma golago, enu nenu mu nyi wona na nyi vbindrugedzide mavbanyelo. Nyi na ni hwanga nya gukheni nyi nata mi mana na mu bede mayungani, lidiwo, mazondra, gunyenyana, gu dwana, gusingedzana, milembo, ni gumba pwanana.

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vagalatiya 6:1

Vandriyangu, mwa gu wonani gukhenu moyo wanu ghohide, enu mu vbanyago khu Liphuvbo la Nungungulu mu kawukeni khu gwadi, mu gu mu khongotela kala a wuya ndzilani nya lisine. Mu dzi wonela gasi mu si lingwi nenu.

Vagalatiya 6:10

Khu kharato, olu hi ngarigu ni gikhati, hongoleni hi girela esi nya sadi vathu vatshavbo, ngudzungudzu vandriyathu gukhodwani.

Vaefeso 4:2

Vbanyani gikhati gyatshavbo khu gu dzi sodzisa ni gurula, ni gutimisela. Mu yeyedzana, kharato, lihaladzo vbakari gwanu.

Vaefeso 4:31

Fuvisani vbakari gwanu dzitshikwi, likhulo, gigaha, ligwaha ni milembo, gumogo ni guvivba gwatshavbo.

Vafilipi 4:5

Wuwadi wanu wu na wonege ga vathu vatshavbo. Pfhumu a nata nyamba hwela.

1 Vatesalonika 2:7

Ambari nari guralo, kha nga vapostoli va Jesu Kristo, hi diri ni fanelo nya guhengule gilogyo. Aholu, hi di dzi rudzisa vbakari gwanu hi mi sayisa nga edzi mayi a sayisago khidzo sanana saye.

1 Thimoti 3:11

Vanyamayi navo, gu vbwetega vale va lulamidego, va gu mwalo milembo, va dzi pharago, va tumbegago ga silo satshavbo.

1 Thimoti 3:3

Oyu a si dzi ningedzeligo wadwani, ambari gudwanisa, aholu, a kodzago gu timisela, a si vegigo likhulo, a siri mugoli nya dzitsapawu.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

Jakobe 4:11

Vandriyangu, mu nga ganelelani guvivba khu gyanu. Oyu a ganelago guvivba khu ndriyaye mwendro gu mu lamula, a ngu ganela guvivba khu nayo, a wu lamula. Uwe wa gu lamula nayo, gu yeyedza gupwani khuri muthu u landrisago nayo, aholu u muthu u lamulago nayo.

1 Pedro 2:1

Khavbo avbo, digani satshavbo nya guvivbe, malipha, gusengedzela, lidiwo ni milembo yatshavbo.

1 Pedro 3:10

Kholu: “Oyu a vbwetago gu vbanya gwadi, ni gu wona matshigu nya gunengele, a nga ganeli silo nya guvivbe, gambe a na hegise gu lipha.

1 Pedro 3:8

Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.

1 Pedro 4:4

Olu, va nya mayigo va ngu liwuga khu gumba hengelani gambe navo guvbanyani gogo nya guhandruge, nya wuphuphulu; pimani kholu va mi valago.

2 Pedro 2:10

Ngudzungudzu avo va landrelago gunavela nya silo nya guvivbe, va nyenya mufumo wa ndzadzini. Vahevbudzi vovo nya malipha va gu dzi girisa ni gu dzi gugumugisa, aholu, kha va khali hwanga gu vala sivangwa nya gwage sa Ndzadzini.

Judha 1:10

Khu guralo, vathu vovo va gu poyila esi va si si pimigo. Silo va sitigo khu tumbunugo nya mavbanyelo nga sirengo nyambana mapimo khiso si va pfhungumulago.

Judha 1:8

Avo va gu na ni mavbanyelo yoyo, khandri va gu ghohela sivili sawe basi, va gu yeyisa ni Mufumo wa Nungungulu, va gu vala sivangwa nya guage sa Ndzadzini.