Nehemiya 8:12 - Bhibhiliya Nya Guage

¹² Vathu vatshavbo va di hongola magaya gwawe, vaya hodza ni gusela va nengela ngudzu va rumela iso va nga si tshiyago ga vambe, kholu va di manide tshamuselo nya magana va nga embedwego.

Nehemiya 8:12 Iomraidhean Croise

1 Dzikoronika 29:22

Va di hodza ni gu sela khu litshigu lile mbeli ga Pfhumu Nungungulu, khu gunengela nya gukhongolo ngudzu; khu gu landrela va di pharisa ndronga nya wufumu Solomoni, mwamana wa Dhavhidhe, gu khala muthangeli, va mu todza khu mafura mbeli ga Pfhumu Nungungulu, va todza gambe Sadhoki gu khala muphasi nya mhamba.

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Nehemiya 8:11

Va na Levhi va di degudza vathu, va va embela, khavo: “Degulani mu nga saniseki, kholu eli litshigu nya guage.”

Nehemiya 8:13

Khu litshigu li landrelago, vathangeli nya mahundzu, vaphasi nya mhamba ni va na Levhi, va diya tshangana ga mulovi Ezira, gasi gu yingisa tshamuselo nya Nayo.

Esiteri 9:22

Khayo matshigu yaya Vajudha va nga dzi tshudzisago khayo ga valala vawe, khuye ngima, gutshaniseka gwawe ni gulila gu vbindrugedzidego gu khala matshigu nya mibuzo ni gutsaka; va leletiswa gupwani matshigu yaya va ma gira mari ya mibuzo nya gunengele ni gutsaka, ni gu rumelana dzisagwati khu gyawe, ni gu ninga giphaso sisiwana.

Joba 23:12

Kha nya hambana ni sileletelo sa kanani gwaye, magana yaye nyi ma vegedzide ndrani nya monyo wangu.

Dzindzimo 119:111

Milayo yago yi khade thomba yangu kala gupindruga, kholu yi ngu tsakisa monyo wangu.

Dzindzimo 119:127

Nya gu gola ngudzu milayo yago, guvbindra ndralama nya gukhedzige ngudzu.

Dzindzimo 119:130

Tshamuselo nya mahungu yago wu ngu tula maho, wu ngu ninga gupima va nya gusolega.

Dzindzimo 119:14

Nya gu tsaka khu ndzila nya wufakazi wago, guvbindra gu mana dzithomba dzatshavbo.

Dzindzimo 119:16

Nyi na tsakela sirumo sago; nyi si divali mahungu yago. Guimel

Dzindzimo 119:171

Nyi na embelela ndzimo nya gu gurungudze, kholu u nyi hevbudzide guti sileletelo sago.

Dzindzimo 119:174

Pfhumu Nungungulu, eni nyi ngu lilela gu vbanyiswa khu uwe, nayo wago wu ngu tsakisa ngudzu monyo wangu.

Dzindzimo 119:72

Nayo wu dugago khu kanani gwago, wu na ni giphaso ngudzu, guvbindra mazana ni mazana nya ndralama ni parata. Yod

Dzindzimo 119:97

Oh! Idzo nyi wu golago khidzo nayo wago! Litshigu latshavbo nya gu alakanya uwo.

Jeremiya 15:16

Avbo nyi nga mana magana yago, ayo ma di khala guhodza gwangu; ayo ma di khala litsako ni gunengela nya monyo wangu, kholu nya gu ranwa khu lina lago, uwe Pfhumu Nungungulu nya Tshivba Yatshavbo.

Luka 24:32

Va di phela gu embeledzelana, khavo: “Ina kha ha nga bani hi pwa myonyo yathu na yi dzura gikhati a nga bani a gu ganela ni ethu ndzilani, a hi tshamusela Milowo, gani?”

Varoma 7:18

Eni nyi ngu dziti gukheni wuwadi kha wa vbaha gwangu, guthula gukheni givilini gwangu, kholu ambari na nyi gu gola gu gira nya sadi, nyi ngu tandrega.

Gutuledwa 11:10

Vathu va tigoni va na nengedziswa khu gufa nya dzifakazi dzedzi dza dzimbili. Va na ghiya bwelo khavbo va rumelana siningwa nya malosedzela, kholu vaprofeti vava va vavili va di gu va pwisisa wuvi.