Rute 1:5 - Bhibhiliya Nya Guage

⁵ Maloni ni Khiliyoni va difa navo khu wuvili wawe, nyamayi yoyu a di tshala enga khu gu fedwa khu mwama waye ni sanana saye sa sivili.

Rute 1:5 Iomraidhean Croise

Isaya 49:21

Uwe u na ganela khu monyoni gwago, khuwe: “Khu mani a nyi velegedego sanana sesi? Kholu nyi fedwe khu sanana, kha nya nga tshuka nyi mana simbe; bwelo khavbo nyi diri mulegalegi wugumbini, khu mani a nyi sayisedego sanana sesi? Nyi di tshade na nyiri nyenga, gasi ava va diri hayi?”

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Luka 7:12

Na va gu vboha dhoropani, va di kotsana ni muthu a nga bani a guya dzingwa, a diri gyanana gya gimwegyo gya mayime moyo nya noni. Va diromo vathu nya vangi va dhoropani mule va nga bani va gu hongola navo, na va gu bangaladza malile wule.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

Rute 1:2

Mwama yoyu a di gu ranwa gupwani khu Elimeleki, lina la mwangadzi waye khu Nowemi, malina ya sanana saye khu Maloni ni Khiliyoni. Va diri sivelegwa sa Ewufrate, wa Bhetlehema, tigoni ga Judha. Va vbohide tigoni ga Mowabhi, va ya vbaha iyoyo.

Rute 1:4

Iso si di dzega vagadzi nya lifumbu la Mowabhi, moyo a ranwago gupwani Orifa, mumbe pwani khu Rute. Va khade tigoni mule gipimo nya likhumi myaga.

Rute 1:6

Khavbo avbo, a di khuga gumogo ni vagadzamwane vaye va vavili khu tigoni ga Mowabhi, kholu va di pwide nya gupwani Pfhumu Nungungulu kategiside vathu vaye, khu gu va ninga guhodza nya gungi.