Sofoniya 1:18 - Bhibhiliya Nya Guage

¹⁸ Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Sofoniya 1:18 Iomraidhean Croise

Genesi 6:7

Khavbo avbo, Pfhumu Nungungulu a di khuye: “Nyi na fuvisa vathu nyi va vangidego mafuni, nyi na va mbembisa tigoni, nyi vbedza vathu, sirengo ni sinyoni sa damboni ni sirengwanana satshavbo si khwirirago khu lididi, kholu nyi ngu dzi laya khu olu nyi si giridego.”

1 Dzipfhumu 14:22

Va na Judha va di gira ugo gu vivbidego mahoni ga Pfhumu Nungungulu; va di mu gorosa ngudzu guvbindra iso si nga girwago khu vavelegi wawe, khu gu ghoha va ghohidego.

Joba 21:30

Nya gupwani muthu nya gighohi a ngu vbuluga litshigu nya mhango, a tsetseledwa litshigu nya likhulo la Nungungulu, gani?

Joba 3:15

ni vathangeli nya sitetema va nga bani na vari ni ndralama nya yingi, ni gu tadza dzinyumba dzawe khu parata.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Dzindzimo 79:5

Pfhumu Nungungulu, likhulo lago li na simama kala lini? Ina likhulo lago li na simama li khondra kha nga nilo, gani?

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Mavingu 18:11

Lidhoropa nya likhokhola la muthu nya gufume khu thomba yaye, uye a gu alakanya khuye libhiyo li mu vhikelago.

Isaya 1:24

Khu guralo, a ngu ganela Pfhumu Nungungulu nya Tshivba Yatshavbo, nya Dzitshivbe wa Israyeli, khuye: Wonani! Nyi na guhula likhulo langu vbatshani ga vale va nyi vengago, nyi na phodza ga valala vangu.

Isaya 10:17

Kholu Wenengedzo wa Israyeli wu na vbindrugedza wu khala nilo, ni Uye a Agidego waye, a na khala kha nga lilavbelavbe, li na vbisago li dagaredzisa miba ni sirangalabwa sa Asiriya khu litshigu limwedo basi.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Jeremiya 7:34

Nyi na degudza madhoropani ya Judha ni dzindzilani dza Jerusalema, malito nya gutsake ni malito nya mihagano, malito ya mudzegi ni uye a dzegwago; kholu litigo li na bani liri giwula.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Ezekiyeli 16:38

Nyi na gu lamula kha nga idzo va lamudwago khidzo vanyamayi nya maphuphulu, ni vale va songago vathu; nyi na vbaladza novba wago khu likhulo langu li wusago wufu.

Ezekiyeli 23:25

Nyi na hidzimisa gwago likhulo nya wufu wangu, avo na va gorogide, va na dziti ginani nya gu gu gire. Va na gu pila thonvu ni dzindzeve dzago, ni vathu va na tshalago va na songetedwa khu matshari. Va na dzega sanana sago nya sikhwathana nesi nya sagadzyana, avo va na tshalago va na dagarela khu nilo.

Ezekiyeli 7:11

Dzihanyi dzi vbindrugedzide dzi khala lipitso nya gutsayise khilo silo nya guvivbe; mwalo ni moyo nya vathu a na digwago, ambari ni moyo nya gidzemo gile, ambari thomba yaye, mwalo muthu a na gu yi khathalelago.

Ezekiyeli 7:19

Va na swaya parata yawe dzindzilani, ni ndralama yawe yi na girwa kha nga gilo nya gunyenyeze. Parata ni ndralama yawe, kha si na nga kodza gu va vbulugisa litshigu nya likhulo la Pfhumu Nungungulu, gambe, kha si na nga kodza gu vbedza ndzala yawe ni gu tadza sisusu sawe; si na va gira basi gu va tshunganiswa va bela muguvivbani.

Ezekiyeli 7:5

Mune Pfhumu Nungungulu a di ganela kharati, khuye: “Wona nya gukhuwe libango li nguta nya likhongolo.

Sofoniya 1:11

Wombani dzihuwa enu vavbanyi va Makitesi, kholu vathu vatshavbo Vakhanani va mbembisidwe ni vamahungane vawe vatshavbo, va vbede vatshavbo va nya wugwewo nya dzitsapawu.

Sofoniya 1:15

Litshigu lolo, li na bani liri litshigu nya likhulo, litshigu nya wuvi ni sigaradzo; litshigu nya gupfhungumule ni gutshaniseka, litshigu nya gidema ni guphuma, litshigu nya mapfhi ni mazuvi.

Sofoniya 2:2

Mu si gu phalalegiswi kha nga mungu wu mwalalegago khu litshigu limwedo, mu si gu thegedwi khu likhulo nya guthise la Pfhumu Nungungulu; ina, mu si gu vbohedwi khu litshigu nya likhulo la Pfhumu Nungungulu.

Sofoniya 3:8

Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

Matewu 16:26

Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?

1 Vakorinto 10:22

Mwendro ha gu vbweta gukhethu Pfhumu a goroga? Mwa gu alakanya gukhenu hi na ni tshivba guvbindra uye, gani?

Dhewuteronome 31:17

Khu litshigu lolo, likhulo langu li na khondra vbakari gwawe, nyi va diga ni gu va sihela khovbe yangu, nyi va diga va mbembiswa khu dzimhango nya gutale; ni dzitshanisa dzi nata vbatshani gwawe; aholu avo va na ganela, khavo: Ina libango leli khandri la gu hi thegela kholu Pfhumu Nungungulu wathu, a gu mwalo vbakari gwathu, gani?