Nehemiya 8:8 - Bhibhiliya Nya Guage

⁸ Va di hevbula umo nya Libhuku nya Nayo wa Nungungulu va pwadzisa gwadi, bwelo khavbo va ninga tshamuselo nya iso si hevbudwego gasi va si pima gwadi.

Nehemiya 8:8 Iomraidhean Croise

2 Dzipfhumu 23:2

Mufumeli a di gwela Nyumbani ga Pfhumu Nungungulu, uye ni vathu vatshavbo va Judha, gumogo ni vavbanyi vatshavbo va Jerusalema, vaphasi nya mhamba, vaprofeti ni vathu vatshavbo, gukhugela avo nya vadugwane kala nya vakhongolo; gu hevbudwa na vapwa dzindzeveni gwawe magana yatshavbo nya Libhuku nya Gidzumeledzwano li nga tugudwago Nyumbani ga Pfhumu Nungungulu.

Ezira 4:18

Lidangalila mu hi rumedego li hevbudwe ni gu tshamusedwa gwadi mbeli gwangu.

Nehemiya 8:12

Vathu vatshavbo va di hongola magaya gwawe, vaya hodza ni gusela va nengela ngudzu va rumela iso va nga si tshiyago ga vambe, kholu va di manide tshamuselo nya magana va nga embedwego.

Nehemiya 8:7

Muthu ni muthu a di ema wulanga waye, na va gu tshamusedwa nayo khu Jesuwa, Bhani, Serebhiya, Jabini, Akube, Sabhetayi, Hodhasi, Mahaseya, Kelita, Azariya, Jozabhadhi, Hanani, Pelaya gumogo ni va na Levhi.

Nehemiya 8:9

Avbo va nga yingisa magana yaya nya milayo, vathu vatshavbo va di lila. Aholu Nehemiya, a nga bani nari mwamangulu, Ezira nari muphasi nya mhamba bwelo khavbo nari mulovi, gumogo ni va na Levhi va nga bani na va gu hevbudza vathu, va di embela gidzemo, khavo: “Litshigu leli li agisedwe Pfhumu Nungungulu wanu, mu nga tshaniseki ambari gulila.”

Nehemiya 9:3

Na va emide malangani gwawe, va hevbuledwa Libhuku nya Nayo wa Pfhumu Nungungulu wawe, gipandre nya wu na khu litshigu; gimbe gipandre nya wu na, va di dawulela sighoho sawe ni gu khozela Pfhumu Nungungulu wawe.

Ezekiyeli 46:10

Mufumeli a na khale khu vbakari gwawe, a bela gikhati va belago; a duga gikhati va dugago.”

Habhakuka 2:2

Khavbo avbo, Pfhumu Nungungulu a di nyi phindrula, khuye: Lova giwoniso gegi vbasiwindritunu khu malovelo nya guwonege gwadi, gasi gi kodza gu hevbudwa khu vatshavbo ambari ni wule a vbindrago khu gututuma a kodze nuye gu gi hevbula.

Luka 24:27

Khavbo avbo, a di va tshamusela milowo yatshavbo yi nga bani yi ganela khu uye, guphela khu Mosi kala gu vbedza vaprofeti vatshavbo.

Luka 24:32

Va di phela gu embeledzelana, khavo: “Ina kha ha nga bani hi pwa myonyo yathu na yi dzura gikhati a nga bani a gu ganela ni ethu ndzilani, a hi tshamusela Milowo, gani?”

Luka 24:45

Khu vbale, a di va tula mapimo, gasi va pime Milowo,

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.