Nehemiya 4:23 - Bhibhiliya Nya Guage

²³ Khu guralo, ambari eni, ni vandriyangu, sithumi sangu gumogo ni vawoneleli va nga nyi bangaladzago gu wuyani gwangu, a diri mwalo ni moyo a nga bani a tshula guambala gwaye, muthu ni muthu a di lala na pharide litshari mandzani gwaye.

Nehemiya 4:23 Iomraidhean Croise

Nehemiya 4:22

Khu gikhati gyogyo, nyi di ganela esi ga vathu, kheni: Moyo ni moyo wa na gyathu gumogo ni sithumi sawe, va nga khugi Jerusalema, gasi va kodze gu hi phasedzela gu ghadha vbawutshigutunu, gasi vbamihanitunu hi kodze guvbaha.”

Nehemiya 5:1

Gu manegide gikhalo nya gikhongolo khu ga vama ni vanyamayi, khu kotani ya vandriyawe nya Vajudha.

Nehemiya 5:16

Eni gambe nyi di dzi ningela gu wusedza libhiyo, nyi diri mwalo lithembwe, aholu sithumi sangu niso si di thuma khu gupwanana.

Nehemiya 7:2

Nyi di vega ndriyangu Hanani, ni Hananiya, muthangeli nya likhokhola, gasi gu khala vakheviseli va Jerusalema; kholu Hananiya a diri mwama a tumbegidego guvbindra vathu vatshavbo, nari ni githawo ni Nungungulu;

Joyele 2:8

Kha va liginyani; moyo ni moyo a na thonona guya mbeli; va vbindra khu vbakari nya litshari, nyamba bayiswa.

1 Vakorinto 15:10

Aholu khu wuhigo wa Nungungulu nyi womo kha nga idzo nyi gu idzo. Gambe wuhigo a nyi ningidego, kha nyi ninga mahala. Eni nyi ngu thuma ngudzu guvbindra vatshavbo vapostoli. Ambari ulo khandreni nyi girago esi satshavbo, wuhigo wa Nungungulu wu thumago gumogo ni eni.

Valamuli 5:11

Iyo gu pwalago ligwaha nya sighalala, malangani gu regwago mati, pwadzani mithumo nya gululame ya Pfhumu Nungungulu, mithumo nya gululame a giredego ga avo va vbanyago mitalalani ya tigoni ga Israyeli. Khavbo avbo, vathu va Pfhumu Nungungulu va di vboha kala dzinyangwani nya lidhoropa.

Valamuli 9:48

a di gwela gumogo ni vathu vaye a nga bani nari navo gigomoni gya Salimoni; Abhimeleki a di dzega libhewula a pila litamo nya simbo a li vbagara magatani gwaye, a embela vathu a nga bani ari navo, khuye: “Iso mu nga nyi wona na nyi gu gira, vbiredzani nenu gu gira nga eni.”