Tito 2:11 - Bhibhiliya Nya Guage

¹¹ Kholu, Nungungulu a hi tulede guti wuhigo waye, afela gu vbanyisa vathu vatshavbo.

Tito 2:11 Iomraidhean Croise

Dzindzimo 67:2

gasi vathu nya mayigo yatshavbo vati gugola gwaye, guvbanyisa gwaye gu wonwa khu mahundzu yatshavbo.

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Dzindzimo 96:10

Ganelani vbakari nya mayigo, khenu: “Pfhumu Nungungulu a ngu fuma.” A ngu tiyisa litigo, ilo kha li khuyugi, a ngu lamula mayigo khu gululama.

Isaya 45:22

Wuyani avbo gwangu, mu na ta vbanyiswa enu mwatshavbo mutago khu mahegiso nya litigo; kholu eni kheni Nungungulu, mwalo mumbe.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Zakariya 4:7

Uwe gigomo nya gulaphe, u ginani uwe mbeli ga Zorobhabheli? U na wonega kha nga lipani basi; kholu uye a na handzega giwindri nya guhegule na gu huwelela, khuye: Wuyani! Wuyani! Nungungulu a na kategise!

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Marko 16:15

Khavbo avbo, a di va embela, khuye: “Indrani tigoni gwatshavbo, mu gimbila mu hevbudza Mahungu nya Yadi nya maphya ga vathu vatshavbo.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Luka 3:6

Vathu vatshavbo va na wona guvbanyisa ga Nungungulu.”

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 1:9

Lito li diri wenengedzo nya lisine, wu ngatago mafuni gasi guta wenengedza muthu watshavbo.

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 13:43

Na vbede tshangano, Vajudha nya vangi, ni vathu nya githawo ni gu khozela Nungungulu va di landrela Pawulo ni Bharinabha. Avo va di va khongotela va simama gu khala na va tumbegile wuhigoni ga Nungungulu.

Mithumo 13:47

Kholu Pfhumu a hi rumide, khuye: Eni nyi gu vegide kha nga wenengedzo nya mayigo gasi u khale ndzila nya guvbanyiswe gwawe kala mahegiso nya litigo.

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

Varoma 5:15

Aholu, gighoho kha gi dzi kodzi gu ninganiswa ni wuhigo hi ningwago khu Nungungulu. Khu lisine, vathu vatshavbo va fude khu kota nya gughohe gwa muthu moyo basi; aholu wuhigo wa Nungungulu wukhongolo ngudzu guvbindrisa. Wuhigo wowu ha gu ningwa khu Nungungulu linani ga muthu moyo basi, a gu Jesu Kristo, wu vbalagela ga vathu vatshavbo khu gutala.

Varoma 5:2

Khavbo ga Kristo, ethu nethu hi manide gukatega khu kotani nya gukhodwe gwathu. Khuwo wuhigo wowu hi vbanyago khuwo na hi tiyide ni gu dzi zundza khuwo, na hi gu lirela khu gunengela ni gitumbo gu wona wudhumo wa Nungungulu.

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

Vagalatiya 2:21

Kha nyi vbweti gu nyenya wuhigo wa Nungungulu. Kholu ha gukhethu ha gu mana gulamudwa khu gu landrisa Nayo, gu yeyedza gu pwani gufa gwa Kristo kha gu phasi gilo.

Vaefeso 2:5

Ethu hi nga bani hi fude khu kotani nya sighoho sathu, a hi wuside khu ga Kristo. Enu mu vbanyisidwe khu wuhigo.

Vaefeso 2:8

Kholu mu vbanyisidwe khu wuhindzi khu kotani nya gukhodwe gwanu. Guvbanyiswa khandri mwa gu gu mana khu tshivba yanu, kholu giningwa gya Nungungulu.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

1 Thimoti 1:14

Gambe wuhigo wa Pfhumu yathu Jesu Kristo wu tade ngudzu, ni gukhodwa ni lihaladzo hi gu nalo ga Kristo Jesu.

1 Thimoti 2:4

Uye a gu vbweta gukhuye vathu vatshavbo va vbanye ni guti lisine,

2 Thimoti 1:10

Wuhindzi wowo wu wonegide khu guta ga Muvbanyisi wathu Kristo Jesu, a nga vbedza gufa a wonegisa gutumba nya guvbanye nya gupindruge khu Mahungu Yadi nya Ivhangeli.

2 Thimoti 4:17

Aholu, Pfhumu yi diri ni eni yi nyi ninga tshivba nya gutivise Mahungu maphya nya Yadi ma hakhwa khu va nya mayigo. Khu kharato, nyi vbulugide kanani nya nghala

Vahebheru 12:15

Dzi woneleni, gasi ni moyo wanu a si segedwi wuhigo wa Nungungulu. Dzi woneleni, gasi ni moyo wanu a si khali nga khamba nya guvave wu bayisa vathu nya vangi khu wuvasi waye.

Vahebheru 2:9

Aholu, hi ngu wona Jesu a nga vegwa gikhati gidugwanana vbavbatshi nya dzingilozi dza Nungungulu, olu a khusedzidwego a gu ningwa gungangamela ni gidhumo, khu gufa a gu manego. Nungungulu, khu wuhindzi waye, dzinide gu vbindrugedza gufa ga Jesu a gu gira guvbanya nya vathu.