Nehemiya 2:10 - Bhibhiliya Nya Guage

¹⁰ Avbo Sambalati, nya Muhoroni, ni Tobhiya githumi, nya Muamoni, na va pwide esi, va di vbisega ngudzu, khu gupwani womo muthu nya gukari a dzudego guta girela silo nya gukari va na Israyeli.

Nehemiya 2:10 Iomraidhean Croise

Nehemiya 13:1

Khu litshigu lolo, gu di hevbuledwa vathu Libhuku nya Nayo wa Mosi; libhukuni momo gu di manega na gu lovidwe gupwani va na Amoni ni va na Mowabhi, va si beli gambe tshanganoni wa Nungungulu,

Nehemiya 13:28

Moyo nya gyanana gya Joyadha, mwamana wa Eliyasibhi, muphasi nya khongolo nya mhamba, a diri mwane wa Sambalati, Muhoroni. Nyi di mu tutumisa nyi si vbweti gu mu wona.

Nehemiya 13:4

Na gu si gu dugeleli esi, muphasi nya mhamba Eliyasibhi, muthangeli wa nyumbani ga Nungungulu nya guvegedzele thomba, uye a di thanganide wupari ni Tobhiya;

Nehemiya 2:19

Avbo Sambalati, Muhoroni, Tobhiya, githumi nya Muamoni ni Gesemi, Muarabhi, va nga dzipwago, va di hi hega ni gu hi hembulula, va ganela, khavo: “Gasi ginani gyogyo mu girago? Mwa gu vbwetani gu wugela mufumeli, gani?”

Nehemiya 4:7

Avbo Sambalati, ni Tobhiya, ni Vaarabhi, ni va na Amoni ni va na Asidhodhi, va ngapwago nya gupwani thumo nya guvbahedze libhiyo la Jerusalema wu ngu hongola mbeli, ni gu malufa ma ngu vbela, va di vbisega ngudzu.

Nehemiya 6:1

Avbo Sambalati, Tobhiya, Gesemi, Muarabhi ni vambe valala vathu, va nga wona gukhavo nyi vbedzide guvbahedza libhiyo, ni gukhavo, gu mwalo gambe wulanga wutshadego nyamba vbahedzwa ambari olu gu nga bani gu si gu vegedzedwi malimba omu nya myanya.

Nehemiya 6:16

Gikhati va pwidego esi, valala vathu vatshavbo, gumogo ni va nya mayigo vatshavbo nya vaakelane vathu vatshavbo, va di samala va bwelo khavbo va vbela tshivba, kholu, va di gu wona gukhavo khandri tshivba yathu basi, aholu khu Nungungulu wathu, a hi phasedzedego thumoni momu.

Esiteri 10:3

Kholu Mujudha Moridhekayi, a diri uye a nga bani a gu landrela mufumeli Asuwero; Moridhekayi a diri muthu a nga bani na gu ningwa ngudzu githawo khu Vajudha, gumogo ni gu salalegisa gidzemo gya va na gyawe, kholu a di vbweta gukhuye va na gyawe va sayisege gwadi na va gu thuma, gasi gu andrisa lifumbu lawe latshavbo.

Dzindzimo 112:10

Muthu nya guvivbe a gu wona esi a napwa wuvi; a tala khu lidiwo ni guvbisega, a khukhurusa magwaha; aholu mapimo yaye ma na hegisa khu gu fuva.

Mavingu 27:4

Likhulo li vivbide, ni gugoroga i talo nya mati, aholu khu mani a tiyelago lidiwo?

Mavingu 30:22

Githumi gya gu khala mufumeli, gipumbu gya khura khu guhodza;

Muhevbudzi 10:7

Nyi di wona dzikhumbi dzi gimbila khu dzikavalu, aholu, vafumeli va gimbila khu migondro nga dzikhumbi.

Isaya 15:5

Monyo wangu wu ngu lila khu kotani ya Mowabhi; vathu vaye nya guthavisege, va thavede tigoni ga Zowari, gu fanana ni gimombyana nya myaga miraru; kholu va gu lila na va gu gwela khu gigomo gya Luwiti, va gimbila na gu womba huwa khu ndzila yiyago Horonayimi, na va guwomba dzihuwa nya wuvi.

Jeremiya 41:10

Ismayeli a di vbagela yatshavbo mitshaledwa yi nga bani yi gu tshade Misipa, vanyamahegyane va mufumeli, ni vathu vatshavbo va nga bani va tshade Misipa, avo Nebhuzaradhani, ndruna nya dzighadhi, a nga bani a va vegide mandzani ga Gedhaliya, mwamana wa Ayikamo, a va vbagela aya navo tigoni ga na Amoni.

Jeremiya 48:34

Gu pwade huwa khu Hesibhoni, yi pwala kala tigoni gwa Eleyali ni Jasa; huwa yaye yi pwade gukhugela Zowari kala Horonayimi, ni Egilati-Selisiya; kholu ni mati ya Nimerimi, ma na banga.

Jeremiya 48:5

Dzindzilani nya guhongole Luwiti gu pwala miketo nya gulile; khu mireleloni ya Horonayimi gu pwala dzihuwa nya wuvi, khu kotani nya gumbembiswe.

Mithumo 4:2

Va di garadzega khu gu wona Pedro ni Johane na va gu hevbudza vathu ni gu huwelela guwuga ga vafudego linani la Jesu.

Mithumo 5:24

Na va pwide magana yaya, muthangeli nya Nyumba ya Nungungulu gumogo ni vakhongolo nya vaphasi nya mhamba, va di liwuga ngudzu va gu dzi wudzisa avo vamune, khavo: “Gu na bani ari ginani silo sesi.”