Nehemiya 8:18 - Bhibhiliya Nya Guage

¹⁸ Khu litshigu ni litshigu, Ezira, a di hevbula Libhuku nya Nayo wa Nungungulu, gukhugela litshigu nya guphele, kala litshigu nya guhegise, va gira buzo yoyo kala livbandre na mavili matshigu; khu litshigu nya livbandre na mararu, va di tshangana va dhumisa Pfhumu Nungungulu, kha nga idzo gu nga lowago khidzo.

Nehemiya 8:18 Iomraidhean Croise

Nehemiya 8:2

Muphasi nya mhamba Ezira, a dita ni Libhuku nya Nayo mbeli ga gidzemo gi nga bani na gi hengeledzanide nya vama ni vanyamayi, ni vatshavbo avo va nga bani na vari ni tanga nya guyingise iso si hevbudwago. A diri litshigu nya guhegule nya ngima nya livbandre na wuvili.

Nehemiya 8:3

A di ema a li hevbula tendrelani wu nga bani wu romo vbafuvbi ni Mwanya nya Mati, gukhugela dzimindrudzile kala vbakari nya mihani, a di hevbulela vama ni vanyamayi ni vatshavbo avo va nga bani na vari ni tanga nya guyingise, vathu vatshavbo va di yingisa khu githawo Libhuku nya Nayo.

Levhi 23:36

Litshigu ni litshigu nya ayoyo nya livbandre na mavili, mu na ningelani phaso nya guvbiswe ga Pfhumu Nungungulu: Khu litshigu nya livbandre na mararu, mu na gira tshangano nya guage, mu gira ningelo nya guvbiswe ga Pfhumu Nungungulu. Tshangano nya buzo nya gunengele, mu nga thumi thumo nya gulemele.

Levhi 23:41

Mu na girani buzo wowu, kha nga buzo nya gurungudze Pfhumu Nungungulu, livbandre na mavili matshigu, mwaga ni mwaga. Wu na bani wuri nayo nya gupindruge ga situgulwana sanu; mu na girani buzo yoyu khu ngima nya livbandre na mivili.

Mitengo 29:35

Khu litshigu nya livbandre na mararu, mu na gira tshangano nya guage; mu nga thumi gilo khu litshigu lolo;

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!