Sofoniya 1:12 - Bhibhiliya Nya Guage

¹² Khu gikhati gyogyo, nyi na setsha gwadi Jerusalema nyi mu wenga khu myenge gasi gu tsayisa vale va gu ghaghaa vbamagimbatunu gwawe, va khalago na va levide khu vbinyu, va ganela khu myonyoni gwawe, khavo: Pfhumu Nungungulu kha kodzi gu gira gilo nya gyadi ambari nya guvivbe.

Sofoniya 1:12 Iomraidhean Croise

Joba 21:15

Khu mani Pfhumu nya Tshivba Yatshavbo nya gukala hi mu khozela? Giphaso muni hi na gi manago ha gu lombelela ga Nungungulu?

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 14:1

Muthu nya giphuguphugu a gu ganela monyoni gwaye, khuye: “Nungungulu mwalo!” Mithumo yaye yi nyenyezide, mwalo na moyo a girago nya sadi.

Dzindzimo 94:7

Vari, khavo: “Pfhumu Nungungulu kha si woni; Nungungulu wa Jakobe kha theli kota khiso.”

Isaya 5:19

Avo vari, khavo: “Nungungulu a na vbiredzele gu vbedza thumo waye, gasi hi kodza gu si wona. Makungo ya Nyaguage wa Israyeli, ma na tadzisege, gasi hi ma wona.”

Jeremiya 10:5

Sifananiso sawe sa gu fanana ni githombe gi vbayegwago thembweni ga mulimi gi thusa sinyoni, aholu gi si ganeligo; si lindrela muthu nya gu si khuse, kholu kha si kodzi gu gimbila; mu nga thusedzedwi khiso, kholu kha si na mi tshongisa; ambari gu mana tshivba nya gu mi gireleni iso nya sadi.

Jeremiya 48:11

Mowabhi gukhugela wudzahani gwaye a di vbanya gurulani, khade nga wadwa nya dziuvha wu vegwago ni gisese gyaye nyamba hutwa, gima wa sa thedwa ga gimbe gyombo, ambari gu yiswa wugumbini; khu guralo, gutshamba gwaye gu di simama, ni gunungela gwaye kha gwa vbindrugedza.

Ezekiyeli 8:12

Pfhumu Nungungulu a di nyi embela, khuye: “Mwamana wa muthu, u si wone iso madhota ya Israyeli ma girago mugidemani, moyo ni moyo na guromo nyumbani gwaye nya gulovetedwe khu sifananiso, gani? Na va gu ganela, khavo: Pfhumu Nungungulu kha hi woni; Uye dugide tigoni momu.”

Ezekiyeli 9:4

A di mu embela, khuye: “Gimbila-gimbila dhoropani ga Jerusalema, u vega gifungo giwomboni ga vale va lilago ni gudilela khu kotani nya guvivbe gwatshavbo gu girwago umomo.”

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Amosi 6:1

Libango ga avo va vbanyago Siyoni na va khadzisegide, va dzipwago na va tiyide gigomoni gya Samariya, vathu nya guthavisege vbakari nya mayigo nya guhegule, mayigo ma tumbwago khu va na Israyeli!

Obhadhiya 1:6

Dzi phangidwe kharini dzithomba dza Esawu! Va tugude kharini malanga a sihago umo silo saye!

Malakiya 2:17

Enu mu reride Pfhumu Nungungulu khu magana yanu; gambe mu nga gu ganela, khenu: “Hi mu reride khu ginani?” Kholu mu ganelago, khenu: Muthu watshavbo a ghohago a ngu golega mahoni ga Pfhumu Nungungulu, ni gukhenu, a ngu nengedziswa khu vathu vovo; mwendro avbo mu wudzisago, khenu: “Womo hayi Nungungulu nya gulamule?”

2 Pedro 3:4

khavo: “Uye tumbiside gukhuye a na wuya, khandridzo, womo hayi olu? Vababe vathu va fude, satshavbo si ngari idzosaye gukhugela guvangwa nya mafu.”

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.