Nehemiya 5:13 - Bhibhiliya Nya Guage

¹³ Nyi di ghubhuta kudzudzwane nya libhadzi langu, nyi ganela, kheni: “Nungungulu a na dzudze kharalo a mu dusa vbavbandze nya nyumba yaye, hwindzo ni silo saye, muthu watshavbo a na gumba tadzisa gifungo gegi. Tshangano watshavbo wu di ganela khuwo Amen. Va di rungudza Pfhumu Nungungulu, va gira kha nga idzo va nga sambanyago khidzo.

Nehemiya 5:13 Iomraidhean Croise

2 Dzipfhumu 23:3

Mufumeli a di khuga a ema nyangwani, a wusedza gidzumeledzwano mbeli ga Pfhumu Nungungulu, gukhuye a na landrela Pfhumu Nungungulu a landrisa Milayo yaye, magana yaye ni sileletelo saye khu monyo waye watshavbo ni hefemulo waye watshavbo a tiyisa magana nya gidzumeledzwano gegi, ma nga bani ma lovidwe libhukuni mule; vathu vatshavbo va di hungega ga gidzumeledzwano gegi.

1 Dzikoronika 16:36

A na bongwe Pfhumu Nungungulu wa Israyeli, khu gupindruga ni gupindruga!” Khavbo avbo, vathu vatshavbo va di khavo: Amen! Va dhumisa Pfhumu Nungungulu.

Nehemiya 8:6

Ezira a di dhumisa Pfhumu Nungungulu, Nungungulu nya khongolo; vathu vatshavbo va hakha, khavo: “Amen! Amen!” Na va gu khusedza mandza; va di nogisa dzithamo va khozela Pfhumu Nungungulu, dzikhovbe dzawe na dzi tsitside vbavbatshi.

Dzindzimo 119:106

Nyi sambanyide nyi tiyisa gukheni nyi na vegedza milayo yago nya gululame.

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Dzindzimo 76:11

Ningani Pfhumu Nungungulu wanu esi mu mu tumbisidego, mayigo yatshavbo ya vbafuvbi, ma na rese miningelo yawe vata yi bikela ga Nungungulu a yelago gu ningwa githawo.

Mavingu 28:4

Avo va hambanago ni Nayo, va gu zundza sighohi, aholu avo va sayisago Nayo, va gu dwana naso.

Muhevbudzi 5:5

I tshukwana gumba dzi girela gifungo, guvbindra gu gira gifungo u si gi landrisi.

Mitengo 5:22

Mati yaya nya givalo ma na bele rumbuni gwago, ma simbisa girumbu gyago, u khala gyumba. Khavbo avbo, nyamayi a na hakha, khuye: Amen! Amen!

Matewu 10:14

Gasi avbo va na gumba mi hakha, mwendro gumba hakhwa mahungu yanu, mwa gu duga khu ndrangani momo, mwendro dhoropani momo, phuphuthani kudzudzwane wa migondroni gwanu.

Mithumo 13:51

Aholu, vapostoli va di phuphutha kudzudzwane migondroni gwawe, gu yeyedza guhambana navo, va phara ndzila va hongola dhoropani ga Ikoniya.

Mithumo 18:6

Na wone gu bomba gwawe ni gupwa magana nya guvale, a di khuga a phuphutha dzingandzu dzaye a va embela, khuye: “Novba wanu wu na vbalagele mihungoni gwanu, eni kha mu nyi woni, nyi agide, gukhugela muhuno nyi na hongola ga va nya mayigo.”

1 Vakorinto 14:16

Wa gu gira nombelo khu liphuvbo basi, oyu a guromo a gu yingisela a na kodza kharini gu hakha, khuye “Amen” guhegisani nya gubonge gwago, olu a ngamba si mana esi u nga ganelago.

1 Samuweli 15:28

Samuweli a di mu embela, khuye: “Muhuno Pfhumu Nungungulu pferude mufumo wago gasi gu a wu ningela ga mumbe nya wadi guvbindra uwe.