Nehemiya 4:7 - Bhibhiliya Nya Guage

⁷ Avbo Sambalati, ni Tobhiya, ni Vaarabhi, ni va na Amoni ni va na Asidhodhi, va ngapwago nya gupwani thumo nya guvbahedze libhiyo la Jerusalema wu ngu hongola mbeli, ni gu malufa ma ngu vbela, va di vbisega ngudzu.

Nehemiya 4:7 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

2 Dzipfhumu 24:2

Nungungulu a di mu rumela masotshwa nya Vakalidhiya, nya Vaasiriya, ya na Mowabhi ni ya na Amoni, guya sasela Judha, kha nga guganela ga Pfhumu Nungungulu, a ganedego khu ga sithumi saye, vaprofeti.

2 Dzikoronika 20:1

Khu hwane nya esi, va na Mowabhi, ni va na Amoni, gumogo ni Vamewuni, va dita wugela Josafati, va mu dwanisa.

Ezira 5:8

A na khale na gu dziti mufumeli gukhuye, ethu hi endrede gipandrengulu gya Judha, nyumbani ga Nungungulu nya khongolo yi vbahwago khu siwindri nya sikhongolo, mapulango ma phedwe gu khokhothedwa umo nya sidza, thumo wowu wa gu tutuma khu tshivba khu mandzani gwawe.

Nehemiya 2:10

Avbo Sambalati, nya Muhoroni, ni Tobhiya githumi, nya Muamoni, na va pwide esi, va di vbisega ngudzu, khu gupwani womo muthu nya gukari a dzudego guta girela silo nya gukari va na Israyeli.

Nehemiya 2:19

Avbo Sambalati, Muhoroni, Tobhiya, githumi nya Muamoni ni Gesemi, Muarabhi, va nga dzipwago, va di hi hega ni gu hi hembulula, va ganela, khavo: “Gasi ginani gyogyo mu girago? Mwa gu vbwetani gu wugela mufumeli, gani?”

Nehemiya 4:1

Avbo Sambalati, a nga pwago gupwani hi womo guvbahani nya likhokhola, a di vila a vbisega ngudzu khu likhulo, a phela gu hembulula Vajudha.

Nehemiya 4:6

Kholu ha guvbaha libhiyo; libhiyo latshavbo hi li tshanganiside kala vbakari ni vbakari guya vbatshani, kholu vathu va thumago va di gu dzi ningedzela ngudzu.

Nehemiya 4:8

Vatshavbo va di tshangana va luga gikungo nya gudhumele Jerusalema; ni gu wusa vhilinganya.

Nehemiya 6:16

Gikhati va pwidego esi, valala vathu vatshavbo, gumogo ni va nya mayigo vatshavbo nya vaakelane vathu vatshavbo, va di samala va bwelo khavbo va vbela tshivba, kholu, va di gu wona gukhavo khandri tshivba yathu basi, aholu khu Nungungulu wathu, a hi phasedzedego thumoni momu.

Jeremiya 25:20

ni vathu nya mafumbu nya guhambanelane va vbanyago umomo, ni vafumeli vatshavbo va tigoni ga Uzi, vafumeli va tigoni nya Vafilisitiya, va Asikaloni, va Gaza, va Ekoroni ni mitshaledwa ya Asidhodhi;

Jeremiya 41:10

Ismayeli a di vbagela yatshavbo mitshaledwa yi nga bani yi gu tshade Misipa, vanyamahegyane va mufumeli, ni vathu vatshavbo va nga bani va tshade Misipa, avo Nebhuzaradhani, ndruna nya dzighadhi, a nga bani a va vegide mandzani ga Gedhaliya, mwamana wa Ayikamo, a va vbagela aya navo tigoni ga na Amoni.

Amosi 1:13

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa va na Amoni, kha nyi na bweledza tsayiso, kholu va pferulede dzimimba dza vanyamayi va Gileyadhi, gasi guanamisa litigo lawe.

Amosi 1:8

Nyi na mbembisa vavbanyi va Asidhodhi, ni wule a pharidego ndronga nya wufumu wa Asikaloni. Nyi thawuludza gyandza gyangu nyi veta Ekoroni, kala gufa ni yatshavbo mitshaledwa nya Vafilisitiya, a ngu ganela Pfhumu Nungungulu.

Amosi 3:9

Pwadzani esi umo nya dzinyumba nya wufumu dza Asidhodhi ni dzinyumba nya wufumu dza tigoni ga Egipito, mu va embela, khenu: Tombanani musigomoni sa Samariya, mu wona pfilupfilu nya yikhongolo yi guromo umomo, ni wughevenga yi guromo mabhiyoni gwaye.

Mithumo 5:33

Na va pwide esi, va di dzi hodzedzela khu wuvi, va gu hunga makungo nya gu va songe.

Gutuledwa 12:17

Mwamilambo na tandregide, a di tala khu likhulo aya wugela avo va nga bani va tshade nya livelego la nyamayi, a gu vathu vatshavbo vale va vegisago milayo ya Nungungulu, va landrisago wufakazi wa Jesu Kristo.

1 Samuweli 11:2

Aholu Nahasi, nya Muamoni, a di va hakha, khuye: “Nyi na gira nanu gidzumeledzwano mwa gu dzumela guphela khu gu mu rumbula liso la nyamudye la moyo ni moyo nya enu, nyi vega kharati givalo tigoni gwatshavbo ga Israyeli.”