Nehemiya 9:2 - Bhibhiliya Nya Guage

² Va na Israyeli va di dzi hambanisa ni mambe mayigo, va ema va dzi laya khu kotani nya sighoho sawe ni sa vababe vawe.

Nehemiya 9:2 Iomraidhean Croise

1 Dzipfhumu 8:47

khu tigoni va na gu yiswago iyo guya khala dzikhumbi, va guya dzi laya, va vbindrugedza va lombelela, khavo: Hi ghohide, hi giride silo nya guvivbe, hi sighohi;

Ezira 10:11

Khu guralo, olu, dzi layeni mu dawulela ga Pfhumu Nungungulu wa vababe vanu, mu gira gugola gwaye mu dzi hambanisani ni vathu va mambe mayigo, ni ga vanyamayi va mambe mayigo mu dzeganidego navo.”

Ezira 6:21

Va di hodza kharati Phasika va na Israyeli va nga wuyago khu wugumbitunu gumogo ni vatshavbo va nga dzi hambanisago ni manyala ya vathu va tigoni mule, va dzi tshanganisa gumogo navo, gasi va vbweta Nungungulu wa na Israyeli.

Ezira 9:1

Na si gu vbede silo sesi, gu dita avbo gwangu manganagana ma ta khayo: “Vathu va na Israyeli, vaphasi nya mhamba ni va na Levhi, kha va dzi hambanisa ni vambe vathu va mambe mayigo; va gu simama gu gira guvivba ga mayigo yoyo ya Vakhanani, ya Vahiti, ya Vaferezi, ya Vajebhuzi, ya Vaamoni, ya va na Mowabhi, ya Vagipiti ni ya Vaamori.

Ezira 9:15

Ah! Pfhumu Nungungulu wa na Israyeli, uwe U lulamide kholu hi vbulugide kha nga olu hi si wonago; wona nya gukhuwe hi womo mbeli gwago musighohoni gwathu; kholu mwalo ni moyo a yelago gu khala vbafuvbi gwago khu kotani nya esi.”

Ezira 9:2

Kholu va di dzegana ni sanana sawe, avo navo va dzegisa sanana sawe nya sagadzyana si dzegwa khu madzaha yawe, khu kharato gu di dzegwa lifumbu nya vathu va agidego, li patana ni lifumbu nya vathu nya mayigo yoyo, ambari ni manganagana ni madhota nya valuveli, khavo va phedego khavo gu gira gighoho gyogyo.”

Nehemiya 1:6

Demba ndzeve yago, u tula maho yago, u yingisa nombelo wa eni githumi gyago nyi lombago avbo gwago wutshigu ni mihani nyi lombelela sithumi sago va na Israyeli; ni gu dzi laya khu sighoho sa va na Israyeli, hi gu ghohedego; eni neni ni ndranga ya vababe vangu, hi gu ghohede.

Nehemiya 10:28

Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

Nehemiya 10:29

Va di dzi tshanganisa ni vandriyawe, ni vathangeli vawe, va hengela navo gu sambanya gumogo ni gu gira gifungo nya gulandrise nayo wa Nungungulu a va ningidego khavbo ga Mosi, githumi gya Nungungulu, gukhavo va na vegedza ni gu landrisa milayo yatshavbo ya Pfhumu Nungungulu wathu, gulamula gwaye ni sileletelo saye,

Nehemiya 13:3

Vathu na va pwide Nayo yoyu, va nya mayigo vatshavbo va di hambaniswa ni va na Israyeli.

Nehemiya 13:30

Khu ndzila yeyi, nyi agiside vathu vatshavbo, nyi va digisa sihena satshavbo sa va nya mayigo, nyi wusedza thumo nya wuphasi ni wa na Levhi, muthu ni muthu thumoni gwaye;

Dzindzimo 144:11

Nyi vbulugise tshivbani ya va nya mayigo, avo va gambago malipha khu kanani gwawe, gyandza gyawe gya nyamudye, gya gu sambanya malipha.

Dzindzimo 144:7

Khu vbatshani yoyo u guromo, thawuludza libogo lago, u nyi vbanyisa ni gu nyi dusa nondrwani nya mati; u nyi vbulugisa tshivbani ya va nya mayigo.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Isaya 2:6

Kholu uwe Pfhumu Nungungulu, u digide vathu vago va nyumbani ga Jakobe, kholu va dzegelede mavbanyelo nya tumbunugo wa mambe mayigo ya Khugadambo, va gu thumisa wunyanga kha nga Vafilisitiya, va thangana wupari ni va nya mayigo.

Jeremiya 14:20

Oh! Pfhumu Nungungulu! Sighoho sathu hi ngu siti, ni sighoho sa vababe vathu; kholu hi gu ghohede.

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Dhaniyeli 9:20

Na nyi nga guganela ni gu lombelela, nyi dawulela sighoho sangu ni sighoho sa vathu vangu va na Israyeli, nyi resa gilombo gyangu ga Pfhumu Nungungulu wangu, khu kotani nya gigomo gyaye nya gukatege,

Hoseya 5:7

Kha va tumbega ga Pfhumu Nungungulu; kholu va velegide sanana nya wubhayi. Olu Mibuzo yawe nya Gumege nya Ngima, yi na va mbembisa gumogo ni dzithomba dzawe.