Nehemiya 4:15 - Bhibhiliya Nya Guage

¹⁵ Nala wathu na pwide nya gupwani gikungo gyawe hi gi pimide, ni gu, Pfhumu Nungungulu a pfhungumude makungo yawe, hi di bwelela marumbini, muthu ni muthu a hongola thumoni gwaye.

Nehemiya 4:15 Iomraidhean Croise

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 17:14

Abhisalamo ni vatshavbo va na Israyeli, va dipwa gikungo gya Husayi Muaraki nari gyadi gu vbindra gya Ayitofeli. Kholu Pfhumu Nungungulu a di gode gukhuye gi fuviswa gikungo nya gyadi gya Ayitofeli, gasi Abhisalamo a kodze gu thegedwa khu libango.

Nehemiya 4:16

Gukhugela litshigu lile, gipandre gya vbakari nya madzaha yangu, ma di thuma thumo nya guvbahe, gimbe gipandre gi phara matshari, sitshangu, malaho ni sikhweso nya simbi, vathangeli na va emide khu hwane nya ndranga yatshavbo ya na Judha.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 44:25

Nyi ngu ganedza vaprofeti nya malipha, nyi handrugisa va nya gulola dzisolo; va nya guti nyi va bweledza hwane, nyi vbindrugedza wugengeli wawe wu khala wupumbu.

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Marko 13:34

Gu ngu fanana ni muthu nya gukari a nga donga liendro, a di khuga a tshiyedza ndranga ga sithumi saye, a kabanisela mithumo ga moyo ni moyo, a ruma ghadhi gu tshala yi khevisela.

Varoma 12:11

Thumani ngudzu, mu nga khalini vathu nya wugara. Dzi garadzeni khu gu thumela Pfhumu khu monyo watshavbo.

1 Vatesalonika 4:11

Dwanelani guvbanya khu gurula, vbedzani mwabune sigaradzo sanu, thumani gasi mu mane guvbanya, nga edzi hi nga mi hevbudzani khidzo.