Sofoniya 3:3 - Bhibhiliya Nya Guage

³ Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Sofoniya 3:3 Iomraidhean Croise

Mavingu 28:15

Mufumeli nya guvivbedwe khu monyo a gu fuma litigo nya sisiwana, a gu fanana ni nghala yi bhongago ni gikankanka gya gupwa ndzala.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Isaya 5:29

Va gu bhonga, va gu fanana ni nghala, va na bhonga kha nga sanana nya nghala. Va na ngurura va gu mana pfimba va wu rwala va hongola, mwalo a na gu va wandrelago.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 23:11

Pfhumu Nungungulu a ngu ganela, khuye: “Simbari vaprofeti ni vaphasi nya mhamba; vatshavbo va gu thuma silo nyamba sadi, ni nyumbani gwangu va gu gu nyenyezisa.”

Jeremiya 34:19

vathangeli va Judha ni va Jerusalema, mithenwa ni vaphasi nya mhamba, ni vathu vatshavbo va tigoni va vbindridego khu vbakari nya gimombyana,

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Ezekiyeli 22:6

Wona gukhuwe vathangeli vatshavbo va Israyeli, moyo ni moyo nya avo, gukhedza khu tshivba yaye, gimwalo gimbe va nga bani va gira, vbavbandze nya guvbaladze novba basi.

Ezekiyeli 33:26

Enu mwa gu tumba matshari yanu, mu gira silo nya gunyenyeze, moyo ni moyo nya enu a gu nyenyezisa mwangadzi wa muakelane waye; ina mu na li manani litigo leli, gani?

Habhakuka 1:8

Dzikavalu dzawe dzi na ni mazambo guvbindra magamba, dzi gira gigaha guvbindra masolwa vbawutshigutunu, vakhileli nya dzikavalu dzawe va gu phalalega malangani yawe va vbuvba nga maghama ma tutumelago guhodza.