Nehemiya 4:8 - Bhibhiliya Nya Guage

⁸ Vatshavbo va di tshangana va luga gikungo nya gudhumele Jerusalema; ni gu wusa vhilinganya.

Nehemiya 4:8 Iomraidhean Croise

2 Samuweli 10:12

Tiya longo hi dwanela vathu ni madhoropa ya Nungungulu wathu; Pfhumu Nungungulu, a na gire iso a si wonago nari sadi mbeli gwaye.

2 Dzikoronika 32:7

“Tiyani longo, mu nga vbeli tshivba khu kotani ya mufumeli wa Asiriya, ambari gu thava gidzemo gyatshavbo a gu nagyo, kholu avo hi gu navo ethu, vangi ngudzu guvbindra avo a gu navo uye.

Nehemiya 1:5

Nyi ganela, kheni: Nyi ngu lomba ga uwe Pfhumu Nungungulu wa ndzadzini, uwe u gu khongolo u thavisegago, uwe u sayisago pwanano ni gu girela wuhindzi vale va gu golago ni gu vegedza milayo yago!

Nehemiya 4:7

Avbo Sambalati, ni Tobhiya, ni Vaarabhi, ni va na Amoni ni va na Asidhodhi, va ngapwago nya gupwani thumo nya guvbahedze libhiyo la Jerusalema wu ngu hongola mbeli, ni gu malufa ma ngu vbela, va di vbisega ngudzu.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”

Dhewuteronome 1:29

Khavbo avbo, eni nyi mi embedeni, kheni: Mu nga thurugini gambe mu nga va thavi.