Nehemiya 9:8 - Bhibhiliya Nya Guage

⁸ U mu wone nari ni monyo wu tumbegidego, U gira naye gidzumeledzwano, U mu tumbisa gu mu ninga livelego nya gutale tigoni ga Vakhanani, ga Vaperezi, ga Vajebhuzi ni ga Vagirigasi, U tiyiside magana yago, kholu uwe u lulamide.

Nehemiya 9:8 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 15:6

Abrama a di khodwa ga Pfhumu Nungungulu, khu kota nya gukodwe gwaye, Nungungulu a di mu wona nari muthu a lulamidego.

Genesi 22:12

Yi di engedza gambe yi mu embela, khiyo: “U nga khusi libogo lago u songa gyanana, u nga gi bayisi. Olu nyi ngu wona gukheni u na ni githawo ga Nungungulu, kholu khwa nyi bombela mwanago, gyanana gyago gya gimwegyo basi.”

2 Samuweli 22:31

Ndzila ya Nungungulu yi lulamide, magana ya Pfhumu Nungungulu ma tumbegide, khuye gitshangu ga vatshavbo va thavelago gwaye.

1 Dzikoronika 1:14

ni Vajebhusi, Vaamori ni Vagirigasi,

1 Dzikoronika 16:16

ni gidzumeledzwano a giridego ni Abrahama ni gisambanyo a giridego ni Isaki;

Ezira 9:15

Ah! Pfhumu Nungungulu wa na Israyeli, uwe U lulamide kholu hi vbulugide kha nga olu hi si wonago; wona nya gukhuwe hi womo mbeli gwago musighohoni gwathu; kholu mwalo ni moyo a yelago gu khala vbafuvbi gwago khu kotani nya esi.”

Nehemiya 9:33

Ga satshavbo si hi dugelelago, Uwe U thumide khu gululama, ethu hi gira guvivba.

Dzindzimo 116:5

Pfhumu Nungungulu a na ni gisiro ni gululama; Nungungulu wathu a na ni wuhindzi.

Ekisodha 3:17

Khu guralo, Eni nyi ganede, kheni: Nyi na mi dusani khu wugumbini wa tigoni ga Egipito, nyi mi yisani tigoni ga Vakhanani, ga Vahiti, ga Vaamori, ga Vaferezi, ga Vahevhi ni Vajebhuzi, tigoni gu gogago mahwe ni wulombe.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Ezekiyeli 33:24

Mwamana wa muthu, vathu va vbanyago marumbini mule ga na Israyeli, va gu ganela, khavo: Abrahama a diri moyo basi; aholu, manide litigo leli; gasi ethu hi gu vangi, khu lisine hi na hakha litigo kha nga thomba.

Mitengo 13:29

Amaleki a vbahide tigoni gwa Negebhi, Vahiti, Vajebhusi, Vaamori va vbahide gigomoni; Vakhanani va vbahide vbafuvbi ni yiphwa khu dzibambe nya tsongo wa Joridhani.”

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Mithumo 13:22

Nungungulu, na duside Sawule vbagikhalotunu nya wufumu, a di va tulela gu hatha Dhavhidhe kha nga mufumeli wawe. Khuye a nga mu thulago, khuye: ‘Nyi mane Dhavhidhe, mwamana wa Jese, mwamana a tsakisago monyo wangu, a nga londrowodzago guhaladza gwangu gwatshavbo.’

Dhewuteronome 26:3

U nata ga muphasi nya mhamba a na gu bani nari thumoni khu matshigu yoyo, u ya mu embela, khuwe: “Muhuno, nyi ngu ganela ga Pfhumu Nungungulu wathu, kheni nyi bede ga litigo eli Pfhumu Nungungulu, khu gusambanya, a tumbisidego gu li ninga vababe vathu.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

Dhewuteronome 7:1

Gikhati Pfhumu Nungungulu wago a na gu vbohisago ga litigo uyago umo gasi guya li fumela, avbo a na gu bani a tutumiside mbeli gwago, a va yisa hwindzo, vathu nya mafumbu nya gutale: Vahiti, Vagerazi, Vaamori, Vakhanani, Vaferezi, Vahevhi ni Vajebhuzi, livbandre na mavili mayigo ma gu na ni vathu nya vangi ni tshivba guvbindra uwe;

Dhewuteronome 9:5

Khandri khu kotani nya gululame gwago, gambe khandri khu kotani nya wuwadi nya monyo wago u na belago u fumela litigo lawe, aholu khu kotani nya wuvivbi wa mayigo yaya Pfhumu Nungungulu wago, a ma tutumisago mbeli gwago; gasi gu tiyisa magana Pfhumu Nungungulu wago, a sambanyidego ga vababe vago, Abrahama, Isaki ni Jakobe.

Tito 1:2

li gu seketedwa khu gutumba nya guvbanye nya gupindruge. Nungungulu a si liphigo, a hi tiviside ogu guvbanya khu gale ni gale.

Vahebheru 11:17

Khu gukhodwa, Abrahama, gikhati a nga lingwa, a di vbweta gu songa gyanana gyaye Isaki kha nga mhamba. Nungungulu a di tumbiside gu mu ninga sanana nya singi, ambari ulo, a di dongide gu songa gyanana gyaye gya gimwegyo a gira khigyo phaso nya mhamba.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

Josuwa 11:23

Khu guralo, Josuwa a di khozisa tigoni gwatshavbo, kha nga idzo Pfhumu Nungungulu a nga leletelago khidzo Mosi; khu guralo, Josuwa a di li ningela li khala thomba ya na Israyeli, va kabaniswa mayelano khu lihundzu lawe. Khavbo avbo, tigoni gu di manega gurula.

Josuwa 11:3

ga Vakhanani va Khugadambo ni Pfoladambo, ga Vaamori, ga Vahiti, ga Vaperezi, ga Vajebhusi va musigomoni ni ga Vahevhi vbafuvbi ga Herimoni, tigoni ga Misipa.

Josuwa 23:14

Olu, wonani nya gukhenu, muhuno mu ngu landra ndzila ya vatshavbo va tigoni momu; gasi enu mu ngu dziti khu monyo wanu watshavbo ni hefemulo wanu watshavbo gukhenu gi mwalo ni gimwegyo gitumbiso gi thegidego ga magana yatshavbo nya yadi aya Pfhumu Nungungulu wanu a ganedego khu kotani gwanu ma ngamba girega; aholu yatshavbo ma tadzisegide, gu mwalo ni limwedo basi li tandregidego.

Josuwa 9:1

Avbo vafumeli vatshavbo va khisikheyi nya tsongo wa Joridhani, va musigomoni, va mapanini ni funguni gwatshavbo nya yiphwa nya Yikhongolo, yi khedzanego ni Libhanoni, Vahiti, Vaamori, Vakhanani, Vaperezi, Vahevhi ni Vagebhuzi,

1 Johane 1:9

Aholu, ha gu dawulela sighoho sathu ga Nungungulu, uye a lulamidego ni gu tumbega a na hi tsetselela sighoho sathu, a hi agisa guvivbani gwatshavbo.