Sofoniya 3:8 - Bhibhiliya Nya Guage

⁸ Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

Sofoniya 3:8 Iomraidhean Croise

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 123:2

Kha nga sithumi nya vama si virelago gu tshudwa khu mune wawe niso nya vanyamayi, si virelago gu tshudwa khu pfhumugadzi yawe, kharato nethu ha gu khedzisela uwe Pfhumu Nungungulu wathu, na hi gu lirela gukhethu u hi pwela wusiwana.

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Dzindzimo 37:34

Tumba Pfhumu Nungungulu, u landrisa ndzila yaye; uye a na gu khusedza a gu ninga gu fumela litigo, u na wona gumbemba gwa va nya guvivba.

Dzindzimo 37:7

Tumba Pfhumu Nungungulu u vega gwaye gitumbo gyago, u nga garadzegi khu vale va dugelelago guvbanyani gwawe, khu kotani nya muthu a thumisago wurena.

Dzindzimo 62:1

Hefemulo wangu wa gu mana gurula ga Nungungulu basi; guvbanyiswa gwangu gwa guta khiyo gwaye.

Dzindzimo 62:5

Hefemulo wangu wa gu khevisela Nungungulu basi, kholu gutumba gwangu gwa guta khavbo gwaye.

Dzindzimo 79:5

Pfhumu Nungungulu, likhulo lago li na simama kala lini? Ina likhulo lago li na simama li khondra kha nga nilo, gani?

Dzindzimo 79:6

Wugela mayigo ma si khodwigo gwago, ni mifumo yi si khozeligo lina lago.

Mavingu 20:22

Wa gu giredwa guvivba khu muthu u nga ganeli, khuwe: “Nyi na phodza!” Tumba Nungungulu, uye a na gu phasa.

Gizimba 8:6

Mwama—Nyi bethe nga gitambo monyoni gwago, u nyi betha gambe bogoni gwago, kholu lihaladzo li na ni tshivba kha nga lufu, ni gigaha ni wufu kha nga lithowo, gu vbisa ga ilo gu fanana ni guvbisa nya malavbelavbe nya nilo.

Isaya 14:26

Aya khu makungo ma hungidwego tigoni gwatshavbo; egi khu gyandza gi thawuludzidwego ga mayigo yatshavbo.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 34:2

Kholu Pfhumu Nungungulu a gorogede mayigo yatshavbo; ni likhulo laye lomo vbatshani nya mabutho yawe; uye a ma ningede ma songetedwa ni gu mbembisedwa muphelo.

Isaya 63:6

Khu kotani nya likhulo langu, nyi di gandredzela mayigo nyi va levisa, nyi vbaladza novba wawe mafuni.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Joyele 3:2

nyi na tombanisa mayigo yatshavbo nyi ma reledza kovani ga Josafani; iyoyo nyi na ya ma lamula khu kotani va dzegidego vathu vangu ni thomba yangu va na Israyeli, uye va mu phalalegisidego vbakari nya mayigo, va kabanisa litigo langu.

Mikeya 7:7

Gasi eni, nyi na tumba Pfhumu Nungungulu; nyi na namarela ga Nungungulu a gu muvbulugisi wangu; kholu Nungungulu wangu a na nyipwa.

Habhakuka 2:3

Kholu giwoniso gi na vbedza gikhati nya gukari, gya gu ganela khu matshigu nya guhegise, gima kha gi na lipha; ambari gya gu hwela, gi lindrele, kholu gi nata, kha gi na hwela.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Matewu 25:32

Mayigo yatshavbo ma nata tshangana mbeli gwaye; avbovbo, a nata kasa vathu, kha nga idzo muhavisi a kasago khidzo dzinvuta ni dziphongo.

2 Pedro 3:10

Aholu Litshigu la Pfhumu li na vboha kha nga mbafa vbakari nya wutshigu. Litshigu lolo, ndzadzi yi na mwalalega gu pwala ligwaha nya gusamadzise. Satshavbo si guromo ndzadzini si navbya, litigo ni satshavbo si guromo tigoni si na fuviswa.

Gutuledwa 16:1

Eni nyi dipwa lito nya likhongolo na li gu duga khu Nyumbani ga Nungungulu, li gu embela dzingilozi dza Nungungulu, khilo: “Indrani mu ya vbaladza tigoni sikombe satshavbo nya livbandre na sivili si tadego khu likhulo la Nungungulu.”

Gutuledwa 16:14

Aya khu maphuvbo nya mandriki ma girago siliwugiso, ma yago ga vafumeli vatshavbo va mafuni gasi gu va tshanganisa vata dwana nyimbi nya Litshigu Likhongolo la Nungungulu nya Tshivba Yatshavbo.