Nehemiya 4:14 - Bhibhiliya Nya Guage

¹⁴ Avbo nyi nga wona gukheni satshavbo si dongisedwe, nyi di khuga nyi ema nyi embela vathangeli, dzindruna ni vathu vatshavbo, kheni: “Mu nga thavi, dundrugani gukhenu Pfhumu Nungungulu khongolo, ni gu thavisega, mwa gudwanela vandriyanu, sanana sanu nya sikhwathana nesi nya sagadzyana, vagadzi vanu ni dzindranga dzanu.”

Nehemiya 4:14 Iomraidhean Croise

2 Samuweli 10:12

Tiya longo hi dwanela vathu ni madhoropa ya Nungungulu wathu; Pfhumu Nungungulu, a na gire iso a si wonago nari sadi mbeli gwaye.

2 Dzikoronika 32:7

“Tiyani longo, mu nga vbeli tshivba khu kotani ya mufumeli wa Asiriya, ambari gu thava gidzemo gyatshavbo a gu nagyo, kholu avo hi gu navo ethu, vangi ngudzu guvbindra avo a gu navo uye.

Nehemiya 1:5

Nyi ganela, kheni: Nyi ngu lomba ga uwe Pfhumu Nungungulu wa ndzadzini, uwe u gu khongolo u thavisegago, uwe u sayisago pwanano ni gu girela wuhindzi vale va gu golago ni gu vegedza milayo yago!

Joba 37:22

Khu rongatunu gu nata gulasa nya gukhedzige nga ndralama, kholu Nungungulu randredwe khu wudhumo nya guthavisege.

Dzindzimo 143:5

Nyi ngu dundruga matshigu ya gale, nyi ngu pimisela mithumo yago yatshavbo, nyi ngu alakanya siliwugiso u giridego khu mandza yago.

Dzindzimo 20:7

Vambe va gu tumba dzikareta, vambe va tumba dzikavalu; gasi ethu ha gu rana lina la Pfhumu Nungungulu wathu.

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 65:5

Nungungulu muvbanyisi wathu, Uwe u ngu hi hakha ni gu hi vbanyisa khu gu gira silo nya gusamadzise; litigo latshavbo la gutumba uwe, ni avo va guromo linene ga hwindzo.

Dzindzimo 66:3

Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Dzindzimo 66:5

Deluni muta wona mithumo ya Nungungulu; wonani silo nya gusamadzise a giredego vathu.

Ekisodha 14:14

Pfhumu Nungungulu a na mi dwanela, eno mu na degula henu kape.

Ekisodha 14:25

A di emisa marodha nya dzikareta dzawe, ma sara gugimbila. Khavbo avbo, Vagipiti va di ganela, khavo: “Hongoleni hi thave va na Israyeli, kholu Pfhumu Nungungulu a ngu ema navo a wugela Vagipiti.”

Muhevbudzi 12:1

Alakanya Muvangi wago na wu ngari lidzaha, kholu ma na vboha matshigu nyambasi yadi, a gu myaga u na ganelago gukhuwe: “Guvbanya kha gu nga gu tshamba gambe;”

Dhaniyeli 11:32

Khu mano yaye, a na kanganyisa vale va ndragidego gidzumeledzwano, aholu vale va mutigo Nungungulu wawe, va na mana tshivba va tiya va gira siliwugiso.

Zakariya 14:3

Khavbo avbo, Pfhumu Nungungulu a na duga aya wugela mayigo yoyo, a ma dwanisa, kha nga idzo a dwanidego khidzo litshiguni nya nyimbi.

Mitengo 14:9

Mu nga wugelini Pfhumu Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu Pfhumu Nungungulu a na ni ethu. Mu nga va thavi!”

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Dhewuteronome 1:21

Wona nya gukhuwe Pfhumu Nungungulu wago, a gu ningide litigo leli. Gwela, u ya li dzege, u li fumula kha nga idzo a ganedego khidzo Pfhumu Nungungulu wa vababe vago: U nga thavi, gambe u nga thurugi.

Dhewuteronome 10:17

Kholu, Pfhumu Nungungulu wanu, Nungungulu nya vanungungulu ni Pfhumu nya dzipfhumu, Nungungulu nya khongolo, nya tshivba, nya guthavisege, a si hatheligo vathu, gambe a si dzumeligo gu rengeledwa;

Vahebheru 13:6

Khu guralo, hi ngu tiya longo hi ganela, khethu: “Pfhumu khuye muphasedzeli wangu, eni kha nyi thavi gilo. A nga nyi gira ginani muthu?”

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Valamuli 3:27

Na vbohide, a di gwela sigomoni sa Efrayimi a womba pundru, va na Israyeli va di relela naye khu gigomotunu, na thangide mbeli gwawe.