Tito 2:3 - Bhibhiliya Nya Guage

³ Embela nayo vasingalagadzi nya vanyamayi va vbanye nga vathu va agidego, va nga khali va nya milembo, ambari gu dzi gira dzikhumbi nya wadwa, aholu va na hevbudze esi si gu sadi,

Tito 2:3 Iomraidhean Croise

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

Varoma 16:2

Mu hakheni gwadi khu lina la Pfhumu, nga edzi gu vbwetegago khidzo vbakari nya vakhodwa, mu phasedzeleni ga satshavbo a na si vbwetago, kholu uye nuye phasedzede nya vangi, ambari eni neni a nyi phasedzede.

Vaefeso 5:3

Aholu Wubhayi ni mithumo yatshavbo nya gunyenyeze, ni gu gundrela ni gu khumbugwa si nga khumbugwi vbakari gwanu, kholu enu mu sihathwa sa Nungungulu.

1 Thimoti 3:11

Vanyamayi navo, gu vbwetega vale va lulamidego, va gu mwalo milembo, va dzi pharago, va tumbegago ga silo satshavbo.

1 Thimoti 3:8

Khu magirelo ya mamowo, Vadhiyakoni navo gu vbwetega vari vathu va zundzegago ni gu ganela lisine, va si dzi ningedzeligo wadwani, ni maalakanyo nya guvbwete wutetema,

1 Thimoti 5:23

U nga seli mati basi, sela gambe vbinyu vbadugwana, khu kotani nya ndrani gwago, ni madwali yago nyamba kala.

Tito 1:7

Kholu muthangeli nya Libandla, a rwadego thumo nya gusayise silo sa Nungungulu, gu vbwetega nari muthu nyambana gihoso, nyamba dzi gugumugisa, nyambana wukhusu, a si gu bewudzi, nyambana sighirimuka, a si gu pari nya wugwewo nya guvivbe.

Tito 2:4

gasi vanyamayi nya vaphya va kodze gu dzi vegisa, va haladza vama vawe ni sanana sawe;

Vahebheru 5:12

Khu gikhati gyatshavbo mu hevbudego, mu di hadza olu na muri vahevbudzi, aholu, mu nga gu vbweta gambe gu hevbudzwa dzindrima nya guphele nya Mahungu ya Nungungulu. Wulanga nya gu olu na mu gu hodza guhodza nya gutiyele, enu mu nga gu vbwetani sanu gu mama mahwe.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.