Sofoniya 1:7 - Bhibhiliya Nya Guage

⁷ Degulani mu khala khu githawo mbeli ga Pfhumu Nungungulu, kholu litshigu la Pfhumu Nungungulu lomo vbafuvbi ni gu vboha, Pfhumu Nungungulu dongisede miphaso, agiside avo a va ranidego.

Sofoniya 1:7 Iomraidhean Croise

Joba 24:1

Khu ginani Nungungulu nya Tshivba Yatshavbo a si dzi vegeli gikhati nya gulamule sighohi? Khu ginani vathu vaye va gumba ma wona matshigu yoyo?

Dzindzimo 46:10

Rulani, mu dzitini gukhenu: Eni nyi Nungungulu nyi guromo vbatshani nyi ngu khusedzwa vbakari nya mayigo, nyi ngu zundzwa khu litigo.

Isaya 13:3

Nyi ningide nayo sihathwa sangu, ina, nyi ranide dzindrena dzangu, edzi dzi dwanelago wugulu wangu, gasi va thuma thumo nya likhulo langu.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Isaya 29:2

Khu guralo, nyi na randrela lidhoropa la Ariyeli khu malanga yatshavbo, gu na manega umo gililo ni wuvi; ilo avbo gwangu li na khala nga gikho nya giluvelo.

Isaya 34:5

Kholu litshari la Pfhumu Nungungulu li ngu wonega ndzadzini na li tade khu novba; wonani, li na thegela vbatshani ga Edhomi gasi guta mu lamula, vathu nyi va konidego, gasi gu va mbembisa.

Isaya 34:6

Litshari la Pfhumu Nungungulu li tade khu novba, li fenengedzidwe khu mafura ni novba nya dzinvuta ni vanyamabhongwe, ni mafura nya dzitshwa nya dzihamba. Kholu Pfhumu Nungungulu a ngu gira miphaso tigoni ga Bhozira, ni gusongetela nya gukhongolo tigoni ga Edhomi.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Ezekiyeli 7:10

“Wonani litshigu li vbohide! Gu vbohide gumbemba gwago; olu lipitso li rumbugide, matshandza ma thede senge!

Ezekiyeli 7:7

Gu vbohide avbo gwanu enu vavbanyi va tigoni. Gi vbohide gikhati ni litshigu nya pfilupfilu, gutsaka guvbede musigomoni.

Joyele 1:15

Yowe! Litshigu lile! Kholu litshigu la Pfhumu Nungungulu lomo vbafuvbi.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Joyele 2:31

Lidambo li na vbindrugedza li khala gidema, ngima wu fuvila wu khala novba, li si gu vbohi litshigu nya likhongolo nya guthise la Pfhumu Nungungulu.

Amosi 6:10

A gu manega muthu, nya gute dzega girumbi gya nongo waye, gasi guya gi vbisa, gikhati a tago a ta bela nyumbani, a na embela uye a guromo dzikhonani nya nyumba, khuye: “Ina a nga guromo mumbe muthu omu, gani?” Uye a na khuye ahihi! Aholu uye a na khuye: Degula! Kholu hi mwalo fanelo nya gu dundruge khu lina la Pfhumu Nungungulu.

Amosi 8:3

Aholu dzindzimo dza Nyumbani ga Nungungulu, khu litshigu lolo, dzi na vbindrugedza dzi khala gililo, a ngu ganela Pfhumu Nungungulu; malangani gwatshavbo gu na tala khu sirumbi nya vathu, si na dzudzugwa vbavbandze na va degude.

Habhakuka 2:20

Khu guralo, Pfhumu Nungungulu, womo nyumbani gwaye nya gukatege; mbeli gwaye litigo latshavbo li na degule.

Sofoniya 1:14

Li ngu vboha litshigu nya likhongolo la Pfhumu Nungungulu, lomo vbafuvbi li nata khu guvbiredza. Upwani! Litshigu la Pfhumu Nungungulu li na bani liri la wuvi; ambari ni dzingwazi dzi na keta.

Zakariya 14:1

Wonani, li ngu vboha litshigu la Pfhumu Nungungulu, avbo phango wanu wu na guta kabaniswa vbakari gwanu.

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Malakiya 4:1

Kholu wonani nya gukhenu nya guvbise kha nga nilo nya magala; vatshavbo va nya matshandza, ni vatshavbo va girago guvivba va na gira kha nga mwasi nya gubange; litshigu lolo li na vbohago, li na va vbisa nyamba tshiya gilo gwawe, ambari khamba mwendro matamo, a ngu ganela Pfhumu Nungungulu nya Tshivba Yatshavbo.

Matewu 22:4

A di ruma nyaluphye simbe sithumi, a si embela, khuye: ‘Indrani muya va tivisa, khenu: Guhodza gu vidzidwe; nyi songetede dzimombe dzangu ni sifuyo nya gunone; satshavbo si dongisedwe. Deluni buzotunu.’

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

Varoma 9:20

Uwe muthu, khuwe mani, uwe nya gu ganedzisane ni Nungungulu? Ina khali nya libumba yi ngu dzi kodza gu wudzisa ga muwumbi waye, khiyo: “Khu ginani u nga nyi wumbago kharati?”

Vafilipi 4:5

Wuwadi wanu wu na wonege ga vathu vatshavbo. Pfhumu a nata nyamba hwela.

Vakolosi 1:12

Bongani Nungungulu Babe a dzinidego gukhuye mu mane nenu fanelo nya guya hengela guhodza thomba a yi vegisedego libandla laye mufumoni nya wenengedzo.

1 Samuweli 16:5

Samuweli a di va hakha, khuye: “Khwa gurula; nya guta phasela Pfhumu Nungungulu. Dzi agiseni nyi hongole nanu miphasotunu.” A di dzi agisa uye nuye, Jese gumogo ni sanana saye, a va ramba guta phasotunu.

1 Samuweli 20:26

Ga litshigu lile, Sawule kha nga ganela gilo, a di pimisa gukhuye: “A gu dzina saye Dhavhidhe a di manana ni gunyenyeza nya gukari, gu na bani guri igyo givangelo.”