Nehemiya 3:26 - Bhibhiliya Nya Guage

²⁶ Sithumi sa Nyumbani ga Nungungulu, si nga bani si vbahide Ofeli, si di vbahedza wulanga wu khedzanago ni Mwanya nya Mati, khu Khugadambo kala vbalangwetunu nya gulaphe.

Nehemiya 3:26 Iomraidhean Croise

1 Dzikoronika 9:2

Avo va phedego khavo gu wuya vata vbahedza nyaluphye marumbini ni madhoropani gwawe, khu va na Israyeli, vaphasi nya mhamba, va na Levhi ni sithumi sa Nyumbani ga Nungungulu.

2 Dzikoronika 27:3

Khuye a vbahidego Mwanya wa Vbatshani wa Nyumbani ga Pfhumu Nungungulu, bwelo khavbo a gira gambe mithumo ya yingi nya Likhokhola la Ofeli.

2 Dzikoronika 33:14

Khu hwane nya esi, uye a di vbahedza likhokhola la vbavbandze nya Didhoropa la Dhavhidhe khu Pfoladambo wa Giyoni, kovani nya gubele khu lidimba nya dzindzandzi, a dzundrulugela nalo kala Ofiri, a li khusedza li lapha ngudzu; a vega gambe dzindruna nya dzingwazi madhoropani gwatshavbo nya makhokhola ya Judha.

Nehemiya 10:28

Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

Nehemiya 11:21

Vathumegeli va Nyumbani ga Nungungulu va di vbahide gipandre gya Ofeli, na va gu thangedwa khu Ziya ni Gisipa.

Nehemiya 12:37

Avbo va nga vbohago nyangwani gu ranwago gupwani Nyangwa nya Nambo, va di lita khu sigandro nya Didhoropa la Dhavhidhe, va thonona guya vbatshani nya ndzari nya libhiyo, vbatshani nya nyumba ya Dhavhidhe, kala vbanyangwatunu nya Mati, khu phuvbo ga Khugadambo.

Nehemiya 3:27

Khu hwane, va na Tekowa va di vbahedza gimbe gipandre gi khedzanago ni langwe nya gulaphe, kala Vbalibhiyotunu la Ofeli.

Nehemiya 8:1

Avbo li nga vbohago litshigu nya livbandre na mavili nya ngima nya livbandre na mina, va na Israyeli na vari madhoropani gwawe. Vathu vatshavbo va di tombana tandralani nya nyangwa yi ranwago gupwani nyangwa nya Mati, va lomba mulovi Ezira gu va resela libhuku nya Nayo wa Mosi, wu lovidwego khu Pfhumu Nungungulu ga va na Israyeli.

Nehemiya 8:16

Khavbo avbo vathu va diya pila matamo yoyo va ta gira khayo mitshatsha, muthu ni muthu a dita vbaha vbatshani nya langwe yaye ni mitendrelani gwawe, ni dzinyangwani nya Nyumba ya Nungungulu, ni tandralani nya Mwanya nya Mati, ni tandralani nya Mwanya wa Efrayimi.

Nehemiya 8:3

A di ema a li hevbula tendrelani wu nga bani wu romo vbafuvbi ni Mwanya nya Mati, gukhugela dzimindrudzile kala vbakari nya mihani, a di hevbulela vama ni vanyamayi ni vatshavbo avo va nga bani na vari ni tanga nya guyingise, vathu vatshavbo va di yingisa khu githawo Libhuku nya Nayo.

Isaya 32:14

Kholu nyumba nya wufumu kha yi na bedwa gambe khu muthu, lidhoropa li nga bani gu khala vathu nya gutale, li na khala marumbi. Ofeli ni likhokhola nya vawoneleli, si na khala dziphago kala gupindruga. Gu na khala wuhaganelo nya dziburu nya likhabi ni wuhaviselo nya mitshambi;