Nehemiya 4:2 - Bhibhiliya Nya Guage

² A di ganela mbeli ga vandriyaye ni ga masotshwa ya Samariya, khuye: “Ginani si girago sisiwana sesi nya Vajudha? Ina hi va diga va gira esi gani? Olu va girago miphaso, va na li wusa khu litshigu limwedo, gani? Ina va na wusa siwindri sesi si khadego litala nya nguma khu gu vbiswa, gani?”

Nehemiya 4:2 Iomraidhean Croise

Ezira 4:4

Khavbo avbo, vathu va tigoni va di phela gu vbedza tshivba ya va na Judha va va himbedzela gu vbaha,

Nehemiya 12:27

Gikhatini nya gukhangudwe libhiyo la Jerusalema, gu di ranwa khu malangani nya guhambanelane, va na Levhi vatshavbo gasi vata khangula libhiyo khu gutsaka, na va gu embelela khu dzindzimo, ni gudhumisa khu dzingoma, sitendre, dzimbila ni mitandrandra.

Nehemiya 12:43

Litshigu lolo, gu ningedwe miphaselo nya dzimhamba nya dzikhongolo gu bwelo khavbo gu nengedwa; kholu Nungungulu a di va ningide litsako nya likhongolo. Vanyamayi ni sanana, avo navo va di gu tsakide ngudzu. Huwa nya litsako lolo yi di pwala Jerusalema gwatshavbo, kala hwindzo.

Nehemiya 4:10

Khu guralo va na Judha va di khavo: “Vathu va vbede tshivba, narigu ndzilo yi ngari yingi; kha hi na nga kodza gu vbahedza kala li vbela.”

Nehemiya 6:15

Thumo nya guvbahedzwe libhiyo wu phede khu litshigu nya magumavili na livbandre nya ngima nya Eluli wu vbedzide livbandre magumi ni matshigu mavili (52).

Dzindzimo 83:4

Vari, khavo: “Deluni, hongoleni hi fuvise vathu va na Israyeli, gasi lina lawe li futwa muphelo li si alakanywi gambe.”

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 33:24

“Uwe u ngu wona nya gukhuwe vathu vava va ngu ganela, khavo: Pfhumu Nungungulu a pfhurarede mafumbu yaya ya mavili a ma hathidego, gani? Va gu hega vathu vangu, va gira gukhwatshi vathu va nga bani vari mwalo litigo mbeli gwawe.”

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”

Habhakuka 3:2

Uwe Pfhumu Nungungulu, nyi pwide na gu ganedwa khu ndruma yago; nya gu wona sigiro sago Pfhumu Nungungulu, nya gu ndrendremela. Wusedza nyaluphye mithumo yago matshigwanaya; ma tidwa ga gikhati gegi gyathu; likhulo lago, li alakanye khu wuhindzi.

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Zakariya 4:10

Khu mani a kanyisago litshigu nya silo nya sidugwana? Vatshavbo va na kulungela gikhati va na wonago giwindri giri mandzani ga Zorobhabheli.”

1 Vakorinto 1:27

Aholu, Nungungulu hathide esi vathu va si wonago kha nga wupumbu, afela gu kona va nya guti; Nungungulu hathide esi vathu va si wonago siri mwalo tshivba, afela gu tshisa vbavbatshi va nya dzitshivba.