Nehemiya 9:1 - Bhibhiliya Nya Guage

¹ Khu litshigu nya magumavili na mana nya ngima yoyo, va na Israyeli va di tshangana va hala na va ambade dzisaku na va phorode hungoni khu kudzudzwane.

Nehemiya 9:1 Iomraidhean Croise

2 Samuweli 1:2

khu litshigu nya wuraru, gu di vboha muthu na guta khu wughoveloni ga Sawule, dzingandzu dzaye na dzi pferugede, na phorode hungoni khu mafu. Na vbohide vbafuvbi ga Dhavhidhe, a dita thega vbavbatshi a noga a yeyedza githawo.

2 Dzikoronika 20:3

Josafati a di khala hwanga, aya lombelela ga Pfhumu Nungungulu, a laya va na Judha vatshavbo gukhuye va hala, nyamba hodza gilo.

2 Dzikoronika 7:10

Khu litshigu nya magumavili na mararu, khu ngima nya livbandre na wuvili, Solomoni a di phalalegisa vathu, muthu ni muthu a hongola gaya gwaye na va tsakide myonyoni gwawe, kholu Pfhumu Nungungulu, a di kategiside Dhavhidhe, Solomoni ni vathu vaye va na Israyeli.

Ezira 8:21

Na hiri vbafuvbi ni tsongo wa Ahavha, nyi di emisa litshigu nya guhale gasi gu dzi sola mbeli ga Nungungulu wathu, gasi hi mu lomba gu a hi yeyedze ndzila nya yadi, ethu ni sanana sathu, gumogo ni silo sathu satshavbo.

Ezira 8:23

Khu guralo, hi di hala, hi lomba guphaswa khu Nungungulu wathu, uye a di yingisa milombelo yathu.

Nehemiya 8:2

Muphasi nya mhamba Ezira, a dita ni Libhuku nya Nayo mbeli ga gidzemo gi nga bani na gi hengeledzanide nya vama ni vanyamayi, ni vatshavbo avo va nga bani na vari ni tanga nya guyingise iso si hevbudwago. A diri litshigu nya guhegule nya ngima nya livbandre na wuvili.

Esiteri 4:16

Indra tshanganisa Vajudha vatshavbo va vbanyago dhoropani ga Suza, mu hala khu eni mu vbedza matshigu mararu mu si hodzi ni gu sela gilo wutshigu ni mihani, eni neni gumogo ni sithumi sangu hi na hala. Khu hwane, nyi na ya wonana ni mufumeli, ambari wu si gu nayo; nya gufa, nyi fude.

Esiteri 4:3

Ga sipandrengulu satshavbo umo wu vbohidego nayo wa mufumeli gumogo ni sileletelo, gu diri ni gililo nya gikhongolo vbakari ga Vajudha, va hala va si hodzi gilo va tsikwila; nya vangi va di lala vbadzisakutunu va tola nguma.

Joba 2:12

Va di khusa maho na va nga guta khu hwindzo, kha va nga muti; va di phela gulila khu lito nya gukhugege, muthu ni muthu a di pferula dzingandzu dzaye a dzudzuga, va phorola nguma mihungoni gwawe.

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Joyele 2:12

Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Levhi 23:34

“Ganela kharati ga sanana sa Israyeli, khuwe: Khu litshigu nya likhumi na livbandre nya ngima yoyu nya livbandre na mivili, mu na alakanya buzo nya Mitshatsha, mu rungudza Pfhumu Nungungulu, livbandre na mavili matshigu.

Levhi 23:39

Aholu khu litshigu nya likhumi na livbandre nya ngima nya livbandre na mivili, hwane nya gu na mu vbedzide gu vbwera dzimbewu dza thembweni, mu na girani buzo wa Pfhumu Nungungulu wu na dzegago livbandre na mavili matshigu; litshigu nya guphele buzo wowo, a na bani ari Sabhadho nya guhefemule, gu na gira gambe kharato litshigu nya livbandre na mararu.

Josuwa 7:6

Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

Valamuli 20:26

Khavbo avbo, vatshavbo va na Israyeli, ni vathu vatshavbo, va di gwela dhoropani ga Bheteli vaya lila, va di khala vbale mbeli ga Pfhumu Nungungulu, va hala litshigu latshavbo kalani silambo, va ningela miphaso nya guvbiswe ni miningelo nya gurule mbeli ga Pfhumu Nungungulu.

1 Samuweli 4:12

Ga litshigu lolo la limwedo, mwama moyo nya lihundzu la na Bhejami, a di vbuluga nyimbitunu, a thava, a hongola tigoni ga Silo, guambala gwaye na gu pferugede, hungoni na gu kunede khu kudzudzwane.

1 Samuweli 7:6

Va di tombana dhoropani ga Misipa, va rega mati va ma vbaladza mbeli ga Pfhumu Nungungulu; va hala litshigu latshavbo lolo, va ganela, khavo: “Hi ghohede Pfhumu Nungungulu.” Samuweli a di lamula va na Israyeli dhoropani ga Misipa.